ຍີນດີຕ້ອນຮັບເຂົ້າສູ່ເວັບໄຊພະ​ແນກ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງ​ເຊກອງ

​ຂະ​ແໜງ​ທ່ອງ​ທ່ຽວ

ພາລະ​ບົດບາດ-ໜ້າ​ທີ່ ຂອງ​ຂະ​ແໜງ​ທ່ອງ​ທ່ຽວ

  1. 1.)ທີ​ຕັ້ງ ​ແລະ ພາລະ​ບົດບາດ​ຂອງ​ຂະ​ແໜງ​ທ່ອງ​ທ່ຽວ:

ຂະ​ແໜງ​ທ່ອງ​ທ່ຽວ ​ແມ່ນ​ຂະ​ແໜງ​ວິຊາ​ການ​ໜື່ງ ​ໃນ​ໂຄງ​ປະກອບ​ອົງການ​ຈັດ​ຕັ້ງ​ຂອງ​ພະ​ແນ​ກຖະ​ແຫຼ​ງຂ່າວ, ວັດທະນະ​ທໍາ

ແລະ ທ່ອງ​ທ່ຽວ ປະ​ຈໍາ​ແຂວງ​ເຊ​ກອງ ( ມີ​ຊື່​ຂຽນ​ເປັນ​ຕົວ​ອັກສອນ​ຫຍໍ້​ວ່າ: ຂໜທ​), ມີ​ພາລະ​ບົດບາດ​ເປັນ​ເສນາ​ທິການ ​ໃຫ້​ແກ່​ຄະນະ​ນໍາ​ຂອງ​ພະ​ແນ​ກ ຖວທ ​ແຂວງ ​ໃນ​ການ​ຄຸ້ມ​ຄອງ ​ແລະ ຈັດ​ຕັ້ງ​ປະຕິບັດ, ກໍານົດ​ຍຸດ​ທະ​ສາດ, ​ແຜນ​ພັດທະນາ​ການທ່ອງທ່ຽວ ພ້ອມທັງ​ຄົ້ນ​ຄ້ວາ ຂຽນ ​ແລະ ຜັນ​ຂະຫຍາຍ ບັນດາ​ນິຕິ​ກໍາ ​ໃນ​ການ​ຄຸ້ມ​ຄອງ​ດ້ານ​ບໍລິການ, ການທ່ອງທ່ຽວ ​ເປັນ​ຕົ້ນ: ການ​ຄຸ້ມ​ຄອງ​ດ້ານ​ຖຸລະ​ກິດ​ກິນ​ດື່ມ-ບັນ​ເທິງ, ຮ້ານ​ອາຫານ, ບໍລິຫານ​ການ​ນໍາ​ທ່ຽວ, ບໍລິການ​ເຮືອນ​ພັກ-​ໂຮມ​ແຮມ ​ແລະ ຣີສອດ, ​ໂຄສະນາ​ເຜີຍ​ແຜ່ ​ແລະ ສະໜອງ​ຂໍ້​ມູນ​-ຂ່າວສານ ການທ່ອງທ່ຽວ, ​ແຫຼ່ງທ່ອງ​ທ່ຽວ​ພາຍ​​ໃນ​ແຂວງ ​ໃຫ້​ແຂກ​ພາຍ​ໃນ ​ແລະ ຕ່າງປະ​ເທດ​ຮັບ​ຮູ້​ຢ່າງ​ກ້ວາງ​ຂວາງ ​ແລະ ທົ່ວ​ເຖິງ.

