ຍີນດີຕ້ອນຮັບເຂົ້າສູ່ເວັບໄຊພະ​ແນກ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງ​ເຊກອງ

ທາບທາມຄວາມເຫັນໃສ່ຮ່າງລັດຖະບັນຍັດ ວ່າດ້ວຍເຂດຍຸດທະສາດປ້ອງກັນຊາດ

61

ວັນທີ 5 ພຶດສະພາ 2022 ນີ້ ຢູ່ທີ່ຫ້ອງປະຊູມ ຫ້ອງວ່າການແຂວງເຊກອງ ໄດ້ຈັດກອງປະຊຸມ ທາບທາມຄວາມຄິດ, ຄໍາເຫັນໃສ່ຮ່າງລັດຖະບັນຍັດ ຂອງປະທານປະເທດ ວ່າດ້ວຍເຂດຍຸດທະສາດປ້ອງກັນຊາດ

ໂດຍການເປັນປະທານ ຂອງສະຫາຍ ພົວ ສອນທອງ ແກ້ວລໍຄຳ ຄະນະພັກ, ຫົວໜ້າກົມສູ້ຮົບ ກົມໃຫຍ່ສນາທິການ ກະຊວງປ້ອງກັນປະເທດ, ໃຫ້ກຽດເຂົ້າຮ່ວມຂອງທ່ານ ຂັນຕີ ສີລະວົງສາ ຮອງເຈົ້າແຂວງເຊກອງ,  ມີບັນດາພະແນກການອອ້ມຂ້າງແຂວງ ແລະ ພາກສ່ວນທີ່ກຽ່ວຂ້ອງເຂົ້າຮ່ວມ.

62

ທ່ານ ພົວ ສອນທອງ ແກ້ວລໍຄຳ ໄດ້ເວົ້າເຖິງການຄູ້ມຄອງ ແລະ ກໍານົດເຂດຍຸດທະສາດປ້ອງກັນຊາດ ຢູ່ ສປປ ລາວ ແມ່ນໄດ້ນໍາໃຊ້ດໍາລັດວ່າດ້ວຍ ເຂດຍຸດທະສາດປ້ອງກັນຊາດ ສະບັບເລກທີ 111/ນຍ, ລົງວັນທີ 24 ມີນາ 2011 ເປັນບ່ອນອີງໃນການຈັດຕັ້ງປະຕິບັດໃຫ້ແກ່ບຸກຄົນ, ນິຕິບຸກຄົນ ຫຼື ການຈັດຕັ້ງເພື່ອເຮັດໃຫ້ເຂດພື້ນທີ່ຍຸດທະສາດປ້ອງກັນຊາດ ໄດ້ຮັບການປົກປັກຮັກສາ, ອານຸລັກ ແລະ ພັດທະນາໃຫ້ຖືກຕ້ອງຕາມແຜນຍຸດທະສາດປ້ອງກັນຊາດ, ເຊິ່ງກໍ່ຖືວ່າໄດ້ຮັບຜົນດີພໍສົມຄວນ; ແຕ່ວ່າກະຊວງປ້ອງກັນປະເທດ ກໍ່ພົບບັນຫາຫຍຸ້ງຍາກຫຼາຍປະການ ໃນການຈັດຕັ້ງປະຕິບັດວຽກງານດັ່ງກ່າວ ເນື່ອງຈາກດໍາລັດສະບັບນີ້ ຍັງບໍ່ທັນກໍານົດຈະແຈ້ງກຽ່ວກັບເຂດຍຸດທະສາດປ້ອງກັນຊາດ ແລະ ຍັງມີບາງພາກສ່ວນຍັງບໍ່ທັນເຫັນຄວາມສໍາຄັນ ແລະ ໃຫ້ຄວາມຮ່ວມມືເທົ່າທີ່ຄວນ ໃນການຈັດຕັ້ງປະຕິບັດ, ດັ່ງນັ້ນຈຶ່ງຈໍາເປັນທີ່ສຸດຕ້ອງສ້າງລັດຖະບັນຍັດ ຂອງປະທານປະເທດ ວ່າດ້ວຍເຂດຍຸດທະສາດປ້ອງກັນຊາດ, ທັງນີ້ເພື່ອກໍານົດໃຫ້ຈະແຈ້ງ ແລະ ມີຄວາມເປັນເອກະພາບໃນການຈັດຕັ້ງປະຕິບັດຕົວຈິງ ແລະ ເພື່ອກໍານົດຫຼັກການ, ລະບຽບການ ແລະ ມາດຕະການກຽ່ວກັບການກໍານົດ, ຄຸ້ມຄອງ ແລະ ຕິດຕາມກວດກາເຂດຍຸດທະສາດປ້ອງກັນຊາດ ເຮັດໃຫ້ພື້ນທີ່ຍຸດທະສາດປ້ອງກັນຊາດ ໄດ້ຮັບການປົກປັກຮັກສາ, ພັດທະນາ ແລະ ນໍາໃຊ້ໃຫ້ຖືກຕ້ອງສອດຄ່ອງຕາມແຜນຍຸດທະສາດປ້ອງກັນຊາດ, ແນໃສ່ຮັບປະກັນຄວາມໝັ້ນຄົງຂອງຊາດ, ມີສະຖຽນລະພາບທາງດ້ານການເມືອງ, ສ້າງເງື່ອນໄຂເອື້ອອໍານວຍໃນການພັດທະນາເສດຖະກິດ-ສັງຄົມ ຕິດພັນກັບວຽກງານປ້ອງກັນຊາດ, ປະກອບສ່ວນເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ.

