ຍີນດີຕ້ອນຮັບເຂົ້າສູ່ເວັບໄຊພະ​ແນກ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງ​ເຊກອງ

​ຂະ​ແໜງ​ຖະ​ແຫຼງ​ຂ່າວ

ພາລະ​ບົດບາດ-ໜ້າ​ທີ່ ຂອງ​ຂະ​ແໜງ​ຖະ​ແຫຼ​ງຂ່າວ:

1. ທີ່​ຕັ້ງ ​ແລະ ພາລະ​ບົດບາດ​ຂອງ​ຂະ​ແໜງ​ຖະ​ແຫຼ​ງຂ່າວ:

       ຂະ​ແໜງ​ຖະ​ແຫຼ​ງຂ່າວ ​ແມ່ນ​ໂຄງ​ປະກອບ​ການຈັດ​ຕັ້ງໜື່ງຂອງ​ພະ​ແນ​ກຖະ​ແຫຼ​ງຂ່າວ, ວັດທະນະທຳ ​ແລະ ​ທ່ອງ​ທ່ຽວ ປະ​ຈໍາ​ແຂວງ​ເຊ​ກອງ ​ເຊີ່ງ​ມີ​ຊື່​ຫຍໍ້​ວ່າ “ຖຂ” ​ເຊີ່ງ​ເຮັດ​ໜ້າ​ທີ່​ເປັນ​ເສນາ​ທິການ​ໃຫ້​ແກ່​ຄະນະ​ພັກ, ຄະນະ​ພະ​ແນ​ກ ຖວທ ​ໃນ​ການ​ປະຕິບັດ​ໜ້າ​ທີ່​ວຽກ​ງານຖະ​ແຫຼ​ງຂ່າວ-ສື່​ມວນ​ຊົນໃນ​ຂອບ​ເຂດ​ທົ່ວ​ແຂວງ ​ແລະ ຫ້ອງການ ຖວທ 4 ​ເມືອງ ຕາມ​ການ​ແບ່ງ​ຂັ້ນ​ຄຸ້ມ​ຄອງ.

2. ໜ້າ​ທີ່ ຂອງ​ຂະ​ແໜງ​ຖະ​ແຫຼ​ງຂ່າວ:

  1. ຄົ້ນ​ຄ້ວາ​ຮ່າງ​ບົດ​ແນະ​ນໍາ, ​ແຈ້ງ​ການ ​ແລະ ໜັງສື​ສະ​ເໜີ​ຕ່າງໆ​ທີ່​ພົວພັນ​ເຖີງວຽກ​ງານ​ຖະ​ແຫຼ​ງຂ່າວ-ສື່​ມວນ​ຊົນ ​ໃຫ້​ຄະນະ​ພະ​ແນ​ກ ຄົ້ນ​ຄ້ວາ​ພິຈາລະນາ.
  2. ຄົ້ນ​ຄ້ວາ​ແຜນ​ຍຸດ​ທະ​ສາດ​ການ​ພັດທະນາ​ວຽກ​ງານ​ຖະ​ແຫຼ​ງຂ່າວ-ສື່​ມວນ​ຊົນ ​ໃຫ້​ຄະນະ​ພະ​ແນ​ກ ພິຈາລະນາ ພ້ອມ​ທັງ​ຈັດ​ຕັ້ງ​ປະຕິບັດ​ຕາມ​ການ​ຕົກລົງ.
  3. ຄົ້ນ​ຄ້ວາ ​ແລະ ຈັດ​ຕັ້ງ​ປະຕິບັດ​ເຜີຍ​ແຜ່​ຄໍາ​ສັ່ງ, ​ແຈ້ງ​ການ, ຂໍ້​ກໍານົດ ​ແລະ ກົດໝາຍ​ວ່າ​ດ້ວຍ​ສື່​ມວນ​ຊົນ ຢູ່​ພາຍ​ໃນ​ຂອບ​ເຂດ​ທົ່ວ​ແຂວງ​ເຊ​ກອງ ​ແລະ ນໍາ​ສະ​ເໜີ​ປະຕິບັດ​ມາດຕາ​ການ​ຕໍ່​ຜູ້​ລະ​ເມີດ.
  4. ຄຸ້ຄອງ​, ກວດກາພາຫະນະ​ສື່​ມວນ​ຊົນ​ຂອງ​ລັດ ​ແລະ ​ເອກະ​ຊົນ​ທີ່​ເຄື່ອນ​ໄຫວ​ຢູ່​ພາຍ​ໃນ​ແຂວງ​ເຊ​ກອງ​ເຊັ່ນ: ວິທະຍຸ-​ໂທລະພາບ, ສື່​ເອ​ເລັກ​ໂຕ​ນິກອື່ນໆ; ລະບົບ​ຈານ​ດາວ​ທຽມ; ກ້ອງຖ່າຍ​ວີ​ດີ​ໂອ; ກ້ອງຖ່າຍຮູບ​ນີ້​ງ ​ແລະ ສື່​ສີ່​ງພິມ​ອື່ນໆ​ໃຫ້​ຖືກຕ້ອງ​ຕາມ​ລະບຽບ​ກົດໝາຍ.
  5. ຄົ້ນ​ຄ້ວາ, ວາງ​ແຜນ​ເຄື່ອນ​ໄຫວ​ເກັບ​ກໍາ​ຂໍ້​ມູນ​ຂ່າວ, ​ເຫດການ​ທີ່​ພົ້ນ​ເດັ່ນ​ຕ່າງໆ ​ເພື່ອ​ໂຄສະນາ​ເຜີຍ​ແຜ່​ ຜ່ານ​ພາຫະນະ​ສື່​ມວນ​ຊົນປະ​ເພດ​ຕ່າງໆ​ຂອງ​ແຂວງ ​ແລະ​ ສູນ​ກາງ ພ້ອມ​ທັງ​ສະຫຼຸບ​ປະ​ເມີນ​ຜົນ​ວຽກ​ງານ ​ເພື່ອ​ສະເໜີ​ຕໍ່​ຄະນະ​ພະ​ແນ​ກ ​ເປັນ​ປົກກະຕິ ​ແລະ ​ທັນ​ເວລາ.
  6. ຄຸ້ມ​ຄອງ​, ອະນຸຍາດການ​ເຄື່ອນ​ໄຫວ​ຂອງ​ນັກ​ຂ່າວ ພາຍ​ໃນ ​ແລະ ຕ່າງປະ​ເທດ ທີ່​ມາ​ເຄື່ອນ​ໄຫວ​ຖ່າຍ​ທໍາ ສາລະ​ຄະດີ; ຖ່າຍ​ທໍາ​ລະຄອນ; ​ເກັບ​ກໍາ​ຂໍ້​ມູນ​-ຂ່າວສານ ຢູ່​ໃນ​ຂອບ​ເຂດທົ່ວ​ແຂວງ​ເຊ​ກອງ.
