ຍີນດີຕ້ອນຮັບເຂົ້າສູ່ເວັບໄຊພະ​ແນກ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງ​ເຊກອງ

ປກສ ເມືອງລະມາມສະຫຼຸບການຈັດຕັ້ງປະຕິບັດວາລະແຫ່ງຊາດ

57

ຕອນບ່າຍວັນທີ 19 ພຶດສະພາ 2022 ກອງບັນຊາການ ປກສ ເມືອງລະມາມ ໄດ້ຈັດກອງປະຊຸມສະຫຼຸບການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ພາຍໃນເມືອງ ກອງປະຊຸມໄດ້ຈັດຂຶ້ນຢູ່ສະໂມສອນຂອງ ປກສ ເມືອງ ໂດຍການເຂົ້າຂອງທ່ານ ພົນຈັດຕະວາ

ສົມໄຊ ພູລະຄຳມະນີ ຄະນະປະຈຳພັກແຂວງ ຫົວໜ້າກອງບັນຊາການ ປກສ ແຂວງ ມີ ຫົວໜ້າ, ຮອງ ຫ້ອງການອ້ອມຂ້າງເມືອງ,ອຳນວຍການໂຮງຮຽນ ພ້ອມດ້ວຍອຳນາດການປົກຄອງບ້ານເຂົ້າຮ່ວມ.

57

ທ່ານ ພັທ ຮຽມ ໄຊຍະລາດ ຄະນະປະຈຳພັກເມືອງ ຫົວໜ້າ ປກສ ເມືອງ ໄດ້ລາຍງານການຈັດຕັ້ງປະຕິບັດວາລະແຫ່ງຊາດໃນໄລຍະຜ່ານມາວ່າ: ເມືອງລະມາມ ປະກອບມີ 45 ບ້ານ ມີ 6692 ຫຼັງຄາເຮືອນ, ມີ 7498 ຄອບຄົວມີພົນລະເມືອງ 41.512 ຄົນ ຍິງ 20.638 ຄົນ ໃນນັ້ນກໍ່ມີບ້ານທີ່ໄດ້ຮັບຜົນກະທົບຈາກບັນຫາຢາເສບຕິດຫລາຍສົມຄວນ ເນື່ອງຈາກວ່າມີເສັ້ນທາງເຊື່ອມໂຍງກັນຄື: ແຂວງອັດຕະປື, ເມືອງດາກຈຶງ, ເມືອງກະລຶມ, ເມືອງທ່າແຕງ ຈິງເຮັດມຫ້ພວກກຸ່ມຄົນບໍດີຈຳນວນໜຶ່ງໄດ້ລັກລອບນຳເອົາຢາເສບຕິດມາຄ້າ-ຂາຍ, ຈຳໜ່າຍໃຫ້ກຸ່ມໄວລຸ້ນ, ນັກຮຽນຮູ້, ນັກສຶກສາ, ກຳມະກອນ, ລູກຈ້າງ, ພະນັກງານຕາມສະຖາບັນການສຶກສາອື່ນໆ ພາໃຫ້ກຸ່ມຄົນເຫຼົ່ານັ້ນຕົກເປັນທາດຂອງສິ່ງເສບຕິດ ແລະກໍ່ໃຫ້ເກີດປະກົດກສນຫຍໍ້ທໍ້ຕ່າງໆເກີດຂຶ້ນໃນສັງຄົມເຊັ່ນ: ຂີ້ລັກ, ງັດແງະ, ປຸ້ນຈີ້ຊິງຊັບ, ໂສເພນີ, ທຳຮ້າຍຮ່າງກາຍ, ຂົ່ມຂືນ, ຄາດຕະກຳ ແລະແຂ່ງລົດຕາມທ້ອງຖະໜົນກໍ່ໃຫ້ເກີດອຸປະຕິເຫດໃຫ້ສັງຄົມວຸ້ນວາຍ, ບໍມີຄວາມສະຫງົບສຸກ, ບໍ່ມີຄວາມເປັນລະບຽບຮຽບຮ້ອຍ, ເຮັເໃຫ້ຄອບຄົວບໍມີຄວາມສະຫງົບສຸກ, ມີຄວາມວຸ້ນວາຍ, ແຕກແຍກ, ບໍມີຄວາມສາມັກຄີ ພາໃຫ້ເສຍຂື່ສຽງຄອບຄົວ ແລະວົງຕະກູນ ບັນຫາດັ່ງກ່າວໄດ້ກາຍເປັນໄພຂົ່ມຂູ່ອຫນຮ້າຍແຮງຕຊ່ດານພັດທະນາເສດຖະກິດ-ສັງຄົມ. ທ່ານກ່າວຕື່ມອີກວ່າ: ໄລຍະ 3 ເດືອນຜ່ານມາ ປກສ ເມືອງລະມາມ ໄດ້ມ້າງຄະດີຄ້າ-ຂາຍ ຢາເສບຕິດໄດ້ທັງໝົດ 10 ລາຍ, ກັກຕົວຜູ້ຕ້ອງຫາໄດ້ທັງໝົດ 17 ຄົນ, ຍິງ 0 ຄົນ; ໃນນັ້ນຜູ້ຖືກຫາຄ້າ-ຂາຍ ຢາເສບຕິດ 10 ຄົນ, ຜູ້ເສບ 7 ຄົນ, ຍຶດຂອງກາງຄະດີ(ປະເພດຢາບ້າ) ໄດ້ທັງໝົດ 28.119 ເມັດ, ໂທລະສັບ 9 ເຄື່ອງ, ໝໍ້ໄຟ 1 ໜ່ວຍ, ປືນແກັບ 1 ກະບອກ, ລົດຈັກ 3 ຄັນ, ເງິນສົດ 800.000 ກີບ ແລະໄດ້ເກັບກຳຂໍ້ມູນຄອບຄົວປອດຢາເສບຕິດໄດ້ 2 ບ້ານ ມີ 506 ຄອບຄົວ.

