ຍີນດີຕ້ອນຮັບເຂົ້າສູ່ເວັບໄຊພະ​ແນກ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງ​ເຊກອງ

​ຄຳ​ເຫັນ​ຂອງ​ຫົວ​ໜ້​ພະ​ແນກ​ກ່ຽ​ວ​ກັບ​ເວັບ​ໄຊສ໌

hn

ຄໍາເຫັນ

ຂອງທ່ານ ບູ່ໄຊໄຊຍະເສນ ຫົວໜ້າພະແນກຖະແຫຼງຂ່າວ, ວັດທະນະທໍາແລະ ທ່ອງທ່ຽວແຂວງເຊກອງ

ຕໍ່ກັບການສ້າງເວັບໄຊ

​ໄລຍະ​ຜ່ານ​ມາ ວຽກ​ງານຖະ​ແຫຼ​ງຂ່າວ, ວັດທະນະ​ທໍາ ​ແລະ ທ່ອງ​ທ່ຽວ ​ແຂວງ​ເຊ​ກອງ ​ເວົ້າ​ລວມ, ​ເວົ້າ​ສະ​ເພາະ ວຽກ​ງານ​ຖະ​ແຫຼ​ງຂ່າວ-ສື່​ມວນ​ຊົນ ​ເຖີງ​ແມ່ນ​ວ່າ​ມີ​ຄວາມ​ຫຍຸ້ງຍາກ ​ແລະ ທ້າ​ທາ​ຍຫຼາຍ​ ປະການ ​ແຕ່​ດ້ວຍ​ຄວາມ​ຕັດສິນ​ໃຈ​ສູງ​ຂອງ​ຄະນະ​ພັກ, ຄະນະ​ພະ​ແນ​ກ ກໍ່​ຄື​ພະນັກງານ​ວິຊາ​ການ ​ໄດ້​ມີ​ຄວາມ​ພະຍາຍາມ​ປະຕິບັດ​ໜ້າ​ທີ່​ການ​ເມືອງ​ຂອງ​ຕົນ ດ້ວຍ​ຄວາມ​ຮັບຜິດຊອບ​ສູງ ​ແລະ ​ໄດ້​ຮັບ​ຜົນສຳ​ເລັດ​ໃນ​ຫຼາຍ​ດ້ານ ​ເປັນ​ຕົ້ນ: ​ໄດ້​ເຮັດ​ບົດບາດ​ສຳຄັນ​ຍຶດໜັ້ນ​ໃນ​ແນວທາງ​ນະ​ໂຍບາຍ​ ​ແລະ ອຸດົມ​ການ​ຂອງ​ພັກ​ຢ່າງ​ໜັກ​ແໜ້ນ ​ເປັນ​ເຄື່ອງມື​ອັນ​ແຫຼມ​ຄົມ​ຂອງ​ພັກ-ລັດ ປະກອບສ່ວນ​ສຳຄັນ​ເຂົ້າ​ໃນ​ການ​ເຜີຍ​ແຜ່; ຊຸກຍູ້ ​ແລະ ​ຜັນ​ຂະຫຍາຍ​ແນວທາງ​ນະ​ໂຍບາຍ​ຂອງ​ພັກ-ລັດ ​ໃນ​ແຕ່ລະ​ໄລຍະ, ສາມາດຕອບ​ສະໜອງ​ຂໍ້​ມູນ​-ຂ່າວສານ​ໄດ້​ຢ່າງ​ກ້ວາງ​ຂວາງ​ ວ່ອງ​ໄວ​ ທັນ​ການ​ຂື້ນ​ກວ່າ​ເກົ່າ, ນອກ​ນັ້ນ ຍັງ​ໄດ້​ເຮັດ​ບົດບາດ​ສຳຄັນ​ໃນ​ວຽກ​ງານ​ການ​ເມືອງ​ແນວ​ຄິດ, ປະກອບສ່ວນ​ຕ້ານ​ປະກົດ​ການ​ຫຍໍ້​ທໍ້ ​ແລະ ຕອບ​ຕ້ານ​ການ​ໂຄສະນາ​ບິດ​ເບືອນ ​ໃສ່​ຮ້າຍ​ປ້າຍ​ສີ​ຂອງ​ພວກ​ຄົນ​ບໍ່​ດີ. ຖັນ​ແຖວ​ພະນັກງານ​ສື່​ມວນ​ຊົນ ກໍ່​ໄດ້​ຮັບ​ການ​ບຳລຸງ-ຍົກ​ລະດັບ​ໃຫ້​ສູງ​ຂື້ນ​ກວ່າ​ເກົ່າ; ພື້ນຖານ​ວັດຖຸ​ເຕັກນິກ​ກໍ່​ຄ່ອຍໆ​ຫັນປ່ຽນ​ໄປ​ສູ່​ຄວາມ​ທັນ​ສະ​​ໄໝ​ເທື່ອ​ລະ​ກ້າວ.

