ຍີນດີຕ້ອນຮັບເຂົ້າສູ່ເວັບໄຊພະ​ແນກ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງ​ເຊກອງ

ຊາວຫນຸ່ມ ນຊຂ ເຊກອງ ໄດ້ຮັບໃບຢັ້ງຢືນ 4 ບຸກຄັ້ງທີ IV

1

ພິທີມອບ-ຮັບໃບຢັ້ງຢືນ 4 ບຸກຄັ້ງທີ IV ປະຈໍາປີ 2021 ໃຫ້ຫນ່ວຍຮາກຖານຊາວຫນຸ່ມແນວລາວສ້າງຊາດແຂວງເຊກອງ (ນຊຂ) ໄດ້ຈັດຂຶ້ນເມື່ອບໍ່ດົນມານີ້, ທີ່ຫ້ອງປະຊຸມຊັ້ນ III ຫ້ອງວ່າການ

ແຂວງ ໂດຍມີສະຫາຍ ໄຊຍະພອນ ວົງຫາຈັກ ຮອງເລຂາຄະນະບໍລິຫານງານຊາວຫນຸ່ມແຂວງ, ສະຫາຍ ວົງດາໄລ ທັດບົວລະພາ ຮອງປະທານແນວລາວສ້າງຊາດແຂວງແລະ ພາກສ່ວນກ່ຽວຂ້ອງເຂົ້າຮ່ວມ.

2

ສະຫາຍ ນາງ ສຸນິຕາ ບຸນວິໄລ ເລຂາຫນ່ວຍຮາກຖານຊາວຫນຸ່ມແນວລາວສ້າງຊາດແຂວງ ໄດ້ລາຍງານການຈັດຕັ້ງປະຕິບັດຂໍ້ແຂ່ງຂັນ 4 ບຸກຕິດພັນກັບຂະບວນການຮັກຊາດ ແລະ ພັດທະນາປະຈໍາປີ 2021 ແລະ ທິດທາງແຜນການປີ 2022 ໂດຍໄດ້ຍົກໃຫ້ເຫັນຜົນງານດ້ານດີ, ດ້ານອ່ອນ ແລະ ບົດຮຽນທີ່ຖອດຖອນໄດ້ ໃນນີ້ ບຸກທາງດ້ານແນວຄິດປະຕິບັດໄດ້ 91%, ບຸກດ້ານການຝຶກຝົນຫລໍ່ຫລອມ-ຮໍ່າຮຽນ 91%, ບຸກດ້ານວຽກງານການຈັດຕັ້ງ 91% ແລະ ບຸກດ້ານວິຊາຊີບ-ສ້າງວຽກເຮັດງານທໍາປະຕິບັດໄດ້ 90%. ເພື່ອເປັນການຢັ້ງຢືນຜົນງານດັ່ງກ່າວ ຄະນະບໍລິຫານງານຊາວຫນຸ່ມແຂວງ ໄດ້ອອກຂໍ້ຕົກລົງ ວ່າດ້ວຍຮັບຮອງໜ່ວຍຮາກຖານຊາວຫນຸ່ມແນວລາວສ້າງຊາດແຂວງເປັນຫນ່ວຍ4 ບຸກຄັ້ງທີ IV ປະຈໍາປີ 2021 ແລະ ຂໍ້ຕົກລົງ ວ່າດ້ວຍການມອບໃບຍ້ອງຍໍໃຫ້ສະມາຊິກຊາວຫນຸ່ມ ທີ່ມີຜົນງານດີເດັ່ນໃນການປະຕິບັດຂໍ້ແຂ່ງຂັນ 4 ບຸກປະຈໍາປີ 2021 ຈໍານວນ 9 ຄົນ.

1

ຕອນທ້າຍກໍໄດ້ຮັບຟັງການມີຄໍາເຫັນໂອ້ລົມຊີ້ນໍາຂອງສະຫາຍຮອງເລຂາຄະນະບໍລິຫານງານຊາວຫນຸ່ມແຂວງ ເພື່ອເປັນແນວທາງໃນການປະຕິບັດຂໍ້ແຂ່ງຂັນ 4 ບຸກປະຈໍາປີ 2022 ໃຫ້ມີຜົນສໍາເລັດໃຫມ່ທີ່ດີຂຶ້ນກວ່າເກົ່າ.

-----

(ຂ່າວ: ສັນຍາ)

ສ້າງຂື້ນໃນ ປີ 2017. ສະຫງວນລິຂະສິດໂດຍ: ພະແນກຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງເຊກອງ, ຕັ້ງຢູ່ບ້ານ ໂນນ​ມີ​ໄຊ, ເມືອງ ລະມາມ, ແຂວງ ເຊກອງ, ໂທຣ:(+856)038 211024, ແຟກ:(+856)038 211024, ມືຖື: 020 55121635
Powered by Joomla 1.7 Templates