  1. 2.)ໜ້າ​ທີ່ ​ຂອງ​ຂະ​ແໜງ​ທ່ອງ​ທ່ຽວ:
  2. ຄົ້ນ​ຄ້ວາ ​ແລະ ຫັນ​ເອົາ​ແນວທາງ​ນະ​ໂຍບາຍຂອງ​ພັກ, ​ແຜນ​ພັດທະນາ​ເສດຖະກິດ-ສັງຄົມ​ຂອງ​ລັດ ຫັນ​ເປັນ​ແຜນ​ຍຸດ​ທະ​ສາດ, ​ແຜນ​ງານ ​ແລະ ​ໂຄງການ​ລະອຽດ ​ໃນ​ການຈັດ​ຕັ້ງ​ປະຕິບັດ ​ເພື່ອ​ການ​ພັດທະນາ, ຝຶກ​ອົບຮົມ, ການ​ໂຄສະນາ​ສົ່ງ​ເສີມ, ການ​ຄຸ້ມ​ຄອງ​ການທ່ອງທ່ຽວ​ຢູ່​ອຂວງ​ເຊ​ກອງ.
  3. ຄົ້ນ​ຄ້ວາ, ສ້າງ ​ແລະ ປັບປຸງ​ບັນດາ​ນິຕິ​ກໍາ​ທີ່​ກ່ຽວຂ້ອງ ກັບ​ການ​ພັດທະນາ, ການ​ຄຸ້ມ​ຄອງ​ການທ່ອງທ່ຽວ ພ້ອມ​ທັງ​ເຜີຍ​​ແຜ່​ບັນດາ​ນິຕິ​ກໍາ ກ່ຽວ​ກັບ​ວຽກ​ງານ​ທ່ອງ​ທ່ຽວ ​ໃຫ້​ພາກສ່ວນ​ຕ່າງໆ ​ໄດ້​ຮັບ​ຮູ້ ​ແລະ ​ເຂົ້າ​ໃຈ.
  4. ຄົ້ນ​ຄ້ວາ, ຂຽນ​ບົດ​ສະ​ເໜີ​ໂຄງການ​ລົງທຶນ​ຂອງ​ລັດ ​ແລະ ພັດທະນາ​ການທ່ອງທ່ຽວ ​ໂດຍ​ສົມທົບ​ກັບ​ຂະ​ແໜງ​ການ​ທີ່​ກ່ຽວຂ້ອງ ​ແຕ່ລະ​ຂັ້ນ ​ເພື່ອ​ກໍານົດ, ວາງ​ແຜນ​ພັດທະນາ, ປັບປຸງ-ບູລະນະ ​ແຫຼ່ງທ່ອງ​ທ່ຽວ​ພາຍ​ໃນ​ແຂວງ​ຂອງ​ຕົນ.
  5. ຂື້ນ​ແຜນ​ງົບປະມານ-ການ​ເງິນ ​ເພື່ອ​ສະໜອງ​ໃຫ້​ແກ່​ການ​ເຄື່ອນ​ໄຫວ​ວຽກ​ງານ​ທ່ອງ​ທ່ຽວ ​ໃນ​ແຕ່ລະ​ໄລຍະ ​ເພື່ອ​ເຮັດ​ໃຫ້​ວຽກ​ງານ​ບັນລຸຕາມ​ແຜນການ​ທີ່​ວາງ​ໄວ້ ທັງ​ມີ​ການ​ສະ​ຫູຸບລາຍ​ງານ ສ່ອງ​ແສງ​ໃຫ້​ຂັ້ນ​ເທິງ​ເປັນ​ປົກກະຕິ ​ເຊັ່ນ: ປະ​ຈໍາ​ອາທິດ, ປະ​ຈໍາ​ເດືອນ, ປະ​ຈໍາ​ໄຕ​ມາດ, ປະ​ຈໍາປີ.
  6. ​ເພີ່ມ​ທະວີ​ໂຄສະນາ​ການທ່ອງທ່ຽວ ດ້ວຍ​ຫຼາຍ​ຮູບ​ແບບ ​ແລະ ​ແລກປ່ຽນ​ຂໍ້​ມູນ-ຂ່າວສານ​ກັບ​ພາກສ່ວນ​ຕ່າງໆ​ເຊັ່ນ: ໂຄສະນາ​ຜ່ານ​ສື່​ເອ​ເລັກ​ໂຕ​ນິກ, ວາລະສານ, ຮູບ​ພາບ, ​ເວັບ​ໄຊ, ສື່​ອ່ອນ​ລາຍຕ່າງໆ, ສະປອດ​ໂຄສະນາ ​ເພື່ອ​ສະໜອງ​ຂໍ້​ມູນດ້ານ​ການທ່ອງທ່ຽວ, ​ແຫຼ່ງທ່ອງ​ທ່ຽວ​ໃຫ້​ແຂກ​ພາຍ​ໃນ ​ແລະ ຕ່າງປະ​ເທດ ​ໄດ້​ຮັບ​ຮູ້ ທັງ​ຈັດ​ຕັ້ງ​ເຂົ້າ​ຮ່ວມ​ໂຄສະນາ ແລະ ອອກ​ອະນຸຍາດ​ຮ້ານ​ວາງ​ສະ​ແດງ​ການທ່ອງທ່ຽວ​ຕ່າງໆ ຢູ່​ພາຍ​ໃນ ​ແລະ ຕ່າງປະ​ເທດ ຕາມ​ການ​ຕົກລົງ​ຂອງ​ຂັ້ນ​ເທິງ. ສໍາ​ຫຼວດ, ​ເກັບ​ກໍາ​ຂໍ້​ມູນ, ອອກ​ແບບ​ຈັດ​ສັນ ​ແລະ ຂື້ນ​ບັນຊີ​ສະຖານ​ທີ່​ທ່ອງ​ທ່ຽວ ທາງ​ທໍາ​ມະ​ຊາດ; ປະຫວັດສາດ ​ແລະ ວັດທະນະ​ທໍາ ທັງ​ສັງ​ລວມຂໍ້​ມູນ-ຂ່າວສານ, ວິ​ເຄາະ​ຂໍ້​ມູນ​ສະຖິຕິ​ການທ່ອງທ່ຽວ ​ເພື່ອ​ຮັບ​ໃຊ້​ວາງ​ແຜນ​ພັດທະນາ ​ແລະ ການ​ໂຄສະນາ​ການທ່ອງທ່ຽວ, ສົ່ງ​ເສີມ​ສ້າງ​ກິດຈະ​ກໍາ​ຕ່າງໆ ຮ່ວມ​ກັບ​ພັກ-ລັດ ​ແລະ ​ເອກະ​ຊົນ ​ເພື່ອ​ໂຄສະນາ ​ແລະ ສົ່ງ​ເສີມ​ການທ່ອງທ່ຽວ ​ໃນ​ການຈັດ​ງານ​ເທສະ​ການ, ງານ​ບຸນ​ປະ​ເພນີ​ຂອງ​ປະຊາຊົນ​ບັນດາ​ເຜົ່າ ​ແລະ ສົ່ງ​ເສີມ​ການ​ຜະລິດ-ຜະລິດ​ຕະພັນ​ທີ່​ເປັນ​ເອກະລັກ​ຂອງ​ທ້ອງ​ຖິ່ນ. ຄົ້ນ​ຄ້ວາ ປະກອບ​ຄໍາ​ຄິດ​ເຫັນ ​ແລະ ຢັ້ງຢືນ​ເປັນ​ລາຍ​ລັກ​ອັກສອນ​ກ່ຽວ​ກັບ​ການ​ລົງທຶນ​ພາຍ​​ໃນ ​ແລະ ຕ່າງປະ​ເທດ ​ໃນ​ຂົງ​ເຂດ​ວຽກ​ງານ​ທ່ອງ​ທ່ຽວ, ​ກ່ຽວ​ກັບ​ການ​ອອກ ຫຼື ​ໂຈະ​ຖອນ​ການ​ອະນຸຍາດ​ດໍາ​ເນີນ​ຂອງ​ບໍລິສັດ​ທ່ອງ​ທ່ຽວ, ບັດ​ນໍາ​ທ່ຽວ ບໍລິສັດ​ຂົນ​ສົ່ງ​ທ່ອງ​ທ່ຽວ, ໂຮງ​ແຮມ-​ເຮືອນ​ພັກ, ຣີສອດ, ຮ້ານ​ອາຫານ, ສະຖານ​ບັນ​ເທິງ​ທຸກ​ປະ​ເພດ ​ເປັນ​ຕົ້ນ: ​ເທັກ, ພັບ​ໄນ​ຄຣັບ, ບາ, ຄາ​ລາ​ໂອ​ເກະ, ບັນ​ເທິງ​ກາງ​ແຈ້ງ, ສະ​ໂມ​ສອນ​ເກ​ມ ​ແລະ ການ​ຫຼີ້ນ​ເກ​ມຕ່າງໆ ​ເຊັ່ນ: ​ເກ​ມ​ຝຶກ​ສະໝອງ-ລອງ​ປັນຍາ, ​ເກ​ມພະນັນ​ທຸກ​ປະ​ເພດ, ສະຖານ​ທີ່​ພັກຜ່ອນ, ສະຖານ​ທີ່​ທ່ອງ​ທ່ຽວ ​ແລະ ທຸລະ​ກິດ​ໃນ​ຂະ​ແໜງ​ການທ່ອງທ່ຽວ ຕາມ​ການ​ແບ່ງ​ຂັ້ນ​ຄຸ້ມ​ຄອງ.