    ທ່ານ ພັທ ພັນສະໄໝ ວິໄລ ຮອງຫົວໜ້າກົມກົດໝາຍ ກະຊວງປ້ອງກັນປະເທດ ໄດ້ຜ່ານຮ່າງລັດຖະບັນຍັດ ຂອງປະທານປະເທດ ວ່າດ້ວຍເຂດຍຸດທະສາດປ້ອງກັນຊາດ; ຈາກນັ້ນ, ຄະນະຮັບຜິດຊອບໄດ້ທາບທາມຄໍາເຫັນຢ່າງກວ້າງຂວາງ ເພື່ອລະດົມຄວາມຄິດເຫັນ ໃສ່ຮ່າງລັດຖະບັນຍັດ ຈາກພາກສ່ວນຕ່າງໆຢູ່ແຂວງເຊກອງ, ຈາກນັ້ນ, ຜູ້ເຂົ້າຮ່ວມໄດ້ພ້ອມກັນຄົ້ນຄວ້າປະກອບຄວາມຄິດ, ຄໍາເຫັນຢ່າງຫລວງຫລາຍ; ການທາບທາມຄໍາເຫັນ ຖືວ່າໄດ້ຮັບຄໍາເຫັນທີ່ຫຼາກຫຼາຍ ແລະ ເປັນປະໂຫຍດໃນການພິຈາລະນາຄົ້ນຄວ້າ ເນື້ອໃນ ໃສ່ຮ່າງລັດຖະບັນຍັດ ສະບັບນີ້ ເພື່ອໃຫ້ຖືກຕ້ອງ ແລະ ສອດຄ່ອງກັບສະພາບຄວາມເປັນຈິງ ໃຫ້ແກ່ວຽກງານປ້ອງກັນຊາດ.

ສ້າງຂື້ນໃນ ປີ 2017. ສະຫງວນລິຂະສິດໂດຍ: ພະແນກຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງເຊກອງ, ຕັ້ງຢູ່ບ້ານ ໂນນ​ມີ​ໄຊ, ເມືອງ ລະມາມ, ແຂວງ ເຊກອງ, ໂທຣ:(+856)038 211024, ແຟກ:(+856)038 211024, ມືຖື: 020 55121635
Powered by Joomla 1.7 Templates