ຍີນດີຕ້ອນຮັບເຂົ້າສູ່ເວັບໄຊພະ​ແນກ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງ​ເຊກອງ

ຍທຂ ແຂວງເຊກອງ ເຜີຍແຜ່ເອກະສານສໍາຄັນຂອງພັກ, ຂອງຊາດ

69

ວັນທີ 3 ມິຖຸນາ 2022 ນີ້ ພະແນກໂຍທາທິການ ແລະຂົນສົ່ງ (ຍທຂ) ແຂວງເຊກອງ ໄດ້ຈັດພິທີເຜີຍແຜ່ເອກະສານສໍາຄັນຂອງພັກ ແລະຂອງຊາດ ໂດຍການເປັນປະທານຂອງທ່ານ ແກ້ວປະເສີດແກ້ວມະນີວົງ ຮອງເລຂາຄະນະພັກຮາກຖານ, ຮັກສາການຫົວຫນ້າພະແນກ ຍທຂ,

ເຂົ້າຮ່ວມມີຄະນະພັກ, ຄະນະພະແນກ, ສະມາຊິກພັກ ພ້ອມດ້ວຍພະນັກງານລັດຖະກອນພາຍໃນພະແນກ ຍທຂ ເຂົ້າຮ່ວມ.

69

ໃນພິທີ ຄະນະພັກ, ຄະນະພະແນກ ໄດ້ຜັດປ່ຽນກັນເຜີຍແຜ່ເອກະສານຂອງພັກ ແລະຂອງຊາດ ເຊິ່ງປະກອບມີເອກະສານຕ່າງໆທີ່ສໍາຄັນຄື: ເອກະສານວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 67 ປີ ( 22/3/1955-23/3/2022 ), ນິຕິກຳກ່ຽວກັບວຽກງານຈັນຍາບັນຂອງພະນັກງານ-ລັດຖະກອນ, ເອກະສານວັນວ້າງຕັ້ງກຳລັງປ້ອງກັນຄວາມສະຫງົບປະຊາຊົນລາວ ຄົບຮອບ 61 ປີ (5/4/1961-5/4/2022), ເອກສານວັນກໍາມະກອນສາກົນ ຄົບຮອບ 136 ປີ (1/5/1886-1/5/2022), ນອກນີ້ ຄະນະຊາວຫນຸ່ມຮາກຖານພະແນກ ຍທຂ ກໍໄດ້ຜັນຂະຫຍາຍບົດແນະນໍາວ່າດ້ວຍການຈັດຕັ້ງປະຕິບັດຂໍ້ແຂ່ງຂັນ 4 ບຸກ ຂອງຊາວໜຸ່ມລາວ ເລກທີ 333/ລຂ, ລົງວັນທີ 2 ກໍລະກົດ 2021 ຕື່ມອີກ.

70

ເຊິ່ງຈຸດປະສົງໃນການເຜີຍແຜ່ເອກະສານສໍາຄັນໃນຄັ້ງນີ້ ກໍເພື່ອແນໃສ່ສຶກສາອົບຮົມການເມືອງ-ແນວຄິດໃຫ້ແກ່ສະມາຊິກພັກ ກໍຄືພະນັກງານ-ລັດຖະກອນພາຍໃນພະແນກ ຍທຂ ໄດຮັບຮູ້ເຂົ້າໃຈຢ່າງເລິກເຊິ່ງ ຕໍ່ມູນເຊື້ອແຫ່ງການນໍາພາອັນປີຊາສາມາດ, ສະຫຼາດສ່ອງໃສ ແລະຜົນງານອັນໃຫຍ່ຫລວງຂອງພັກເຮົາຕະຫຼອດໄລຍະ 67 ປີ, ເພື່ອສຶກສາອົບຮົມໃຫ້ຮັບຮູ້ ເຂົ້າໃຈຕໍ່ມູນເຊື້ອແຫ່ງການກໍາເນີດເຕີບໃຫຍ່ຂະຫຍາຍຕົວຂອງກໍາລັງປ້ອງກັນຄວາມສະຫງົບປະຊາຊົນລາວ ຕະຫຼອດໄລຍະ 61 ປີ, ທັງນີ້ ເພື່ອເພີ່ມທະວີຄວາມສາມັກຄີທົ່ວປວງຊົນບັນດາເຜົ່າ ເວົ້າລວມ, ເວົ້າສະເພາະທົ່ວພະແນກ ຍທຂ ໃຫ້ເປັນປຶກແຜ່ນ, ຍົກສູງສະຕິເປັນເຈົ້າການຕໍ່ປະເທດຊາດ ເດັດດ່ຽວຕ້ານທຸກກົນອຸບາຍທໍາລາຍມ້າງເພຂອງອິດທິກໍາລັງປໍລະປັກ, ຕັ້ງຫນ້າເສີມຂະຫຍາຍພາລະກິດປົກປັກຮັກສາ ແລະສ້າງສາພັດທະນາປະເທດຊາດ ໃຫ້ກ້າວສູ່ຈຸດຫມາຍທີ່ກໍານົດໄວ້.

ຂ່າວ:ພຸດທະສອນ

ສ້າງຂື້ນໃນ ປີ 2017. ສະຫງວນລິຂະສິດໂດຍ: ພະແນກຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງເຊກອງ, ຕັ້ງຢູ່ບ້ານ ໂນນ​ມີ​ໄຊ, ເມືອງ ລະມາມ, ແຂວງ ເຊກອງ, ໂທຣ:(+856)038 211024, ແຟກ:(+856)038 211024, ມືຖື: 020 55121635
Powered by Joomla 1.7 Templates