  7. ປະສານ​ສົມທົບ​ກັບ​ເຈົ້າ​ໜ້າ​ທີ່ ​ແລະ ພາກສ່ວນ​ກ່ຽວຂ້ອງ ​ໃນ​ການ​ກວດກາ, ສະກັດ​ກັ້ນ ຕິດຕາມ​ການ​ນໍາ​ທ່ຽວ ​ແລະ ບໍລິການ​ທ່ອງທ່ຽວ, ບັນດາ​ທຸລະ​ກິດ​ບໍລິການ​ເຮືອນ​ພັກ, ​ໂຮງ​ແຮມ, ຮ້ານ​ອາຫານ, ຮ້ານ​ກິນ​ດື່ມ-ບັນ​ເທິງ ​ໃຫ້​ເຄື່ອນ​ໄຫ​ຫວສອດຄ່ອງ​ກັບ​ລະບຽບ​ກົດໝາຍ.
  8. ຄົ້ນ​ຄ້ວາ​ເງື່ອນ​ໄຂ, ມາດຕະຖານ ​ແລະ ສະ​ເໜີ​ຂັ້ນ​ເທິງ​ຢັ້ງຢືນ​ການຈັດ​ລະດັບ​ກ່ຽວ​ກັບ​ເຮືອນ​ພັກ, ​ໂຮງ​ແຮມ ​ແລະ ສະຖານ​ທີ່​ທ່ອງ​ທ່ຽວ.
  9. ຄົ້ນ​ຄ້ວາ ພັດທະນາ​ຫຼັກສູດ​ການ​ຮຽນ-ການ​ສອນ ​ແລະ ອຸປະກອນ​ການ​ໃຊ້​ໃນ​ການ​ຝຶກ​ອົບຮົມ, ຈັດ​ຝຶກ​ອົບຮົມ​ພາຍ​ໃນ​ແຂວງ​ດ້ານ​ການ​ບໍລິການ​ໃຫ້​ທຸລະ​ກິດ​ໂຮງ​ແຮມ, ​ເຮືອນ​ພັກ, ຣີສອດ, ຮ້ານ​ອາຫານ, ສະຖານ​ບັນ​ເທິງ​ທຸກ​ປະ​ເພດ, ສະຖານ​ທີ່​ພັກຜ່ອນ, ສະຖານ​ທີ່​ທ່ອງ​ທ່ຽວ.
  10. ສົມທົບ​ກັບ​ພາກສ່ວນ​ກ່ຽວຂ້ອງ​ຕິດຕາມ, ຊຸກຍູ້ ການ​ເສຍ​ພັນທະ​ເຂົ້າ​ກອງ​ທຶນ​ແຫ່ງ​ຊາດ ​ເພື່ອ​ພັດທະນາ ​ແລະ ສົ່ງ​ເສີມ​ການທ່ອງທ່ຽວ​ຕາມ​ການ​ແບ່ງ​ຂັ້ນ​ຄຸ້ມ​ຄອງ ​ແລະ ລາຍ​ງານ​ໃຫ້ການ​ນໍາ​ພະ​ແນ​ກ, ການ​ນໍາ​ຂອງ​ແຂວງ ​ແລະ ຂັ້ນ​ກະຊວງ​ຮັບ​ຊາບ.
    1. 3.)ຂອບ​ເຂດ​ສິດ ຂອງ​ຂະ​ແໜງ​ທ່ອງ​ທ່ຽວ:
    2. ມີ​ສິດ​ລາຍ​ງານ​ສ່ອງ​ແສງ ​ແລະ ຂໍ​ທິດ​ຊີ້​ນໍາ​ກ່ຽວ​ກັບ​ການ​ເຄື່ອນ​ໄຫວ​ວຽກ​ງານ​ການທ່ອງທ່ຽວ​ພາຍ​ໃນ​ຂອບ​ເຂດ​ຂະ​ແໜງ​ຮັບຜິດຊອບ ​ໃຫ້​ຄະນະ​ພະ​ແນ​ກ, ການ​ນໍາ​ຂອງ​ແຂວງ ​ແລະ ຂັ້ນກະຊວງ.
