ຍີນດີຕ້ອນຮັບເຂົ້າສູ່ເວັບໄຊພະ​ແນກ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງ​ເຊກອງ

ອັນຕະລາຍຈາກການໃຊ້ມືຖືໃນທີ່ມືດເປັນເວລາດົນໆ

ອັນຕະລາຍຈາກການໃຊ້ມືຖືໃນທີ່ມືດເປັນເວລາດົນໆ

          ເມື່ອເຮົາພິມຂໍ້ຄວາມ, ຕ້ອງເລື່ອນເບິ່ງພາບໄປຕະຫຼອດເວລາ ລວມທັງເວລາກ່ອນນອນຢູ່ເທິງຕຽງ ເຮັດໃຫ້ພາບການຫຼິ້ນມືຖືໃນຫ້ອງນອນເປັນພາບທີ່ລຶ້ງຕາ ແຕ່ຖ້າຫາກເຮົາຂີ້ຄ້ານເຖິງຈະປິດໄຟແລ້ວກໍຍັງຄົງນອນຫຼິ້ນມືຖືຢູ່ຕໍ່ໄປອີກ ໃຊ້ເວລາດົນໄປ ແລະ ຫຼິ້ນໄປເລື້ອຍໆ ມັນອາດຈະສົ່ງຜົນເສຍຫາຍຢ່າງໃຫຍ່ຫຼວງຕໍ່ສຸຂະພາບຕາຂອງເຮົາເປັນຕົ້ນວ່າ:

istock 000070876945 medium

 

 

 

  1. ສ່ຽງຕໍ່ອາການແສບຕາ, ຕາແຫ້ງ, ນໍ້າຕາໄຫຼອອກມາເອງ.
  2. ປວດກະບອກຕາ, ເຈັບຫົວ.
  3. ສາຍຕາເລີ່ມບໍ່ຊັດເຈນຟາງມົວ ຫຼື ເຮັດໃຫ້ສາຍຕາສັ້ນຢ່າງໄວວາ.
  4. ມີໂອກາດເປັນໂລກຕໍ້ຫີນ.
  5. ເສັ້ນປະສາດຕາຖືກທໍາລາຍຈາກການເບິ່ງເຫັນຟາງມົວຫຼາຍຂຶ້ນ.
  6. ອາດມີຄວາມສ່ຽງທີ່ຈະຕາບອດໄດ້.

6516550-Young-business-woman-with-headache-and-tired-closed-eyes-sitting-at-computer-in-workplace-Stock-Photo

13166105 270992653245792 4454807591774783091 n

 

 

aHR0cHM6Ly9zLmlzYW5vb2suY29tL2hlLzAvdWQvMS82OTQxL3JlZC1leWUuanBn

 

ວິທີຫຼີລ້ຽງຈາກອັນຕະລາຍຂອງການໃຊ້ສະມາດໂຟນ ( ໂທລະສັບມືຖື ) ໃນທີ່ມືດເປັນເວລາດົນ

 

  1. ນອນຫຼັບພັກຜ່ອນໃຫ້ພຽງພໍ 6-8 ຊົ່ວໂມງ.
  2. ດື່ມນໍ້າຫຼາຍໆ ເພື່ອເພີ່ມຄວາມຊຸ່ມຊື່ນໃນຕາ ຫຼື ຫາກທ່ານໃດຕາແຫ້ງ ຫຼື ໃສ່ຄັອນແທັກເລນ ຄວນໃຊ້ນໍ້າຕາທຽມເມື່ອມີອາການຕາແຫ້ງ.
  3. ຄວນເປີດໄຟໃນຫ້ອງໃຫ້ມີແສງສະຫວ່າງພຽງພໍ.
  4. ບໍ່ຄວນນອນຫງາຍຫຼິ້ນສະມາດໂຟນ ເພາະໜ້າຈໍຈະບໍ່ໄດ້ຮັບແສງສະຫວ່າງຈາກດອກໄຟເທິງເຟດານ.
  5. ບໍ່ຄວນເບິ່ງໜ້າຈໍໂທລະສັບດົນຈົນເກີນໄປ ຄວນໄດ້ພັກສາຍຕາທຸກໆ 20-30 ນາທີ.

 

ດວງຕາຂອງເຮົາມີພຽງແຕ່ຄູ່ດຽວ ສະນັ້ນຢ່າໃຊ້ງານໜັກຈົນລືມໃຫ້ຄວາມສໍາຄັນແກ່ດວງຕາຂອງເຮົາ ເພາະຫາກວ່າດວງຕາມີບັນຫາຂຶ້ນມາ ເຮົາຈະຕ້ອງມານັ່ງເສຍໃຈວ່າເປັນຫຍັງຕອນນັ້ນເຮົາຮູ້ເຖິງຄວາມອັນຕະລາຍ ແລະ ມີວິທີປ້ອງກັນຖະນຸຖະໜອມຕ່າງໆນາ ແຕ່ເຮົາຫາກບໍ່ໃສ່ໃຈ ແລ້ວກັບມາຄິດເສຍດາຍ ແລະ ຢາກຢ້ອນກັບໄປແກ້ໄຂ ເຖິງຕອນນັ້ນມັນກໍອາດຈະສາຍເກີນໄປແລ້ວກໍອາດຈະເປັນໄດ້.

ຮຽບຮຽງໂດຍ : ນາລີວັນ

 

 

 

 

 

 

 

ສ້າງຂື້ນໃນ ປີ 2017. ສະຫງວນລິຂະສິດໂດຍ: ພະແນກຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງເຊກອງ, ຕັ້ງຢູ່ບ້ານ ໂນນ​ມີ​ໄຊ, ເມືອງ ລະມາມ, ແຂວງ ເຊກອງ, ໂທຣ:(+856)038 211024, ແຟກ:(+856)038 211024, ມືຖື: 020 55121635
Powered by Joomla 1.7 Templates