ຍີນດີຕ້ອນຮັບເຂົ້າສູ່ເວັບໄຊພະ​ແນກ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງ​ເຊກອງ

5 ວິທີປ້ອງກັນໂລກຮ້າຍຈາກເຕັກໂນໂລຊີຢ່າງໄດ້ຜົນ

 

5 ວິທີປ້ອງກັນໂລກຮ້າຍຈາກເຕັກໂນໂລຊີຢ່າງໄດ້ຜົນ

 

1. ໃສ່ແວ່ນຕາກັນແສງໜ້າຄັອມ.

ການໃສ່ແວ່ນຕາກັນແສງໜ້າຄັອມ ໃນຂະນະໃຊ້ງານຄັອມພິວເຕີ້ ຫຼື ຫຼິ້ນໂທລະສັບ ຈະຊ່ວຍປ້ອງກັນບໍ່ໃຫ້ດວງຕາສຳພັດກັບ ແສງສີຟ້າຈາກໜ້າຈໍໂດຍກົງ  ເຊິ່ງກໍຈະຊ່ວຍຫຼຸດຄວາມສ່ຽງຂອງໂລກຮ້າຍຕ່າງໆກ່ຽວກັບດວງຕາໄດ້ດີເຊັ່ນ: ຈໍປະສາດຕາເສື່ອມ, ຕາຈໍ້, ການລະຄາຍເຄື່ອງຕາ ແລະ ປ້ອງກັນອາການປວດຫົວຢ່າງຮຸນແຮງໄດ້ອີກດ້ວຍ.

2. ພັກສາຍຕາທຸກ 2 ຊົ່ວໂມງ.

ຫຼາຍຄົນຈຳເປັນຕ້ອງເຮັດວຽກໂດຍເບິ່ງໜ້າຈໍຄັອມເປັນເວລາດົນໆ ດັ່ງນັ້ນເພື່ອຖະໜອມສາຍຕາ ແລະ ປ້ອງກັນຄວາມສ່ຽງ ໂລກຮ້າຍຕ່າງໆ ຄວນພັກຕາທຸກໆ 2 ຊົ່ວໂມງ ຄັ້ງລະ 15 ນາທີ ເຊິ່ງອາດເປັນການຫຼັບຕາຈັກບຶດ ຫຼື ເບິ່ງອອກໄປໄກໆ ບ່ອນຈຸດທີ່ມີ ຕົ້ນໄມ້ທຳມະຊາດສີຂຽວ ກໍຈະເຮັດໃຫ້ຮູ້ສຶດຜ່ອນຄາຍ ແລະ ສະບາຍຕາຫຼາຍຂຶ້ນ ເທົ່ານີ້ກໍບໍ່ເປັນການທຳຮ້າຍຕາຫຼາຍເກີນໄປແລ້ວ.

3. ຢ່າເປີດເພງດັງເກີນໄປ.

ດ້ວຍເຕັກໂນໂລຊີທີ່ຜະລິດຫູຟັງຂຶ້ນມາ ເຮັດໃຫ້ຄົນເຮົາສາມາດຟັງເພງໄດ້ໂດຍບໍ່ລົບກວນຄົນອ້ອມຂ້າງ ເຮັດໃຫ້ຄົນສ່ວນໃຫຍ່ ມັກຈະເປີດເພງສຽງດັງ ເຊິ່ງກະທົບຕໍ່ປະສາດການໄດ້ຍິນຫຼາຍເລີຍ ຜົນທີ່ຕາມມາກໍຄືຫູອື້, ແກ້ວຫູແຕກ ແລະ ອາດຫູໜວກໄດ້ໃນທີ່ ສຸດ ສະນັ້ນຄວນເປີດເພງໃຫ້ຢູ່ໃນລະດັບຄວາມດັງທີ່ເໝາະສົມ.

4.ໃຊ້ທີ່ຮອງແຂນ

ການພິມເອກະສານ ເມື່ອແຂນຕ້ອງວາງຢູ່ເທິງໂຕະແຂງໆເປັນເວລາດົນຢ່າງຕໍ່ເນື່ອງ ຈະເຮັດໃຫ້ເກີດອາການເຈັບປວດເມື່ອຍລ້າ ໄດ້ ເຊິ່ງອາດຈະນຳມາເຊິ່ງໂລກຮ້າຍຕ່າງໆໄດ້ເລີຍ ດັ່ງນັ້ນຈຶ່ງຄວນຊອກອັນຮອງແຂນນຸ້ມໆມາຮອງແຂນໃນຂະນະພິມ ຫຼື ໃຊ້ງານຄອມ ພິວເຕີ ຈະຊ່ວຍໃຫ້ຮູ້ສຶກສະບາຍຂຶ້ນ ແລະ ຫຼຸດອາການປວດເມື່ອຍໄດ້.

  1. ປັບຕັ່ງໃຫ້ມີຄວາມສູງພໍເໝາະ.  ຕັ່ງທີ່ສູງຫຼືຕ່ຳເກີນໄປຈະເຮັດໃຫ້ເກີດອາການປວດເມື່ອຍຫຼັງ, ບ່າໄຫຼ່ ແລະ ປວດຄໍ ເມື່ອຕ້ອງ ນັ່ງເປັນເວລາດົນ ດັ່ງນັ້ນຈຶ່ງຄວນປັບຕັ່ງໃຫ້ມີຄວາມສູງໃນລະດັບທີ່ເໝາະສົມ ຄືສາມາດຕັ້ງແຂນພິມແຍກໄດ້ພໍດີ ແລະ ໜ້າຈໍ ຢູ່ໃນລະດັບສາຍຕາ ເທົ່ານີ້ກໍ່ບອກລາອາການປວດເມື່ອຍໄດ້ແລ້ວ.

ຮຽບຮຽງໂດຍ: ນາລີວັນ

ສ້າງຂື້ນໃນ ປີ 2017. ສະຫງວນລິຂະສິດໂດຍ: ພະແນກຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງເຊກອງ, ຕັ້ງຢູ່ບ້ານ ໂນນ​ມີ​ໄຊ, ເມືອງ ລະມາມ, ແຂວງ ເຊກອງ, ໂທຣ:(+856)038 211024, ແຟກ:(+856)038 211024, ມືຖື: 020 55121635
Powered by Joomla 1.7 Templates