  7. ປຸກລະດົມ ຊຸກຍູ້​ບັນດາ​ສໍານັກງານ ອົງການ​ຂອງ​ລັດ; ​ໂຮງຮຽນ; ​ໂຮງໝໍ ​ແລະ ຮາກ​ຖານ​ປະຊາຊົນ ​ໃນ​ການ​ປັບປຸງ​-ກໍ່ສ້າງຕາໜ່າງຂ່າວ ປະ​ຈໍາ​ສໍານັກງານ ​ແລະ ທ້ອງ​ຖີ່​ນ ​ເພື່ອ​ເກັບ​ກໍາ ​ແລະ ລາຍ​ງານ​ຂ່າວ ​ໃຫ້​ແກ່​ບັນດາ​ສື່​ມວນ​ຊົນ​ຂອງ​ແຂວງຢ່າງ​ກ້ວາງ​ຂວາງ ​ແລະ ທັນ​ເວລາ.
  8. ຄົ້ນ​ຄ້ວາ ​ແລະ ນໍາ​ສະ​ເໜີ​ຂໍ​ອະນຸມັດ​ສ້າງ​ຕັ້ງ, ​ໂຈະ, ຍົກ​ເລີກ ອອກ ​ແລະ ຖອນ​ໃບ​ອະນຸຍາດ​ ​ໃຫ້ຜູ້​ປະກອບ​ການທີ່​ມາ​ເຄື່ອນ​ໄຫວ​ວຽກ​ງານ​ສື່​ມວນ​ຊົນ​ພາຍ​ໃນ​​ແຂວງ​ເຊ​ກອງ.
  9. ຂື້ນ​ແຜນ ​ແລະ ຈັດ​ຕັ້ງ​ຝຶກ​ອົບຮົມ​ວິຊາ​ການ ດ້ານ​ຖະ​ແຫຼ​ງຂ່າວ-ສື່​ມວນ​ຊົນ​ ໃຫ້​ແກ່​ພະນັກງານ ລັດຖະກອນ ສື່​ມວນ​ຊົນ​ພາຍ​ໃນ​ແຂວງ​ເຊ​ກອງ.
  10. ຄົ້ນ​ຄ້ວາ ​ແລະ ປະກອບ​ຄໍາ​ຄິດ​ເຫັນ​ທາງ​ດ້ານ​ວິຊາ​ການ ​ແລະ ນໍາ​ສະ​ເໜີ​ປະຕິບັດ​ນະ​ໂຍບາຍ​ຍ້ອງຍໍ ​ແລະ ປະຕິບັດ​ມາດຕາ​ການ​ຕໍ່​ຜູ້​ລະ​ເມີດ​ນິຕິ​ກໍາ ດ້ານ​ຖະ​ແຫຼ​ງຂ່າວ-ສື່​ມວນ​ຊົນ.
  11. ຄຸ້ມ​ຄອງ, ສັງ​ລວມຂໍ້​ມູນສະຖິຕິດ້ານ​ຖະ​ແຫຼ​ງຂ່າວ-ສື່​ມວນ​ຊົນ ​ໃນ​ທົ່ວ​ແຂວງ ພ້ອມ​ທັງ​ຂື້ນ​ແຜນ ​ແລະ​ ສະຫຼຸບ​ວຽກ​ງານ​ຮອບດ້ານ ຂອງ​ຂະ​ແໜງຖະ​ແຫຼ​ງຂ່າວ ​ເປັນ​ປະ​ຈໍາ​ໃນ​ແຕ່ລະ​ໄລຍະ.
  12. ຄຸ້ມຄອງ; ບໍາລຸງ​-ກໍ່ສ້າງ ​ແລະ ຊີ້​ນໍາ-ນໍາພາ​ພະນັກງານລັດຖະກອນ ປະຕິບັດ​ໜ້າ​ທີ່ວຽກງານ​ວິຊາ​ສະ​ເພາະ​ຕາມ​ພາ ລະ​ບົດບາດຂອງຂະ​ແໜງ ​ແລະ ປະຕິບັດ​ຕາມ​ທິດ​ຊີ້​ນໍາ​ຂອງ​ຂັ້ນ​ເທິງ.

