ຍີນດີຕ້ອນຮັບເຂົ້າສູ່ເວັບໄຊພະ​ແນກ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງ​ເຊກອງ

ຖວທ ສະເຫຼີມສະຫຼອງວັນເດັກສາກົນ ຕິດພັນກັບວັນປູກຕົ້ນໄມ້ແຫ່ງຊາດ

7 

ວັນທີ 14 ມິຖຸນາ 2022 ນີ້, ພະແນກຖະແຫຼງຂ່າວ,ວັດທະນະທໍາ ແລະທ່ອງທ່ຽວ (ຖວທ) ແຂວງເຊກອງ ໄດ້ຈັດພິທີສະເຫຼີມສະຫຼອງວັນເດັກນ້ອຍສາກົນ ຕິດພັນກັບວັນປູກຕົ້ນໄມ້ແຫ່ງຊາດ ໂດຍການເຂົ້າຮ່ວມຂອງທ່ານ ບູ່ໄຊ ໄຊຍະເສນ ຫົວໜ້າພະແນກ

ຖວທ ພ້ອມດ້ວຍຄະນະພັກ, ພະນັກງານ-ລັດຖະກອນ ແລະ ຫຼານນ້ອຍເຍົາວະຊົນເຂົ້າຮ່ວມ.

ໃນພິທີ ໄດ້ຮັບຟັງການເລົ່າປະຫວັດຄວາມເປັນມາຂອງວັນເດັກນ້ອຍສາກົນໂດຍຫຍໍ້ ຈາກທ່ານ ນາງ ພອນດາແກ້ວ ບຸນທະວີ ປະທານຮາກຖານສະຫະພັນແມ່ຍິງ ພະແນກ ຖວທ,

8 

ນອກນີ້ ຍັງໄດ້ຮັບຊົມການສະແດງສີລະປະຈາກເດັກອາສາ ສູນວັດທະນະທໍາເດັກ ( ວສດ) ທັງຫມົດ 3 ລາຍການ ແລະຈັດກິດຈະກຳການແຂ່ງຂັນກິລາ, ພ້ອມນີ້ຄະນະພັກ-ຄະນະພະແນກ, ອົງການຈັດຕັ້ງມະຫາຊົນ ພາຍໃນພະແນກ ຖວທ ກໍໄດ້ ກິດຈະກໍາການປູກຕົ້ນໄມ້ຮ່ວມກັບຫລານນ້ອຍນັກຮຽນ ຢູ່ທີ່ຫໍພິພິທະພັນມູນເຊື້ອຂອງແຂວງ ຕື່ມອີກ. ທັງນີ້ ກໍເພື່ອເປັນການປູກຈິດສໍານຶກໃຫ້ພະນັກງານ-ສະມາຊິກພັກ ຕະຫຼອດຮອດຫຼານນ້ອຍເຍົາວະຊົນຮຸ່ນສືບທອດ ໃນການຟື້ນຟູ ແລະ ປົກປັກຮັກສາສິ່ງແວດລ້ອມໃຫ້ມີຄວາມອຸດົມສົມບູນ ແລະຍືນຍົງ.

9

(ຂ່າວ-ພາບ: ພຸດທະສອນ)

 

ສ້າງຂື້ນໃນ ປີ 2017. ສະຫງວນລິຂະສິດໂດຍ: ພະແນກຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງເຊກອງ, ຕັ້ງຢູ່ບ້ານ ໂນນ​ມີ​ໄຊ, ເມືອງ ລະມາມ, ແຂວງ ເຊກອງ, ໂທຣ:(+856)038 211024, ແຟກ:(+856)038 211024, ມືຖື: 020 55121635
Powered by Joomla 1.7 Templates