ຍີນດີຕ້ອນຮັບເຂົ້າສູ່ເວັບໄຊພະ​ແນກ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງ​ເຊກອງ

  • 02.jpg
  • 06.jpg
  • 07.jpg
  • 08.jpg
  • 09.jpeg
  • 10.jpg
  • 13.jpeg

ເຈົ້າແຂວງເຊກອງ ເນັ້ນສື່ມວນຊົນສະເໜີຂ່າວໃຫ້ໄວ ແລະຖືກຄວາມຈິງ

Category: Uncategorised

200

ວັນທີ 17 ກັນຍາຜ່ານມານີ້ ທ່ານ ເຫຼັກໄຫຼ ສີວິໄລ ເລຂາພັກແຂວງ, ເຈົ້າແຂວງເຊກອງ ໄດ້ພົບປະໂອ້ລົມຄະນະພັກ-ຄະນະນໍາ ແລະພະນັກງານຂະແໜງສື່ມວນຊົນ ພະແນກຖະແຫຼງຂ່າວ, ວັດທະນະທໍາ ແລະທ່ອງທ່ຽວແຂວງ ໂດຍເນັ້ນໃຫ້ຂະແໜງການສື່ມວນຊົນຂອງແຂວງ ສືບຕໍ່ເຮັດໜ້າທີ່ໂຄສະນາເຜີຍແຜ່ແນວທາງນະໂຍບາຍຂອງພັກ, ແຜນພັດທະນາເສດຖະກິດ-ສັງຄົມ ແລະກົດໝາຍຂອງລັດ, ສະເໜີຂໍ້ມູນຂ່າວສານເຫດການສໍາຄັນຕ່າງໆທີ່ເກີດຂຶ້ນໃຫ້ມີຄວາມວ່ອງໄວ, ທັນເຫດການ, ສັ້ນກະທັດຮັດ ແລະຖືກຕ້ອງຕາມຄວາມເປັນຈິງ, ຂະນະດຽວກັນ ກໍເອົາໃຈໃສ່ຕອບ

ໂຕ້ຂ່າວບິດເບືອນ, ຂ່າວລາມົກອານາຈານ ແລະຂ່າວການໃສ່ຮ້າຍປ້າຍສີຕໍ່ພັກ-ຕໍ່ລັດຂອງກຸ່ມຄົນບໍ່ດີ ທີ່ຫວັງມ້າງເພທໍາລາຍລະບອບປະຊາທິປະໄຕຂອງພັກເຮົາ. 

200

 

ພ້ອມນີ້, ທ່ານເຈົ້າແຂວງເຊກອງ ກໍໄດ້ຊີ້ນໍາໃຫ້ຄະນະພັກ-ຄະນະນໍາພະແນກ ຖວທ ແຂວງເອົາໃຈໃສ່ສຶກສາອົບຮົມການເມືອງນໍາພາແນວຄິດໃຫ້ເປັນປົກກະຕິຕໍ່ເນື່ອງ ດ້ວຍການຜັນຂະຫຍາຍເຜີຍແຜ່ມະຕິສໍາຄັນຕ່າງໆຂອງພັກ-ລັດ ໂດຍສະເພາະມະຕິກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XI ຂອງພັກ, ມະຕິກອງປະຊຸມໃຫຍ່ຄັ້ງທີ X ຂອງອົງຄະນະພັກແຂວງ ແລະແຜນພັດທະນາເສດຖະກິດ-ສັງຄົມ 5 ປີຄັ້ງທີ IX (2021-2025) ເພື່ອໃຫ້ເຂົາເຈົ້າຮັບຮູ້, ເຂົ້າໃຈຢ່າງເລິກເຊິ່ງ ແລະກໍາແໜ້ນເນື້ອໃນຈິດໃຈສໍາຄັນຕົ້ນຕໍ, ວຽກງານຈຸດສຸມທີ່ຕ້ອງຈັດຕັ້ງປະຕິບັດຕາມພາລະບົດ ບາດ ແລະໜ້າທີ່ຄວາມຮັບຜິດຊອບຂອງຕົນ, ທັງນີ້ ກໍເພື່ອສ້າງຄວາມເປັນເອກະພາບ, ສ້າງການຫັນປ່ຽນຢ່າງແຂງແຮງ, ເລິກເຊິ່ງ ແລະຮອບດ້ານໃນທຸກຂົງເຂກວຽກງານ ແນໃສ່ສົ່ງເສີມຜັນຂະຫຍາຍດ້ານດີ, ແກ້ໄຂຄວາມບົກຜ່ອງ, ຂໍ້ຄົງຄ້າງ ແລະສິ່ງທ້າທາຍຕ່າງໆໃນໄລຍະຜ່ານມາ, ເພີ່ມທະວີຄວາມສາມັກຄີເປັນປຶກແຜ່ນແໜ້ນໜາ ພ້ອມກັນພັດທະນາປະເທດຊາດ ກໍຄືແຂວງເຊກອງໃຫ້ກ້າວຂຶ້ນຢ່າງບໍ່ຢຸດຢັ້ງ.

201

 

          ແນວໃດກໍດີ ເພື່ອພັດທະນາວຽກງານສື່ມວນຊົນຂອງແຂວງໃຫ້ດີຂຶ້ນ, ທ່ານ ເຫຼັກໄຫຼ ສີວິໄລ ໄດ້ເນັ້ນວ່າ: ກ່ອນອື່ນໝົດ ຄະນະພັກ-ຄະນະນໍາພະແນກ ຖວທ ແຂວງຕ້ອງເອົາໃຈໃສ່ບໍາລຸງ ແລະສ້າງຖັນແຖວພະນັກງານ, ສະມາຊິກພັກໃນຂະແໜງການສື່ມວນຊົນໃຫ້ມີຄຸນທາດການເມືອງ, ມີຄຸນສົມບັດ, ຫ້າວຫັນ, ປະດິດສ້າງ, ມີຄວາມຮູ້ຄວາມສາ ມາດທາງດ້ານເຕັກນິກ, ວິຊາສະເພາະ ແລະທິດສະດີການເມືອງໃຫ້ສູງຂຶ້ນ.

 

--------------

 

(ຂ່າວ: ສັນຍາ; ພາບ: ພຸດທະສອນ)

 

ສ້າງຂື້ນໃນ ປີ 2017. ສະຫງວນລິຂະສິດໂດຍ: ພະແນກຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງເຊກອງ, ຕັ້ງຢູ່ບ້ານ ໂນນ​ມີ​ໄຊ, ເມືອງ ລະມາມ, ແຂວງ ເຊກອງ, ໂທຣ:(+856)038 211024, ແຟກ:(+856)038 211024, ມືຖື: 020 55121635
Powered by Joomla 1.7 Templates