ຍີນດີຕ້ອນຮັບເຂົ້າສູ່ເວັບໄຊພະ​ແນກ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງ​ເຊກອງ

​ຫ້ອງ​ການ​ບໍ​ລິ​ຫານ

ພາລະ​ບົດບາດ-ໜ້າ​ທີ່​ຂອງ​ຫ້ອງການ​ບໍລິຫານ ພະ​ແນ​ກ:

1. ທີ່​ຕັ້ງ ​ແລະ ພາລະ​ບົດບາດ ຫ້ອງການ​ບໍລິຫານ ພະ​ແນ​ກ:

       ຂະ​ແໜງ​ບໍລິຫານ ​ແມ່ນ​ຂະ​ແໜງ​ການຈັດ​ຕັ້ງ​ຄຸ້ມ​ຄອງ​ດ້ານ​ບໍລິຫານ ທີ່​ນອນ​ໃນ​ໂຄງ​ປະກອບ​ການຈັດ​ຕັ້ງ​ຂອງ​ພະ​ແນ​ກຖະ​ແຫຼ​ງ ຂ່າວ, ວັດທະນະ​ທໍາ ​ແລະ ທ່ອງ​ທ່ຽວປະ​ຈໍາ​ແຂວງ ( ​ເອີ້ນ​ຊື່​ຫຍໍ້​ວ່າ: ຫກ).

         ມີ​ພາລະ​ບົດບາດ​ເປັນ​ເສນາ​ທິການ​ໃຫ້​ແກ່​ການ​ນໍາ​ຂອງ​ພະ​ແນ​ກ ​ໃນ​ການ​ຄົ້ນ​ຄ້ວາ-ສັງ​ລວມ, ວາງ​ທິດ​ທາງ ​ແລະ ໜ້າ​ທີ່​ໃຫຍ່ໆ ເພື່ອ​ປັບປຸງ-ຂະຫຍາຍ ວຽກ​ງານ​ຖະ​ແຫຼ​ງຂ່າວ, ວັດທະນະ​ທໍາ ​ແລະ ທ່ອງ​ທ່ຽວ ​ໃຫ້​ຖືກຕ້ອງ​ຕາມ​ແນວທາງ​ນະ​ໂບຍາຍ​ຂອງ​ພັກ ​ແລະ ແຜນ​ພັດ​ທະນາ​ເສດຖະກິດ-ສັງຄົມ​ຂອງ​ລັດ ກໍ່​ຄື​ຂອງ​ແຂວງ​ວາງ​ອອກ, ​ເຮັດ​ໜ້າ​ທີ່​ຄຸ້ມ​ຄອງ ​ເອກະສານ; ການ​ພົວພັນ​ຕ່າງປະ​ເທດ; ການ​ບໍລິຫານ​ວຽກ​ງານ​ຂອງ​ພະ​ແນ​ກ; ​ເປັນ​ໃຈກາງ​ໃນ​ການ​ປະສານ​ງານ​ລະຫວ່າງ​ການ​ນໍາ​ຂອງ​ພະ​ແນ​ກ ​ແລະ ບັນດາ​ການຈັດ​ຕັ້ງ​ຂະ   ແໜງ​ການ​ອື່ນໆ ຂັ້ນ​ກະຊວງ, ຂັ້ນ​ແຂວງ, ຂັ້ນ​ເມືອງ ​ແລະ ຂັ້ນ​ບ້ານ.

2. ໜ້າ​ທີ່​ ຂອງ​ຫ້ອງການ​ບໍລິຫານ ພະ​ແນ​ກ:

ຂະ​ແໜງ​ບໍລິຫານ​ພະ​ແນ​ກ ຖວທ ​ແຂວງ​ ມີໜ້າທີ່​ລະອຽດ​ດັ່ງ​ນີ້:

  1. ຄົ້ນ​ຄ້ວາ, ຮ່າງ​ຂໍ້​ຕົກລົງ, ບົດ​ແນະ​ນໍາ, ​ແຈ້ງ​ການ ​ແລະ ​ໃບ​ສະ​ເໜີ​ຕ່າງໆ ທີ່​ພົວພັນ​ເຖິງ​ວຽກ​ງານ​ບໍລິຫານ ​ໃຫ້​ຄະນະ​ພັກ, ຄະນະ​ພະ​ແນ​ກພິຈາລະນາ.
  2. ຄົ້ນ​ຄ້ວາ-ວາງ​ແຜນ ​ແລະ ຂື້ນ​ແຜນການ​ລະອຽດ ກ່ຽວ​ກັບ​ໂຄງການ​ພັດທະນາ​ຮອບດ້ານ ວຽກ​ງານ​ຖະ​ແຫຼ​ງຂ່າວ, ວັດທະນະ​ທໍາ ​ແລະ ທ່ອງ​ທ່ຽວ ​ໃນ​ແຕ່ລະ​ໄລຍະ, ສະຫຼຸບ-ສັງ​ລວມ ​ແລະ ປະ​ເມີນ​ຜົນ ການຈັດ​ຕັ້ງ​ປະຕິບັດ​ໜ້າ​ທີ່ວຍກງານ​ຂອງ​ພະ​ແນ​ກປະ​ຈໍາ​ອາທິດ, ປະ​ຈໍາ​ເດືອນ, ປະ​ຈໍາ​ງວດ ​ແລະ ປະ​ຈໍາປີ.
  3. ຄົ້ນ​ຄ້ວາ ​ຂື້ນ​ແຜນ​ງົບປະມານ​ຂອງ​ພະ​ແນ​ກ ​ແລະ ຮັບຜິດຊອບ​ວຽກ​ງານ​ການ​ເງິນ​ລາຍ​ຮັບ-ລາຍ​ຈ່າຍຂອງ​ພະ​ແນ​ກ ​ໃນ​ແຕ່ລະ​ໄລຍະ.
  4. ຄຸ້ມ​ຄອງ​ບັນດາ​ລາຍ​ຮັບ-ລາຍ​ຈ່າຍ​ຂອງ​ຂະ​ແໜງ​ການ ​ແລະ ກອງ​ວິຊາ​ການ​ທີ່​ຂື້ນ​ກັບ​ພະ​ແນ​ກ.
  5. ​ເຮັດ​ໜ້າ​ທີ່​ໃນ​ການ​ປະສານ​ງານ ລະຫວ່າ​ງພະ​ແນ​ກ ກັບ​ບັນດາ​ພະ​ແນ​ກການ, ອົງການ​ຈັດ​ຕັ້ງ​ອ້ອມ​ຂ້າງ​ແຂວງ, ​ເມືອງ ​ແລະ ຂະ​ແໜງ​ການ​ສາຍ​ຕັ້ງ-ສາຍ​ຂວາງ.
  6. ຄຸ້ມ​ຄອງ ​ແລະ ຈັດ​ຕັ້ງ​ປະຕິບັດ​ໂຄງການ​ລົງທຶນ​ຂອງ​ລັດ, ຂອງ​ສາກົນ​ໃຫ້​ມີ​ປະສິດທິ​ຜົນ ຕາມ​ທິດ​ຊີ້​ນໍາ​ຂອງ​ຫົວໜ້າ​ພະ​ແນ​ກ.