3. ຂອບ​ເຂດ​ສິດ ຂອງ​ຂະ​ແໜງ​ຖະ​ແຫຼ​ງຂ່າວ:

  1. ອອກ​ແຈ້ງ​ການ ​ແລະ ໜັງສື​ກ່ຽວ​ກັບ​ການ​ຄຸ້ມ​ຄອງ​ໃນ​ດ້ານ​ວຽກ​ງານ​ຖະ​ແຫຼ​ງຂ່າວ-ສື່​ມວນ​ຊົນ​ ພາຍ​ໃນ​ແຂວງ​ຕາມ​ການ​ເຫັນ​ດີ ຂອງ​ຫົວໜ້າ​ພະ​ແນ​ກ ຖວທ ປະ​ຈໍາ​ແຂວງ.
  2. ສະ​ເໜີ​ເພື່ອ​ຂໍອະນຸຍາດ​ເຄື່ອນ​ໄຫວ​ໃຫ້ຜູ້​ປະກອບ​ການ ທຸລະ​ກິດດ້ານ​ຖະ​ແຫຼ​ງຂ່າວ-ສື່​ມວນ​ຊົນ ​ພາຍ​ໃນ​ແຂວງ​ຂອງ​ຕົນຕາມ​ການ​ແບ່ງ​ຂັ້ນ​ຄຸ້ມ​ຄອງ ​ແລະ ລົງ​ລາຍ​ເຊັນ​ຊື່​ລັບ; ຊື່​ແຈ້ງ​ໃນ​ຂອບ​ເຂດຄວາມ​ຮັບຜິດຊອບ ​ຂອງຂະ​ແໜງ​ການ​ຂອງ​ຕົນ.
  3. ສະ​ເໜີ​ສ້າງ​ຕັ້ງ ​ແລະ ລຶບລ້າງ​ບັນດາ​ກົງຈັກ​ການຈັດ​ຕັ້ງ ທີ່​ຂື້ນ​ກັບ​ຄວາມ​ຮັບຜິດຊອບ​ຂອງ​ຕົນ ຕໍ່​ຫົວໜ້າ​ພະ​ແນ​ກ ຖວທ ປະ​ຈໍາ​ແຂວງ ​ເພື່ອ​ຂໍອະນຸຍາດ​ແຕ່ງ​ຕັ້ງ ຫຼື ລຶບລ້າງ.
  4. ​ເຄື່ອນ​ໄຫວ​ຕາມ​ພາລະ​ບົດບາດ​ຂອງ​ອົງການ​ສື່​ມວນ​ຊົນ ​ໂດຍ​ເຄົາລົບ​ຕໍ່​ກົດໝາຍ​ວ່າ​ດ້ວຍ​ສື່​ມວນ​ຊົນ​ລາວ ​ແລະ ປະຕິບັດ​ຕາມ​ທິດ​ຊີ້​ນໍາ​ຂອງ​ຄະນະ​ບໍລິຫານ​ງານ​ພັກ​ແຂວງ ​ແລະ ຄະນະ​ພັກ​ຮາກ​ຖານ​ທີ່​ຕົນ​ຂື້ນ​ກັບ.
  5. ພົວພັນ​ກັບ​ບັນດາ​ຂະ​ແໜງ​ການຕ່າງໆ​ອ້ອມ​ຂ້າງ​ພະ​ແນ​ກ, ບັນດາ​ຂະ​ແໜງການ​ຕ່າງໆ​ອ້ອມ​ຂ້າງ​ແຂວງ ​ແລະ 4 ​ເມືອງ​ລວມທັງ​ ບັນດາ​ຂະ​ແໜງ​ການ​ທີ່​ກ່ຽວຂ້ອງ​ຂັ້ນ​ສູນ​ກາງ ​ເພື່ອ​ຂໍ​ທິດ​ຊີ້​ນໍາ​ໃນ​ການຈັດ​ຕັ້ງ​ປະຕິບັດ ວຽກ​ງານ​ດ້ານ​ຖະ​ແຫຼ​ງຂ່າວ-ສື່​ມວນ​ຊົນ ​ໃຫ້​ຖືກຕ້ອງ​ຕາມ​ລະບຽບ​ກົດໝາຍ.
  6. ຄຸ້ມ​ຄອງ ​ແລະ ກວດກາ​ການ​ນໍາ​ໃຊ້​ອຸປະກອນ​ສື່​ມວນ​ຊົນ​ທຸກ​ປະ​ເພດ ພ້ອມ​ທັງ​ຕິດຕາມ​ກວດກາ​ການ​ປະຕິບັດ​ໜ້າ​ທີ່ ຂອງ​ໜ່ວຍ​ງານ ​ແລະ ບຸກຄົນ ​ເພື່ອ​ຂໍ​ທິດ​ຊີ້​ນໍາ​ຈາກ​ຂັ້ນ​ເທິງ, ປະຕິບັດ​ຄໍາ​ສັ່ງ​ຂອງ​ຂັ້ນ​ເທິງ, ​ເຜີຍ​ແຜ່ ​ແລະ ຈັດ​ຕັ້ງ​ປະຕິບັດ​ຕົວ​ຈິງ.
  7. ຕິດຕາມ​ຂະ​ບວນການ​ເຄື່ອນ​ໄຫວ​ລວມທີ່​ເກີດ​ຂື້ນ, ພວມ​ຈະ​ເກີດ​ຂື້ນ​ໃນ​ສະຖານ​ທີ່​ໃດ​ໜື່ງທີ່​ມີ​ມູນ​ຄວາມ​ຈິງ, ນໍາ​ສະເໜີ​ວຽກ​ດີ​ຄົນ​ເດັ່ນ, ຄອບຄົວ​ຕົວ​ແບບ​ການ​ຜະລິດ, ຄວາມ​ຮູ້​ທາງ​ດ້ານ​ວິທະຍາສາດ ​ເຕັກ​ໂນ​ໂລ​ຊີ ທີ່​ກ້າວໜ້າ ​ແລະ ຄວາມ​ບັນ​ເທິງ, ຕອບ​ໂຕ້​ຢ່າງ​ທັນ​ການກ່ຽວ​ກັບ​ປະກົດ​ການ​ຫຍໍ້​ທໍ້ ທັງ​ດ້ານ​ເນື້ອ​ໃນຂໍ້​ມູນ-​ຂ່າວສານ​ທີ່​ຜິດ​ເຂ​ວ-ບໍ່​ມີ​ມູນ​ຄວາມ​ຈິງ.