    3. ມີ​ສິດ​ຮ່າງ​ຂໍ້​ຕົກລົງ, ຄໍາ​ສັ່ງ​ແນະ​ນໍາ, ​ແຈ້ງ​ການ ​ແລະ ລະບຽບ​ການ​ຕ່າງໆ ທີ່​ກ່ຽວຂ້ອງ​ກັບ​ການ​ເຄື່ອນ​ໄຫວ​ວຽກ​ງານ​ຂອງ​ຂະ​ແໜງ​ທ່ອງ​ທ່ຽວ ​ເພື່ອ​ນໍາ​ສະ​ເໜີ​ໃຫ້​ຫົວໜ້າ​ພະ​ແນ​ກຕົກລົງ ​ແລະ ມີ​ສິດ​ອອກ​ແຈ້ງ​ການ, ໜັງສື​ສະ​ເໜີ ​ແລະ ຢັ້ງຢືນ​ເອກະສານ​ຕ່າງໆ ທີ່​ກ່ຽວຂ້ອງ​ກັບວຽກ​ງານ​ຂອງ​ຂະ​ແໜງ​ທ່ອງ​ທ່ຽວຕາມ​ພາລະ​ບົດບາດ​ຂອງ​ຕົນ.
    4. ມີ​ສິດສະ​ເໜີ, ປະກອບ​ຄໍາ​ຄິດ​ເຫັນ ​ແລະ ​ເຂົ້າ​ຮ່ວມ​ກອງ​ປະຊຸມ​ຂອງ​ຄະນະ​ພະ​ແນ​ກ, ຄະນະ​ພັກ​ຂັ້ນ​ເທິງ​ທີ່​ກ່ຽວຂ້ອງ​ທີ່​ຈັດ​ຂື້ນ​ຢູ່​ພາຍ​ໃນ ​ແລະ ຕ່າງປະ​ເທດ​ຕາມ​ການ​ຕົກລົງ​ຂອງ​ຂັ້ນ​ເທິງ.
    5. ມີ​ສິດ​ເຊັນ​ເອກະສານ​ຢັ້ງຢືນ​ຕ່າງໆ ຢູ່​ໃນ​ຂອບ​ເຂດ​ຂອງ​ຕົນ​ຮັບຜິດຊອບ, ສະ​ເໜີ​ການ​ຍ້ອງຍໍ​ຕໍ່​ຫົວໜ່ວຍ​ທຸລະ​ກິດ​ບໍລິການ​ທ່ອງ​ທ່ຽວ ທີ່​ມີ​ຜົນງານ ຫຼື ປະຕິບັດ​ມາດຕາ​ການ​ໃນ​ກໍລະນີ​ທີ່​ມີ​ການລະ​ເມີດ​ລະບຽບ​ກົດໝາຍ, ລະບຽບ​ກ່ຽວ​ກັບ​ການ​ຄຸ້ມ​ຄອງ​ວຽກ​ງານ​ທ່ອງ​ທ່ຽວ ຕໍ່​ຫົວໜ້າ​ພະ​ແນ​ກ ​ແລະ ການ​ນໍາ​ຂອງ​ແຂວງ ກໍ່​ຄື​ກະຊວງ​ເພື່ອ​ພິຈາລະນາ.
    6. ມີ​ສິດ​ປະສານ​ສົມທົບ ວຽກ​ງານ​ກັບ​ຂະ​ແໜງ​ການ​ທີ່​ກ່ຽວຂ້ອງ​ ທັງ​ພາຍ​ໃນ ​ແລະ ຕ່າງປະ​ເທດ​ຕາມ​ການ​ຕົກລົງ​ຂອງ​ຂັ້ນ​ເທິງ.
    7. ມີ​ຄໍາ​ຄິດ​ຄໍາ​ເຫັນ ພາຍ​ໃນ​ຂະ​ແໜງ ​ເພື່ອ​ສະ​ເໜີ​ຂັ້ນ​ເທິງ​ກ່ຽວ​ກັບ​ການ​ປັບປຸງ​ພະນັກງານ​ພາຍ​ໃນ​ຂະ​ແໜງ ​ໃຫ້​ມີ​ການ​ສອດຄ່ອງ​ກັບ​ໜ້າ​ວຽກ​ທີ່​ກໍານົດ​ໄວ້​ຂອງ​ພະ​ແນ​ກ.
    8. ປະຕິບັດ​ສິດ ​ແລະ ໜ້າ​ທີ່​ວຽກ​ງານ​ອື່ນໆ ຕາມ​ການ​ມອບ​ໝາຍ​ຂອງ​ຄະນະ​ພະ​ແນ​ກ ​ແລະ ຂັ້ນ​ເທິງ.
      1. )​ໂຄງ​ປະກອບ ​ແລະ ການຈັດ​ຕັ້ງ​ ຂອງ​ຂະ​ແໜງ​ທ່ອງ​ທ່ຽວ:

ຂະ​ແໜງ​ທ່ອງ​ທ່ຽວ​ປະກອບ​ມີ​ຫົວໜ້າຂະ​ແໜງ 1 ທ່ານ, ຮອງຫົວໜ້າ​ຂະ​ແໜງ 2 ທ່ານ, ມີ​ຫົວໜ້າ​ໜ່ວຍ​ງານ, ຮອງ​ຫົວໜ້າ​

ໜ່ວຍ​ງານ ​ແລະ ພັກ​ງານ​ວິຊາ​ການ, ​ເຊິ່ງປະກອບ​ມີ 4 ໜ່ວຍ​ງານ ຄື: ໜ່ວຍ​ງານ​ພັດທະນາ​ການທ່ອງທ່ຽວ; ໜ່ວຍ​ງານ​ຄຸ້ມ​ຄອງ​ທຸລະ​ກິດ​ການທ່ອງທ່ຽວ; ໜ່ວຍ​ງານ​ໂຄສະນາ ​ແລະ ສົ່ງ​ເສີມ​ການ​ຕະຫຼາດ​ທ່ອງ​ທ່ຽວ ​ແລະ ໜ່ວຍ​ງານ​ຝຶກ​ອົບຮົມ​ການທ່ອງທ່ຽວ.

ລາຍ​ຊື່​ພະ​ນັກ​ງານ-ລັດຖະກອນ ​​ຂະ​ແໜງທ່ອງ​ທ່ຽວ:

/ດ

ຊື່ ​ແລະ ນາມສະກຸນ

ໜ້າ​ທີ່​ຮັບຜິດຊອບ

ທີ່ຢູ່ Email ​ແລະ ​ເບີ​​ໂທລະສັບ

1

ທ່ານ ຈັນທະ​ບູນ ທະລົງ​ແສງ​ຈັນ

ຫົວໜ້າ​ຂະ​ແໜງ

Mobile: 020 9983 7322

Email:

2

ທ່ານ ພູ​ວຽງ ອໍານາດ​ກ້ວ

ຮອງ​ຫົວໜ້າ​ຂະ​ແໜງ

Mobile: 020 9850 2884

Email:

3

ທ່ານ ​ເຄືອ​ຄໍາ ສິງ​ສັກສິດ

ຮອງ​ຫົວໜ້າ​ຂະ​ແໜງ

Mobile: 020..

Email:

4

ທ່ານ ນ. ບຸດສະບາ ໝື່ນ​ຫຼວງ

ຫົວໜ້າ​ໜ່ວຍ​ງານ​ພັດທະນາ​ການທ່ອງທ່ຽວ

Mobile: 020 5673 6668

Email:

5

ທ່ານ ຂັນ​ແພງ ສີ​ປະ​ເສີດ

ຮອງຫົວໜ້າ​ໜ່ວຍ​ງານ​ພັດທະນາ​ການທ່ອງທ່ຽວ

Mobile: 020 5490 8892

Email:

6

ທ່ານ ນ. ພຸດ​ສະ​ໜອນ ສີ​ບຸນ​ຄໍ້າ

ຫົວໜ້າ​ໜ່ວຍ​ງານ​ຄຸ້ມ​ຄອງ​ທຸລະ​ກິດ​ການທ່ອງທ່ຽວ

Mobile: 020 2837 0565

Email:

7

ທ່ານ ບຸນ​ລ້ວນ ພະ​ສະ​ແຫວ​ງ

ຮອງຫົວໜ້າ​ໜ່ວຍ​ງານ​ຄຸ້ມ​ຄອງ​ທຸລະ​ກິດ​ການທ່ອງທ່ຽວ

Mobile: 020 9586 7825

Email:

8

ທ່ານ ນ. ​ເຕັນ ລະຄອນ​ສີ

ຫົວໜ້າ​ໜ່ວຍ​ງານ​ໂຄສະນາ​ຂໍ້​ມູນ-ຂ່າວສານ ​ແລະ ສົ່ງ​ເສີມ​ຕະຫຼາດ​ການທ່ອງ​ທ່ຽວ

Mobile: 020..

Email:

9

ທ່ານ ຂັນຕີ ​ແກ້ວ​ເວີນ​ໄຊ

ຮອງຫົວໜ້າ​ໜ່ວຍ​ງານ​ໂຄສະນາ​ຂໍ້​ມູນ-ຂ່າວສານ ​ແລະ ສົ່ງ​ເສີມ​ຕະຫຼາດ​ການທ່ອງ​ທ່ຽວ

Mobile: 020 9158 8893

Email:

10

ທ່ານ ນ. ລັດດາ​ວອນ ດວງ​ດີ

ຮັກສາ​ການ​ຫົວໜ້າ​ໜ່ວຍ​ງານ​ຝຶກ​ອົບຮົມ​ການທ່ອງທ່ຽວ

Mobile: 020..

Email:

11

ທ່ານ ນ. ​ດວງ​ມະ​ໄລ ​ໄຊ​ຍະ​ເສນ

ວິຊາ​ການ​ຄຸ້ມ​ຄອງ​ຮ້ານ​ກິນ​ດື່ມ-ບັນ​ເທິງ

Mobile: 020..

Email:

ສ້າງຂື້ນໃນ ປີ 2017. ສະຫງວນລິຂະສິດໂດຍ: ພະແນກຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງເຊກອງ, ຕັ້ງຢູ່ບ້ານ ໂນນ​ມີ​ໄຊ, ເມືອງ ລະມາມ, ແຂວງ ເຊກອງ, ໂທຣ:(+856)038 211024, ແຟກ:(+856)038 211024, ມືຖື: 020 55121635
Powered by Joomla 1.7 Templates