  7. ຄົ້ນ​ຄ້ວາ-ວາງ​ແຜນ​ພົວພັນ​ຮ່ວມ​ມື ດ້ານ​ວຽກ​ງານ​ຖະ​ແຫຼ​ງຂ່າວ, ວັດທະນະ​ທໍາ ​ແລະ ທ່ອງ​ທ່ຽວ ກັບ​ບັນດາ​ແຂວງ ​ແລະ ຕ່າງປະ​ເທດ.
  8. ຮັບຜິດຊອບ​ຊີ້ນໍາ​ວຽກ​ງານ​ປ້ອງ​ກັນຊາ​ດ-ປ້ອງ​ກັນ​ຄວາມ​ສະຫງົບ, ວຽກ​ງານ​ອະນາ​ໄມ ​ແລະ ຄວາມ​ເປັນ​ລະບຽບ​ຮຽບຮ້ອບຢູ່​ພາຍ​ໃນ​ພະ​ແນ​ກ.
  9. ຄຸ້ມ​ຄອງ ​ແລະ ຈັດ​ສັນ​ການ​ນໍາ​ໃຊ້​ງົບປະມານ, ພາຫະນະ, ນໍ້າມັນ​ເຊືອ​ໄຟ, ​ໄຟຟ້າ, ນໍ້າ​ປະປາ, ​ໄປສະນີ​ໂທລະ​ຄົມມະນາຄົມ ​ແລະ ຊັບ​ສົມບັດ​ສ່ວນ​ລວມຂອງ​ພະ​ແນ​ກ.
  10. ຮັບຜິດຊອບ​ວຽກ​ງານ​ສາລະບານ​ເອກະສານ, ກະກຽມ​ເນື້ອ​ໃນ ​ແລະ ​ແຜນການ​ດໍາ​ເນີນ​ກອງ​ປະຊຸມ ຂອງ​ຄະນະ​ພັກ, ຄະນະ​ພະ​ແນ​ກ ​ແລະ ​ເຂົ້າ​ຮ່ວມ​ເຮັດ​ບົດ​ບັນທຶກ​ກອງ​ປະຊຸມ​ຂອງ​ຄະນະ​ພະ​ແນ​ກ ​ໃນ​ແຕ່​ລະ​ຄັ້ງ ( ຕາມ​ການ​ເຫັນ​ດີ​ ຈາກ​ຄະນະ​ພະ​ແນ​ກ).
  11. ຮັບຜິດ​ຄົ້ນ​ຄ້ວາ, ສ້າງ​ແຜນ​ອົບຮົມ ນໍາພາ​ການ​ເມືອງ​ແນວ​ຄິດ ​ໃຫ້​ພະນັກງານ-ລັດຖະກອນ ​ແລະ ປະຕິບັດ​ນະ​ໂຍບາຍ​ຕໍ່​ພະນັກງານ​ພາຍ​ໃນ​ພະ​ແນ​ກ.
  12. ຄຸ້ມ​ຄອງ​ເກັບ​ມ້ຽນ​ເອກະສານ​ຕ່າງໆ​ຂອງ​ພະ​ແນ​ກ ​ແລະ ສະ​ຫູຸບ-ສັງ​ລວມສະຖິຕິ ກ່ຽວ​ກັບ​ວຽກ​ງານ​ຂອງ​ຕົນ.
  13. ປະຕິບັດ​ສິດ-ໜ້າ​ທີ່​ອື່ນໆ ຕາມ​ການ​ມອບ​ໝາຍ​ຂອງ​ຫົວໜ້າ​ພະ​ແນ​ກ.