ເພື່ອເຮັດໃຫ້ກອງປະຊຸມດັ່ງກ່າວມີຄວາມໝາຍຄວາມຄັນໃນການຈັດຕັ້ງປະຕີບັດວາລະແຫ່ງຊາດ, ທ່ານ ພົນຈັດຕະວາ ສົມໄຊ ພູລະຄຳມະນີ ຄະນະປະຈຳພັກແຂວງ ຫົວໜ້າ ປກສ ແຂວງເຊກອງ ກໍ່ໄດ້ມີຄຳເຫັນໂອ້ລົມ ເຊິ່ງກ່ອນທ່ານກໍ່ໄດ້ຊົມເຊີຍຕໍ່ຜົນງານທີ່ຄະນະພັກ-ຄະນະບັນຊາເມືອງລະມາມສາມາດຈັດຕັ້ງປະຕິບັດໃນໄລຍະຜ່ານມາ ພ້ອມທັງຮຽກຮ້ອງໃຫ້ທຸກພາກສ່ວນ, ທຸກອົງການຈັດຕັ້ງ ຈົ່ງພ້ອມກັນ ເອົາໃຈໃສ່ຈັດຕັ້ງຜັນຂະຫຍາຍວາແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ຢູ່ໃນກົມກອງ, ໂຮງຮຽນ, ຮາກຖານບ້ານ ໃຫ້ມີຄວາມໜັກແໜ້ນເຂັ້ມແຂງ ສາມາດພັດທະນາເສດຖະກິດ-ສັງຄົມໃຫ້ຮຸ່ງເຮື່ອງສີວິໄລ. ໂອກາດນີ້, ທ່ານ ກໍ່ໄດ້ມອບເງິນຈຳນວນ 2 ລ້ານກີບ ໃຫ້ກອງຍັນຊາການ ປກສ ເມືອງລະມາມ ເພື່ອເຄື່ອນໄຫວຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ.

ສ້າງຂື້ນໃນ ປີ 2017. ສະຫງວນລິຂະສິດໂດຍ: ພະແນກຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງເຊກອງ, ຕັ້ງຢູ່ບ້ານ ໂນນ​ມີ​ໄຊ, ເມືອງ ລະມາມ, ແຂວງ ເຊກອງ, ໂທຣ:(+856)038 211024, ແຟກ:(+856)038 211024, ມືຖື: 020 55121635
Powered by Joomla 1.7 Templates