ຍີນດີຕ້ອນຮັບເຂົ້າສູ່ເວັບໄຊພະ​ແນກ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງ​ເຊກອງ

ເຊກອງ ເຊັນສັນຍາພັດທະນາໂຄງການ ເພື່ອພັດທະນາເສດຖະກິດ-ການຄ້າຊາຍແດນ

   24

  ໃນວັນທີ 17 ມິຖຸນາ 2022 ຜ່ານມາ ຢູ່ທີ່ພະແນກແຜນການ ແລະການລົງທຶນແຂວງເຊກອງ ໄດ້ຈັດພິທີເຊັນຍາພັດທະນາໂຄງການ (PDA) ເພື່ອພັດທະນາເສດຖະກິດ-ການຄ້າຊາຍແດນ

ນອນໃນເນື້ອທີ່ 13 ເຮັກຕາ ທີ່ຕັ້ງຢູ່ເຂດບ້ານດາກໂດມ ແລະບ້ານດາກຕະອອກ ເມືອງດາກຈຶງ ແຂວງເຊກອງ ລະຫວ່າງ ອໍານາດການປົກຄອງແຂວງເຊກອງ ແລະ ບໍລິສັດ ໂຊກໄຊ ຈະເລີນການຄ້າ ຈໍາກັດ, ໂດຍຕາງໜ້າແຂວງເຊກອງ ແມ່ນທ່ານ ຄຳປະກອນ ອຸເທນທະປັນຍາ ຮັກສາການຫົວໜ້າພະແນກແຜນການ ແລະການລົງທຶນແຂວງ ແລະຕາງໜ້າບໍລິສັດ ແມ່ນທ່ານ ໂຊກໄຊ ສົມໃຈນຶກ ປະທານບໍລິສັດ ໂຊກໄຊ ຈະເລີນການຄ້າ ຈໍາກັດ ຜູ້ດຽວ, ພາຍໃຕ້ການເຂົ້າຮ່ວມ ຂອງທ່ານ ຂັນຕີ ສີລະວົງສາ ຮອງເຈົ້າແຂວງເຊກອງ, ຮອງປະທານໂຄງການລົງທຶນຂັ້ນແຂວງ, ມີຮອງເຈົ້າເມືອງດາກຈຶງ ພ້ອມດ້ວຍຂະແໜງການທີ່ກ່ຽວຂ້ອງຂັ້ນຕ່າງໆ ແລະຕາງໜ້າບໍລິສັດເຂົ້າຮ່ວມເປັນສັກຂີພິຍານ.

25

     ທ່ານ ໂຊກໄຊ ສົມໃຈນຶກ ກ່າວວ່າ: ພາຍຫຼັງທີ່ເຊັນ PDA ແລ້ວ ບໍລິສັດ ຈະໄດ້ປະສານສົມທົບກັບພະ ແນກແຜນການ ແລະ ການລົງທຶນ, ພະແນກ ຍທຂ, ພະແນກຊັບພະຍາກອນ ທຳມະຊາດ ແລະ ສິ່ງແວດລ້ອມແຂວງ ແລະ ເມືອງດາກຈຶງ ເພື່ອລົງພາກສະໜາມຕົວຈິງ ໃນການຈັດຕັ້ງປະຕິບັດ ໂຄງການດັ່ງກ່າວໃຫ້ສຳເລັດ ເປັນໄປຕາມກອບ ແລະ ໄລຍະເວລາຂອງ PDA ສະບັບນີ້ທຸກຂັ້ນຕອນ, ພ້ອມໃຫ້ຖືກຕ້ອງຕາມລະບຽບ ແລະ ກົດໝາຍຂອງພະແນກການທີ່ກ່ຽວຂ້ອງໄດ້ກໍານົດໄວ້ ເພື່ອໃຫ້ໂຄງການດັ່ງກ່າວ ກ້າວໄປສູ່ການພັດທະນາໂດຍໄວ ກໍຄືກ້າວເຂົ້າໄປສູ່ການເຊັນສັນຍາພັດທະນາໂຄງການ (CA) ໄປ ພ້ອມກັບການຍົກສູງ ຊີວິດການເປັນຢູ່ຂອງປະຊາຊົນບັນດາເຜົ່າໃນຂອບເຂດໂຄງການຕັ້ງຢູ່ໃຫ້ດີຂື້ນເທື່ອລະກ້າວ ເວົ້າລວມແຂວງເຊກອງ, ເວົ້າສະເພາະເມືອງດາກຈຶງ, ແນໃສ່ປະກອບສ່ວນເຂົ້າໃນການພັດທະນາເສດຖະກິດສັງຄົມຂອງແຂວງເຊກອງເທື່ອລະກ້າວ.

26

ສ້າງຂື້ນໃນ ປີ 2017. ສະຫງວນລິຂະສິດໂດຍ: ພະແນກຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງເຊກອງ, ຕັ້ງຢູ່ບ້ານ ໂນນ​ມີ​ໄຊ, ເມືອງ ລະມາມ, ແຂວງ ເຊກອງ, ໂທຣ:(+856)038 211024, ແຟກ:(+856)038 211024, ມືຖື: 020 55121635
Powered by Joomla 1.7 Templates