3. ຂອບ​ເຂດ​ສິດ ຫ້ອງການ​ບໍລິຫານ ພະ​ແນ​ກ:

  1. ຮ່າງ​ມະຕິ​ຕົກລົງ, ຂໍ້​ຕົນ​ລົງ, ຄໍາ​ສັ່ງ​ແນະ​ນໍາ ​ແລະ ​ແຈ້ງ​ການ ທີ່​ພົວພັນ​ເຖິງ​ວຽກ​ງານ​ຊີ້​ນໍາ-ນໍາພາ ຂອງ​ຄະນະ​ພັກ, ຄະນະ​ພະ​ແນ​ກຖະ​ແຫຼ​ງຂ່າວ, ວັດທະນະ​ທໍາ ​ແລະ ທ່ອງ​ທ່ຽວ.
  2. ອອກ​ຄໍາ​ສັ່ງ​ແນະ​ນໍາ, ​ແຈ້ງ​ການ, ໜັງສື​ສະ​ເໜີ ​ແລະ ຢັ້ງຢືນ​ເອກະສານ​ຕ່າງໆ ຕໍ່​ບັນດາ​ຂະ​ແໜງ​ການ, ອົງການ​ຈັດ​ຕັ້ງ​ທີ່​ຂື້ນ​ກັບ​ພະ​ແນ​ກ, ຫ້ອງການ ຖວທ ​ເມືອງ ​ແລະ ອົງການ​ຈັດ​ຕັ້ງ​ທີ່​ກ່ຽວຂ້ອງ ຕາມ​ພາລະ​ບົດບາດ ​ແລະ ການ​ມອບ​ໝາຍ​ຈາກ​ຂັ້ນ​ເທິງ.
  3. ​ເຊັນ​ເອກະສານ​ຕ່າງໆ ຕາມ​ຂອບ​ເຂດ​ສິດ​ຂອງ​ຫ້ອງການ ທີ່​ພົວພັນ​ເຖິງ​ວຽກ​ງານ​ທາງ​ລັດຖະການ.
  4. ຮຽກ​ໂຮມ​ບັນດາ​ຂະ​ແໜງ​ການ, ກອງ​ວິຊາ​ການ ​ແລະ ຫ້ອງການ ຖວທ ​ເມືອງ ​ເຂົ້າ​ຮ່ວມ​ກອງ​ປະຊຸມ ຕາມ​ການ​ມອບ​ໝາຍ​ຂອງ​ຫົວໜ້າ​ພະ​ແນ​ກ ຫຼື ຜູ້​ປະ​ຈໍາ​ການ​.
  5. ຊຸກຍູ, ຕິດຕາມ, ກວດກາ ການ​ປະຕິບັດ​ແຜນການ​ຂອງ​ພະ​ແນ​ກ, ຂອງ​ຂະ​ແໜງ​ການ, ຫ້ອງການ ຖວທ ປະ​ຈໍາ​ເມືອງ ​ໃນ​ການ​ນໍາ​ໃຊ້​ງົບປະມານ, ການ​ນໍາ​ໃຊ້​ວັດຖຸ​ອຸປະກອນ ​ແລະ ພາຫະນະ​ຮັບ​ໃຊ້ ຕາມ​ການ​ຊີ້​ນໍາ​ຂອງ​ຫົວໜ້າ​ພະ​ແນ​ກ.
  6. ​ເຂົ້າ​ຮ່ວມ​ຮັບ​ຟັງ ​ແລະ ບັນທຶກ​ກອງ​ປະຊຸມ​ຂອງ​ພະ​ແນ​ກ ( ຍົກ​ເວັ້ນກອງ​ປະຊຸມ​ຂອງ​ຄະນະ​ພະ​ແນ​ກ ທີ່​ມີ​ວຽກ​ງານ​ຕ່າງຫາກ)
  7. ປະກອບ​ຄໍາ​ຄິດ​ເຫັນ​ຕໍ່​ວຽກ​ງານ​ຂອງ​ຕົນ ຮັບຜິດຊອບ​ຕໍ່ຄະນະ​ພະ​ແນ​ກ ​ແລະ ການຈັດ​ຕັ້ງ​ອື່ນໆ.
  8. ມີ​ສິດ​ຕິດຕາມ, ​ກວດກາ ການ​ນໍາ​ໃຊ້​ງົບປະມານ ( ລາຍ​ຮັບ-ລາຍ​ຈ່າຍ), ການ​ລົງທຶນ​ຂອງ​ລັດ-​ເອກະ​ຊົນ​ພາຍ​ໃນ ​ແລະ ຕ່າງປະ​ເທດ, ການ​ນໍາ​ໃຊ້​ລາຍ​ຮັບ​ວິຊາ​ການ​ຂອງ​ບັນາ​ຂະ​ແໜງ​ການ ​ໃນ​ແຕ່ລະ​ໄລຍະ ​ໃຫ້​ສອດຄ່ອງ​ກັບ​ລະບຽບ​ກົດໝາຍ.

