ຍີນດີຕ້ອນຮັບເຂົ້າສູ່ເວັບໄຊພະ​ແນກ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງ​ເຊກອງ

ເຈົ້າແຂວງເຊກອງ ລົງຊຸກຍູ້ການຜະລິດເປັນສິນຄ້າຢູ່ບ້ານຫລັກຂາວ

15

ໃນວັນທີ 17 ມິຖຸນາຜ່ານມານີ້, ທ່ານ ເຫລັກໄຫລ ສີວິໄລ ເຈົ້າແຂວງເຊກອງ ພ້ອມຄະນະ ໄດ້ລົງເຄື່ອນໄຫວຊຸກຍູ້ຂະບວນການຜະລິດ (ປູກພືດຜັກ)

ເປັນສິນຄ້າຢູ່ບ້ານຫລັກຂາວເມືອງທ່າແຕງ ໂດຍມີທ່ານຮອງເຈົ້າເມືອງທ່ານ, ຄະນະນໍາຂອງເມືອງ ແລະ ປະຊາຊົນບ້ານຫລັກຂາວເຂົ້າຮ່ວມ.

16

ໃນໂອກາດນີ້ ທ່ານ ຄໍາເສີຍ ຈໍາປາແກ້ວມະນີ ນາຍບ້ານຫລັກຂາວ ໄດ້ລາຍງານສະພາບການຜະລິດ ແລະ ການຈໍາຫນ່າຍຜົນຜະລິດຂອງປະຊາຊົນພາຍໃນບ້ານໃນໄລຍະຜ່ານມາ. ຫລັງຈາກນັ້ນ ທ່ານເຈົ້າແຂວງເຊກອງ ກໍໄດ້ມີຄໍາເຫັນ ໂດຍຊີ້ນໍາໃຫ້ຂະແຫນງການກ່ຽວຂ້ອງ ເປັນຕົ້ນແມ່ນຂະແຫນງກະສິກໍາ ແລະ ປ່າໄມ້ແຂວງ ແລະ ເມືອງ ສືບຕໍ່ຫັນເອົາພະນັກງານວິຊາການ ທີ່ມີຄວາມຮູ້ຄວາມສາມາດລົງຊ່ວຍແນະນໍາເຕັກນິກການປູກ ແລະ ເຕັກນິກການບົວລະບັດຮັກສາໃຫ້ແກ່ປະຊາຊົນ ເພື່ອແນໃສ່ຍົກສູງສະມັດຕະພາບຂອງຜົນຜະລິດໃຫ້ໄດ້ທັງປະລິດມານ ແລະ ຄຸນນະພາບ, ປອດສານເຄມີຕາມຄວາມຕ້ອງການຂອງຕະຫລາດ, ສ່ວນຂະແຫນງອຸດສາຫະກໍາ ແລະ ການຄ້າກໍ່ຊອກຫາຕະຫລາດຮອງຮັບຜົນຜະລິດ ແລະ ມີການຄໍ້າປະກັນລາຄາ, ທັງນີ້ ກໍເນື່ອງຈາກວ່າ ການປູກພືດເປັນສິນຄ້າກໍເປັນທ່າແຮງຫນຶ່ງໃນການຂັບເຄື່ອນການພັດທະນາເສດຖະກິດ-ສັງຄົມ ແລະ ການແກ້ໄຂຄວາມທຸກຍາກຂອງປະຊາຊົນພາຍໃນເມືອງທ່າແຕງ ກໍຄືແຂວງເຊກອງ.

17

ໃນວັນດຽວກັນນີ້ ທ່ານເຈົ້າແຂວງເຊກອງ ຍັງໄດ້ລົງເບິ່ງສວນປູກກາເຟຂອງບໍລິສັດກາດເກ້ຢູ່ບ້ານໂກງຕາຢູນ ແລະ ສວນປູກໄມ້ຟື້ນຟູປ່າເຂດຍອດນໍ້າເຊໂດນຢູ່ບ້ານຫົວເຊໂດນ ເຊິ່ງສວນດັ່ງກ່າວ ຈະສ້າງໃຫ້ກາຍເປັນສວນຕົວແບບໃນການປູກໄມ້ຟື້ນຟູປ່າຂອງແຂວງເຊກອງ.

-----

(ຂ່າວ-ພາບ: ສັນຍາ)

ສ້າງຂື້ນໃນ ປີ 2017. ສະຫງວນລິຂະສິດໂດຍ: ພະແນກຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງເຊກອງ, ຕັ້ງຢູ່ບ້ານ ໂນນ​ມີ​ໄຊ, ເມືອງ ລະມາມ, ແຂວງ ເຊກອງ, ໂທຣ:(+856)038 211024, ແຟກ:(+856)038 211024, ມືຖື: 020 55121635
Powered by Joomla 1.7 Templates