ຍີນດີຕ້ອນຮັບເຂົ້າສູ່ເວັບໄຊພະ​ແນກ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງ​ເຊກອງ

ເຈົ້າແຂວງເຊກອງ ຕ້ອນຮັບຮອງປະທານສານປະຊາຊົນພາກໃຕ້

10

      ໃນວັນທີ 15 ມິຖຸນາ 2022 ນີ້ ທີ່ຫ້ອງວ່າການແຂວງເຊກອງ ທ່ານ ເຫຼັກໄຫຼ ສີວິໄລ ເຈົ້າແຂວງເຊກອງ ພ້ອມຄະນະ ໄດ້ຕ້ອນຮັບທ່ານ ທະວີສຸກ ທິລາກຸນ ຮອງປະທານສານປະຊາຊົນພາກ

ໃຕ້ ພ້ອມດ້ວຍຄະນະ ໃນໂອກາດມາເຄື່ອນໄຫວຢ້ຽມຢາມ ແລະເຮັດວຽກຢູ່ແຂວງເຊກອງ.

     ທ່ານ ທະວີສຸກ ທິລາກຸນ ໄດ້ກ່າວວ່າ: ຈຸດປະສົງໃນການມາເຮັດວຽກງານຢູ່ແຂວງເຊກອງໃນຄັ້ງນີ້ ເພື່ອເປັນການຊຸກຍູ້ການຈັດຕັ້ງປະຕິບັດວຽກງານສານໃນໄລຍະຜ່ານມາ, ພ້ອມນີ້ ໄດ້ລາຍງານການຈັດຕັ້ງປະຕິບັດວຽກງານ ທີ່ພົ້ນເດັ່ນໃນໄລຍະຜ່ານມາ, ການປະສານງານຮ່ວມກັນ ລະຫວ່າງ ສານປະຊາຊົນພາກໃຕ້ກັບຄູ່ຮ່ວມງານ ເພື່ອຮັບປະກັນການປະຕິບັດຫນ້າທີ່ວຽກງານສານປະຊາຊົນ ໃຫ້ມີປະສິດທິພາບສູງ ແນໃສ່ແກ້ໄຂຄະດີໃຫ້ມີຄວາມຖືກຕ້ອງ, ໂປ່ງໄສ ແລະຍຸດຕິທໍາ ແລະການກະກຽມສະເຫຼີມສະຫຼອງວັນສ້າງຕັ້ງສານປະຊາຊົນ ຄົບຮອບ 40 ປີ ເພື່ອໃຫ້ສັງຄົມໄດ້ຮັບຮູ້ເຖິງພາລະບົດບາດຂອງສານ ທີ່ເປັນເຄື່ອງມືປະກອບສ່ວນໃນການປົກປັກຮັກສາ ແລະສ້າງສາພັດທະນາປະເທດຊາດ; ເພື່ອສ້າງຂະບວນການດັ່ງກ່າວ ຈຶ່ງຂໍທິດຊີ້ນໍາ ນໍາການນຳແຂວງ ກ່ຽວກັບການຈັດຕັ້ງປະຕິບັດວຽກງານສານພາກໃຕ້ ເພື່ອປັບປຸງແກ້ໄຂວຽກງານໃນຕໍ່ໜ້າ ແລະການສະເຫຼີມສະຫຼອງວັນສ້າງຕັ້ງສານປະຊາຊົນ ຄົບຮອບ 40 ປີ ໃຫ້ມີບັນຍາກາດຟົດຟື້ນ.

11

     ໂອກາດນີ້ ທ່ານ ເຫຼັກໄຫຼ ສີວິໄລ ໄດ້ກ່າວຂອບໃຈ ແລະຕີລາຄາສູງຕໍ່ການຢ້ຽມຢາມຂອງສານພາກໃຕ້ ໂດຍທ່ານໄດ້ເນັ້ນໜັກໃຫ້ສານປະຊາຊົນພາກໃຕ້ ແລະສານປະຊາຊົນແຂວງເຊກອງ ສືບຕໍ່ປະສານງານກັນໃຫ້ມີຄວາມກົມກຽວ ໃນການເຮັດພາລະບົດບາດແກ້ໄຂຄະດີຕ່າງໆໃຫ້ມີຄວາມຖືກຕ້ອງ, ໂປ່ງໃສ ແລະຮັບປະກັນຄວາມຄວາມຍຸຕິທໍາ ໂດຍສະເພາະຄະດີໜີ້ສິນ, ຄະດີທີ່ດິນ, ຄະດີທີ່ພົວພັນກັບຢາເສບຕິດ ແລະຄະດີຕ່າງໆ ທີ່ເປັນປະກົດການຫຍໍ້ທໍ້ໃນສັງຄົມ ແນໃສ່ເຮັດໃຫ້ສັງຄົມມີຄວາມສະຫງົບສຸກ.

-----

12

ຂ່າວ-ພາບ:ພຸດທະສອນ

ສ້າງຂື້ນໃນ ປີ 2017. ສະຫງວນລິຂະສິດໂດຍ: ພະແນກຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງເຊກອງ, ຕັ້ງຢູ່ບ້ານ ໂນນ​ມີ​ໄຊ, ເມືອງ ລະມາມ, ແຂວງ ເຊກອງ, ໂທຣ:(+856)038 211024, ແຟກ:(+856)038 211024, ມືຖື: 020 55121635
Powered by Joomla 1.7 Templates