4. ໂຄງ​ປະກອບ ​ແລະ ການຈັດ​ຕັ້ງ ຫ້ອງການ​ບໍລິຫານ​ພະ​ແນ​ກ:

         ຫ້ອງການ​ບໍລິຫານ​ພະ​ແນ​ກ ຖວທ ​ແຂວງ ປະກອບ​ດ້ວຍ ຫົວໜ້າ​ຫ້ອງການ​ບໍລິຫານ, ຮອງ​ຫົວໜ້າ​ຫ້ອງການ​ບໍລິຫານ, ຫົວໜ້າ​ໜ່ວຍ​ງານ, ຮອງ​ຫົວໜ້າ​ໜ່ວຍ​ງານ ​ແລະ ພະ​ນັກ​ງານ​ວິຊາ​ການ, ​ເຊິ່ງມີ 2 ໜ່ວຍ​ງານ​ຫຼັກ​ຄື: ໜ່ວຍ​ງານ​ຄົ້ນ​ຄ້ວາ-ສັງ​ລວມ ​ແລະ ​ເລຂາ ​ແລະ ໜ່ວຍ​ງານ​ແຜນການ-ການ​ເງິນ.

  1. ຫົວໜ້າ​ຂະ​ແໜງ ​ແລະ ຮອງ​ຫົວໜ້າ​ຂະ​ແໜງ ​ເຊິ່ງ​ໄດ້​ຮັບ​ການ​ແຕ່ງ​ຕັ້ງ ຫຼື ​ປົດຕໍາ​ແໜ່​ງຈາກ​ທ່ານ​ເຈົ້າ​ແຂວງ ຕາມ​ການສະ​ເໜີ​ຂອງ​ຫົວໜ້າ​ພະ​ແນ​ກ.
  2. ຫົວໜ້າ​ຂະ​ແໜງ​ມີ​ຄວາມ​ຮັບຜິດຊອບ​ໂດຍ​ກົງ ຕໍ່​ຫົວໜ້າ​ພະ​ແນ​ກ ຖະ​ແຫຼ​ງຂ່າວ, ວັດທະນະ​ທໍາ ​ແລະ ທ່ອງ​ທ່ຽວ ກ່ຽວ​ກັບ​ຜົນ​ສໍາ​ເລັດ, ຂໍ້​ຂາດ​ຕົກ​ບົກ​ຜ່ອງ​ຂອງ​ວຽກ​ງານ, ​ໃນ​ກໍລະນີ​ຕິ​ຂັດ ຫຼື ​ໄປ​ວຽກ​ທາງ​ໄກ ​ແມ່ນ​ມອບ​ສິດ​ໃຫ້​ຜູ້​ຮອງ​ຮັກສາ​ການ​ແທນ.
  3. ຮອງ​ຫົວໜ້າ​ຫ້ອງການ ຕ້ອງ​ຊ່ວຍ​ຫົວໜ້າ​ຫ້ອງການ ​ໃນ​ການ​ຊີ້​ນໍາ-ນໍາພາ, ຄຸ້ມ​ຄອງ​ການ​ເຄື່ອນ​ໄຫວ​ວຽກ​ງານ​ຕ່າງໆ ຂອງ​ຂະ​ແໜງ​ບໍລິຫານ ​ແລະ ມີ​ຄວາມ​ຮັບຜິດຊອບ​ໂດຍ​ກົງ ຕໍ່​ຜົນ​ສໍາ​ເລັດ, ຂໍ້​ຂາດ​ຕົກ​ບົກ​ຜ່ອງ​ໃນ​ໜ້າ​ທີ່​ວຽກ​ງານ​ຄວາມ​ຮັບຜິດຊອບ​ຂອງ​ຕົນ.
  4. ຂະ​ແໜງ​ບໍລິຫານ​ຍັງ​ມີ​ຫົວໜ້າ​ໜ່ວຍ​ງານ, ຮອງ​ຫົວໜ້າ​ໜ່ວຍ​ງານ ​ແລະ ພະນັກງານ​ວິຊາ​ການ ​ເປັນ​ເສນາ​ທິການ ​ໃນ​ການຈັດ​ຕັ້ງ​ປະຕິບັດ​ໜ້າ​ທີ່​ວຽກ​ງານ ຕາມ​ການ​ມອບ​ໝາຍ​ຂອງ​ຫົວໜ້າ​ຂະ​ແໜງ ​ແລະ ມີ​ຄວາມ​ຮັບຜິດຊອບ​ໂດຍ​ກົງ ຕໍ່​ຫົວໜ້າ​ຂະ​ແໜງ​ ​ແລະ ຕໍ່ໜ້າ​ກົດໝາຍ ​ໃນ​ການຈັດ​ຕັ້ງ​ປະຕິບັດ​ພາລະ​ບົດບາດ​ຂອງ​ຕົນ​.

ລາຍ​ຊື່​ພະ​ນັກ​ງານ-ລັດຖະກອນ ​​ຫ້ອງການ​ບໍລິຫານ ຂອງ​ພະ​ແນ​ກ:

ລ/ດ

ຊື່ ​ແລະ ນາມສະກຸນ

ໜ້າ​ທີ່​ຮັບຜິດຊອບ

ທີ່ຢູ່ Email ​ແລະ ​ເບີ​​ໂທລະສັບ

1

ທ່ານ ສົມພອນ ສີລາສັກ

ຫົວໜ້າຫ້ອງການ

Mobile: 030 532 8530

2

ທ່ານ ສີນວນໄຫຼມົນຕີ

ຮອງຫົວໜ້າຫ້ອງການ

Mobile: 020 5506 6216

3

ທ່ານ ນ. ສຸກສາຄອນ ຄຸນສົມບັດ

ຮອງໜ່ວຍງານ ຮັບຜິຊອບຄົງເງິນ

 

4

ທ່ານ ນ. ອອງດາວແກ້ວ​​ໂຍທິ

ວິຊາການ

 

5

ທ່ານ ສັນຕິສຸກ ຂໍາມະວົງ

ວິຊາການ

 

6

ທ່ານ ນ. ຈັນສະໝອນແກ້ວ​​ໂຍທີນ

ວິຊາການຮັບຜິດຊອບວຽກງານຂາເຂົ້າ-ຂາອອກ

 

7

ທ່ານ ນ. ຂຸນຕາ ບຸດດາວອນ

ວິຊາການ

 
ສ້າງຂື້ນໃນ ປີ 2017. ສະຫງວນລິຂະສິດໂດຍ: ພະແນກຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງເຊກອງ, ຕັ້ງຢູ່ບ້ານ ໂນນ​ມີ​ໄຊ, ເມືອງ ລະມາມ, ແຂວງ ເຊກອງ, ໂທຣ:(+856)038 211024, ແຟກ:(+856)038 211024, ມືຖື: 020 55121635
Powered by Joomla 1.7 Templates