ຍີນດີຕ້ອນຮັບເຂົ້າສູ່ເວັບໄຊພະ​ແນກ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງ​ເຊກອງ

ສສຊ-ສສຂ ເຂດ 16 ແຂວງເຊກອງ ລົງພົບປະ ປະຊາຊົນກຸ່ມບ້ານປະນອນ

7

ໃນວັນທີ 2 ມີນາຜ່ານມານີ້ ສະມາຊິກສະພາແຫ່ງຊາດ (ສສຊ) ເຂດເລືອກຕັ້ງທີ16ແຂວງເຊກອງ ແລະ ສະມາຊິກສະພາປະຊາຊົນ(ສສຂ) ແຂວງເຊກອງເຂດເລືອກຕັ້ງເມືອງກະລຶມ ເຊິ່ງນໍາໂດຍທ່ານ ປອ ແພງສີ ສີລາວີ 

ຮອງປະທານຄະນະສະມາຊິກສະພາແຫ່ງຊາດ, ຮອງປະທານສະພາປະຊາຊົນແຂວງ, ພ້ອມດ້ວຍທ່ານນາງທັດສະດາພອນຈັນທະມາດສສຊເຂດເລືອກຕັ້ງທີ 16, ຮອງປະທານກໍາມາທິການບັນດາເຜົ່າ ສະພາແຫ່ງຊາດ ແລະ ຄະນະ ໄດ້ລົງເຄື່ອນໄຫວພົບປະ ປະຊາຊົນ 8 ກຸ່ມປະນອນ ເມືອງກະລຶມ ເພື່ອເຜີຍແຜ່ຜົນສໍາເລັດກອງປະຊຸມສະໄໝສາມັນເທື່ອທີ 2ຂອງສະພາແຫ່ງຊາດຊຸດທີ IXແລະຜົນສໍາເລັດກອງປະຊຸມສະໄໝສາມັນເທື່ອທີ 2ຂອງສະພາປະຊາຊົນແຂວງເຊກອງຊຸດທີII ໂດຍມີຄະນະພັກ-ອົງການປົກຄອງບ້ານ, ພໍ່ແມ່ປະຊາຊົນ, ນ້ອງນ້ອຍນັກຮຽນຕ້ອນຮັບ ແລະ ເຂົ້າຮ່ວມຮັບຟັງ.

8

ໃນໂອກາດນີ້ ທ່ານລິດວັນດາເລຂາພັກບ້ານ, ນາຍບ້ານໆປະນອນໄດ້ລາຍງານໂດຍສັງເຂບກ່ຽວກັບສະພາບການພັດທະນາເສດຖະກິດ, ວັດທະນະທໍາ-ສັງຄົມຂອງບ້ານວ່າ: ບ້ານປະນອນ ແມ່ນບ້ານໜຶ່ງທີ່ຂຶ້ນກັບເມືອງກະລຶມ ປະກອບມີ20ຫຼັງຄາເຮືອນ, 33 ຄອບຄົວ ແລະ ມີພົນລະເມືອງທັງໝົດ161ຄົນ, ຍິງ80ຄົນ, ຊົນເຜົ່າກະຕູ ໂດຍຢຶດຖືອາຊີບເຮັດນາເປັນຫຼັກ, ປູກຝັງ-ລ້ຽງສັດເປັນສໍາຮອງ ໃນປີ2021 ຜ່ານມາ ສາມາດເຫັບກູ້ຜົນຜະລິດໄດ້12ໂຕນ. ຫຼັງຈາກນັ້ນ ບັນດາທ່ານ ສສຊ ແລະ ສສຂ ກໍໄດ້ຜັດປ່ຽນກັນເຜີຍແຜ່ຜົນສໍາເລັດກອງປະຊຸມສະໄໝສາມັນເທື່ອທີ2 ຂອງສະພາແຫ່ງຊາດຊຸດທີIX ແລະສະພາປະຊາຊົນແຂວງເຊກອງ ຊຸດທີII ລວມມີ 21 ສະບັບ ເພື່ອແນໃສ່ເຮັດໃຫ້ປະຊາຊົນຮັບຮູ້, ເຂົ້າໃຈ ແລະ ກໍາໄດ້ແນວທາງ, ແຜນນະໂຍບາຍຂອງພັກ, ລະບຽບກົດໝາຍຂອງລັດ ນໍາໄປຈັດຕັ້ງປະຕິ ບັດ ແລະ ຜັນຂະຫຍາຍເຂົ້າໃນຊີວິດປະຈໍາວັນຂອງຕົນຕາມທ່າແຮງ ແລະ ຄວາມສາມາດຕົວຈິງຂອງທ້ອງຖິ່ນຕົນ ເພື່ອໃຫ້ປະຊາຊົນບັນດາເຜົ່າມີຊີວິດການເປັນຢູ່ທີ່ດີຂຶ້ນ.

-----

(ຂ່າວ-ພາບ: ພຸດທະສອນ)

ສ້າງຂື້ນໃນ ປີ 2017. ສະຫງວນລິຂະສິດໂດຍ: ພະແນກຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງເຊກອງ, ຕັ້ງຢູ່ບ້ານ ໂນນ​ມີ​ໄຊ, ເມືອງ ລະມາມ, ແຂວງ ເຊກອງ, ໂທຣ:(+856)038 211024, ແຟກ:(+856)038 211024, ມືຖື: 020 55121635
Powered by Joomla 1.7 Templates