ຄຽງ​ຄູ່​ກັບ​ຜົນງານອັນ​ດີ ພວກ​ເຮົາ​ຍັງ​ມີ​ຂໍ້​ຈໍາກັດ​ຈໍານວນ​ບໍ່​ໜ້ອຍ ​​ເປັນຕົ້ນ​ການ​ພັດທະນາ​ພື້ນຖານ​ໂຄງການ ວຽກ​ງານ ຖວທ ​ຍັງ​ບໍ່​ທັນ​ດີ​ເທົ່າ​ທີ່​ຄວນ, ຍັງ​ບໍ່​ທັນ​ຕອບ​ສະໜອງ​ໄດ້​ກັບ​ຄວາມ​ຮຽກຮ້ອງ​ຕ້ອງການ​ຕົວ​ຈິງຂອງ​ຍຸກ​ສະ​​ໄໝ ​ໂດຍ​ສະ​ເພາະການ​ພັດທະນາລະ ບົບ​ສື່​ມວນ​ຊົນ (​ສື່​ແບບ​ໃໝ່ ຍັງ​ບໍ່​ທັນ​ໄດ້​ຮັບ​ການ​ພັດທະນາຕາມ​ຄວາມ​ຕ້ອງການ​ຕົວ​ຈິງ​ຂອງ​ສັງຄົມ​ໃນ​ປະຈຸ​ບັນ)​; ການ​ປັບປຸງ​ພື້ນຖານ​ວັດຖຸ​ເຕັກນິກ ​ແລະ ການ​ກໍ່ສ້າງ​ຖັນ​ແຖວ​ພະນັກງານ​ວິຊາ​ການ​ກໍ່​ຍັງ​ບໍ່​ທັນ​ສາມາດ​ຕອບ​ສະໜອງ​ໄດ້​ກັບ​ການ​ຂະຫຍາຍຕົວ​ຂອງ​ວຽກ​ງານຕົວ​ຈິງ​ໃນ​ປັດຈຸບັນ. ​ເພື່ອ​ຕອບ​ສະໜອງ​​ໃຫ້​ແກ່​ການ​ພັດທະນາ​ວຽກ​ງານ ຖວທ, ຄະນະພັກ, ຄະນະ​ພະ​ແນ​ກ ​ໄດ້​ກໍານົດ​ວິ​ໃສ​ທັດ, ​ແຜນ​ຍຸດ​ທະ​ສາດ ​ແລະ ​ແຜນ​ພັດທະນາວຽກ​ງານ ຖວທ ຢ່າງ​ມີ​ຈຸດ​ສຸມ​ ​ໂດຍ​ໄດ້​ວາງ​ແຜນ​ງານ, ​ໂຄງການ​ ໃນ​ແຕ່ລະ​ໄລຍະ​ຢ່າງ​ລະອຽດ​ຈະ​ແຈ້ງ, ​ໂດຍ​ສະ​ເພາະ ບັນດາ​ແຜນ​ງານ, ​ໂຄງການ​ພັດທະນາ ລະບົບ​ສື່​ມວນ​ຊົນ ໄປຕາມ​ທິດ​ ​ຫັນ​ເປັນທັນ​ສະ​ໄໝ​ ​ແລະ ການ​ເຊື່ອມ​ໂຍງ​ສາກົນ ​ເທື່ອ​ລະ​ກ້າວ.

