ຍີນດີຕ້ອນຮັບເຂົ້າສູ່ເວັບໄຊພະ​ແນກ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງ​ເຊກອງ

ມອບ-ຮັບ ໂຄງການກໍ່ສ້າງ-ສ້ອມແປງ ກຸ່ມບ້ານພັດທະນາດາກມວນ ເມືອງດາກຈຶງ

1

ໃນວັນທີ 1 ມີນາ 2022 ນີ້ ທີ່ເມືອງດາກຈຶງໄດ້ຈັດພິທີມອບ-ຮັບໂຄງການກໍ່ສ້າງສ້ອມແປງ ກຸ່ມບ້ານພັດທະນາດາກມວນເມືອງດາກຈຶງແຂວງເຊກອງ ໂດຍທຶນຊ່ວຍເຫຼືອຈາກກະຊວງປ້ອງກັນປະເທດແຫ່ງ ສສ ຫວຽດນາມ

ພາຍໃຕ້ການເປັນປະທານຂອງທ່ານ ສີດາລໍ່ ຈົ່ງເຕັງເຈ້ຍຊ້າ ຮອງຫົວໜ້າກົມໃຫຍ່ເສນາທິການກອງທັບ, ຮອງຫົວໜ້າຄະນະຊີ້ນໍາພັດທະນາກຸ່ມບ້ານລຽບຕາມຊາຍແດນລາວ-ຫວຽດນາມ, ມີທ່ານ ຂັນຕີ ສີລະວົງສາ ຮອງເຈົ້າແຂວງ, ຫົວໜ້າຄະນະຮັບຜິດຊອບຄຸ້ມຄອງໂຄງການຂອງແຂວງເຊກອງ, ປະທານບໍລິສັດມິດຕະພາບ 206 ສສ ຫວຽດນາມ, ຂະແໜງການກ່ຽວຂ້ອງຂັ້ນສູນກາງ, ແຂວງ ແລະ ເມືອງດາກຈຶງເຂົ້າຮ່ວມ.

2

         

ທ່ານ ໂງ ແມ້ງ ຮຸ່ງ ປະທານບໍລິສັດມິດຕະພາບ 206 ສສ ຫວຽດນາມໄດ້ລາຍງານກ່ຽວກັບການດໍາເນີນການກໍ່ສ້າງບູລະນະສ້ອມແປງບັນດາກິດຈະກໍາໃນໄລຍະ 4 ເດືອນ ໂດຍເລີ່ມແຕ່ວັນທີ 3 ກັນຍາ-31 ທັນວາ 2021, ບັນດາກິດຈະກໍາໄດ້ສໍາເລັດໂດຍພື້ນຖານລວມມູນຄ່າທັງໝົດ 739 ລ້ານກວ່າກີບ, ໃນນັ້ນ ມີການບູລະນະ-ສ້ອມແປງໂຮງຮຽນມັດທະຍົມ, ການບູລະນະ-ສ້ອມແປງໂຮງຮຽນປະຖົມ, ການບູລະນະ-ສ້ອມແປງສຸກສາລາ-ລະບົບນໍ້າລິນ ບ້ານດາກມວນ, ການບູລະນະ-ສ້ອມແປງໂຮງຮຽນປະຖົມບ້ານດາກຕະອອກນ້ອຍ, ການບູລະນະ-ສ້ອງແປງໂຮງຮຽນປະຖົມບ້ານໜອງບຸ.

3

-----

ຂ່າວ-ພາບ: ສັນຍາ

ສ້າງຂື້ນໃນ ປີ 2017. ສະຫງວນລິຂະສິດໂດຍ: ພະແນກຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງເຊກອງ, ຕັ້ງຢູ່ບ້ານ ໂນນ​ມີ​ໄຊ, ເມືອງ ລະມາມ, ແຂວງ ເຊກອງ, ໂທຣ:(+856)038 211024, ແຟກ:(+856)038 211024, ມືຖື: 020 55121635
Powered by Joomla 1.7 Templates