4.ໂຄງ​ປະກອບ ​ແລະ ການຈັດ​ຕັ້ງ​ຂອງ​ຂະ​ແໜງ​ຖະ​ແຫຼ​ງຂ່າວ:

         ຂະ​ແໜງ​ຖະ​ແຫຼ​ງຂ່າວ ປະກອບ​ມີ​ຫົວໜ້າ​ຂະ​ແໜງ 1 ທ່ານ ​ແລະ ຮອງ​ຫົວໜ້າ​ຂະ​ແໜງ 1 ທ່ານ, ມີ​ຫົວໜ້າ​ໜ່ວຍງານ, ຮອງ​ຫົວໜ້າ​ໜ່ວຍ​ງານ ​ແລະ ພະນັກງານ​ວິຊາ​ຊາ​ການ, ​ເຊິ່ງປະກອບ​ມີ 3 ໜ່ວຍ​ງານ​ ຄື: ໜ່ວຍ​ງານ​ຂ່າວສານ-ໜັງສືພິມ; ໜ່ວຍ​ງານ​ຄຸ້ມ​-ຄອງ​ສະຖິຕິສື່​ມວນ​ຊົນ ​ແລະ ໜ່ວຍ​ງານ​ພັດທະນາ ​ແລະ ບໍລິຫານ.

ລາຍ​ຊື່​ພະ​ນັກ​ງານ-ລັດຖະກອນ ​​ຂະ​ແໜງ​ຖະ​ແຫຼ​ງຂ່າວ:

 

 

 

 

1

ທ່ານ ສົມບູນ ສີສົມພອນ

2 Somboun-150x185

 

ຫົວໜ້າຂະແໜງ

 

Mobile: 020 5512 1635

Email: This email address is being protected from spambots. You need JavaScript enabled to view it.

 

  ທ່ານ ນ. ​ແວວຕາ ດວງພະຈັນ

3 Veota

 

ຮອງຫົວໜ້າຂະແໜງ

 

Mobile: 020 5492 5555

 

Email:This email address is being protected from spambots. You need JavaScript enabled to view it.

 

3

     ທ່ານ ສັນຍາແກ້ວໄຊຍະວົງ

sanya

 

ຫົວໜ້າໜ່ວຍງານຂ່າວສານ-ໜັງສືພິມ

 

Mobile: 020 5850 1061

 

Email:This email address is being protected from spambots. You need JavaScript enabled to view it.

 

4

    ທ່ານ ນ. ພຸດທະສອນ ສີຫາວົງ

phoudtason

 

ຫົວໜ້າໜ່ວຍງານພັດທະນາແລະ ບໍລຶ ຫານ

 

Mobile: 020 2261 9151

 

Email:This email address is being protected from spambots. You need JavaScript enabled to view it.

 

5

         ທ່ານ ປິຊາ ສິງສັກສິດ

pysar

 

ຮອງຫົວໜ້າໜ່ວຍງານຄຸ້ມຄອງ-ສະຖິຕິສື່ມວນຊົນ

 

Mobile: 020 9965 4376

Email: This email address is being protected from spambots. You need JavaScript enabled to view it.

ສ້າງຂື້ນໃນ ປີ 2017. ສະຫງວນລິຂະສິດໂດຍ: ພະແນກຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງເຊກອງ, ຕັ້ງຢູ່ບ້ານ ໂນນ​ມີ​ໄຊ, ເມືອງ ລະມາມ, ແຂວງ ເຊກອງ, ໂທຣ:(+856)038 211024, ແຟກ:(+856)038 211024, ມືຖື: 020 55121635
Powered by Joomla 1.7 Templates