ຍ້ອນການເຫັນໄດ້ ຄວາມໝາຍ-​ຄວາມສໍາຄັນ ຂອງວຽກງານດັ່ງກ່າວ ຂັ້ນເທິງຈິ່ງໄດ້ສະໜອງງົບປະມານໃຫ້ພະແນກຖະ ແຫລງຂ່າວ, ວັດທະນະທຳ ແລະ ທ່ອງທ່ຽວ ແຂວງເຊກອງ ​​ໄດ້ສ້າງເວັບໄຊຂອງຕົນ ຢ່າງເປັນທາງການ ​​ເຊິ່ງນັບວ່າເປັນຜົນສຳເລັດອີກບາດກ້າວໜື່ງ ໃນການພັດທະນາວຽກງານຖະແຫລງຂ່າວ, ວັດທະນະທຳ ແລະ ທ່ອງທ່ຽວ ຂອງແຂວງເຊກອງໃນໄລຍະໃໝ່ ເຊິ່ງໄດ້ຕັ້ງຊື່​​ທາງສັບເຕັກນິກ ວ່າ: www.dict-sekong.gov.la, ຈຸດປະສົງກໍ່ເພື່ອໃຫ້ສັງຄົມສາມາດເຂົ້າເຖິງ​​ແຫຼ່ງຂໍ້ມູນ-ຂ່າວສານໄດ້ຢ່າງວ່ອງໄວແລະເຂົ້າສູ່ການເຊື່ອໂຍງດ້ານຂໍ້ມູນຂ່າວ-ສານຢ່າງກ້ວາງຂວາງ ເວົ້າລວມ, ​ເວົ້າສະເພາະ ເພື່ອໃຫ້ພະນັກງານ-ລັດຖະກອນ ​​ແລະ ປະຊາຊົນບັນດາເຜົ່າຊາວແຂວງເຊກອງ ຮັບຮູ້ຂໍ້ມູນ-ຂ່າວສານແລະ ການເຄື່ອນໄຫວວຽກງານຕ່າງໆ ຂອງວຽກງານຖະແຫລງຂ່າວ, ວັດທະນະທຳ ແລະ ທ່ອງທ່ຽວ ແຂວງເຊກອງ, ລວມທັງການໂຄສະນາ​​ເຜີຍແຜ່ມູນເຊື້ອອັນດີງາມຂອງປະຊາຊົນບັນດາເຜົ່າ, ​ໂຄສະນາ​​ການທ່ອງທ່ຽວ ເພື່ອດຶງດູດຄວາມສົນໃຈໃຫ້ແກ່ນັກທ່ອງທ່ຽວທັງພາຍໃນແລະ ຕ່າງປະເທດໃຫ້ເຂົ້າມາທ່ຽວຊົມແຂວງເຊກອງໃຫ້ນັບມື້ນັບຫຼາຍຂື້ນ.

ຂ້າພະເຈົ້າຕາງໜ້າໃຫ້ແກ່ຄະນະພັກ, ຄະນະພະແນກ ຖວທແຂວງເຊກອງ ຂໍສະແດງຄວາມຊົມເຊີຍຕໍ່ຄະນະຮັບຜິດຊອບ ສ້າງຕັ້ງເວັບໄຊຂອງພະແນ, ຂະແໜງຖະແຫຼງຂ່າວແລະ ຂະແໜງການທີ່ກ່ຽວຂ້ອງ ທີ່ໄດ້ຮ່ວມກັນສ້າງເວັບໄຊຂອງພະ ແນກ ຖວທແຂວງເຊກອງພວກເຮົາ ໄດ້ສໍາເລັດຜົນຕາມແຜນການ. ດ້ານໂຄງສ້າງ, ​ຮູບແບບສີສັນ ແລະເນື້ອໃນຕ່າງໆຂອງເວັບໄຊນີ້ ຍັງບໍ່ທັນອຸດົມສົມບູນ ​​ເທົ່າທີ່ຄວນເຊິ່ງຈະໄດ້ສືບຕໍ່ປັບປຸງ-​ແກ້ໄຂເພີ່ມຕື່ມເພື່ອໃຫ້ເວັບໄຊຂອງພວກເຮົາ ມີຄວາມສົມບູນຄົບຖ້ວນ ແລະ ກາຍເປັນ​​ແຫຼ່ງຂໍ້ມູນ-ຂ່າວສານ ດ້ານຖະແຫຼງຂ່າວ, ວັດທະນະທໍາແລະ ທ່ອງທ່ຽວເພື່ອໃຫ້ທຸກຄົນເຂົ້າ​​ໃຊ້ບໍລິການໄດ້ທຸກເວລາ, ພວກເຮົາຫວັງຍ່າງຍິ່ງວ່າຈະໄດ້ຮັບຄຳຕຳນິຕິຊົມຈາກບັນດາທ່ານຜູ້ໃຊ້ບໍລິການ, ພວກເຮົາມີຄວາມຍິນດີຮັບເອົາຄໍາຕໍານິຕິຊົມ ​​ເພື່ອໄປປັບປຸງ-​ແກ້ໄຂແລະ ພັດທະນາເວັບໄຊຂອງພວກເຮົາ​​ໃຫ້ດີຂື້ນເລື້ອຍໆ.

ສ້າງຂື້ນໃນ ປີ 2017. ສະຫງວນລິຂະສິດໂດຍ: ພະແນກຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງເຊກອງ, ຕັ້ງຢູ່ບ້ານ ໂນນ​ມີ​ໄຊ, ເມືອງ ລະມາມ, ແຂວງ ເຊກອງ, ໂທຣ:(+856)038 211024, ແຟກ:(+856)038 211024, ມືຖື: 020 55121635
Powered by Joomla 1.7 Templates