ຍີນດີຕ້ອນຮັບເຂົ້າສູ່ເວັບໄຊພະ​ແນກ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງ​ເຊກອງ

ໜ່ວຍຊ່າວໜຸ່ມ ວັດທະນະທຳສັງຄົມເມືອງກະລຶມສະຫຼຸບຕີລາຄາການຈັດຕັ້ງປະຕິບັດວຽກງານປີ 2016-2017

39

#ຂ່າວ: ທ ອັດ​ສະ​ວິນ ແສງ​ສີ​ຈັນ 02099596448

      (ເມືອງ​ກະ​ລຶມ) ກອງ​ປະ​ຊຸມສະຫຼຸບຕີລາຄາການຈັດຕັ້ງປະຕິບັດວຽກງານ​ຂອງ​ໜ່ວຍ​ຊາວ​ໜຸ່ມ​ວັດ​ທະ​ນະ​ທຳ​ສັງ​ຄົມ​ເມືອງ​ກະ​ລຶມ ປະ​ຈຳ​ສົກປີ 2016-2017 ໄດ້​ມີ​ຂື້ນ​ຢ່າງ​ເປັນ​ທາງ​ການ ໃນ​ວັນ​ທີ 23 ມັງ​ກອນ ຜ່ານມານີ້ ຢູ່​ທີ່​ຫ້ອງ​ປະ​ຊຸມ​ຫ້ອງ​ການ​ຖະ​ແຫຼງ​ຂ່າວ ວັດ​ທະ​ນະ​ທຳ ແລະ ທ່ອງ​ທ່ຽວ​ເມືອງ ພາຍ​ໃຕ້​ການ​ເປັນ​ປະ​ທານ​ຂອງ ທ່ານ ວິ​ໄລ​ສັກ ສາຍ​ເຊກອງ ຮອງ​ເລ​ຂາ​ໜ່ວຍ​ພັກ​ວັດ​ທະ​ນະ​ທຳ​ສັງ​ຄົມ​ເມືອງ ຫົວ​ໜ້າ​ອົງ​ການ​ກາ​ແດງ​ປະ​ຈຳ​ເມືອງ ພ້ອມ​ດ້ວຍ​ຄະ​ນະ​ໜ່ວຍ​ ແລະ ສະ​ມາ​ຊິກ​ຊາວ​ໜຸ່ມ​ພາຍ​ໃນ​ໜ່ວຍ​ເຂົ້າ​ຮ່ວມ​ຢ່າງ​ພ້ອມ​ພຽງ.

 

      ທ່ານ ເກັ່ງ​ສາ ສາຍ​ສະ​ຫວາດ ເລ​ຂາ​ໜ່ວຍ​ຊາວ​ໜຸ່ມ​ວັດ​ທະ​ນະ​ສັງ​ຄົມ​ເມືອງ​ກະລືມລາຍ​ງານ​ໃຫ້​ຮູ້​ວ່າ: ໜ່ວຍ​ຊາວ​ໜຸ່ມ​ວັດ​ທະ​ນະ​ທຳ​ສັງ​ຄົມ​ເປັນ​ໜ່ວຍ​ເອ​ກະ​ລາດ​ໜຶ່ງ​ທີ່​​ມີ 4 ຫ້ອງ​ການ​ຂຶ້ນ​ກັບ​ຄື: ຫ້ອງ​ການ​ແຮງ​ງານ ແລະສະ​ຫວັດ​ດີ​ການ​ສັງ​ຄົມ, ຫ້ອງ​ການ​ຖະ​ແຫຼງ​ຂ່າວ ວັດ ທະ​ນະ​ທຳ ແລະທ່ອງ​ທ່ຽວ, ຫ້ອງ​ການ​ສົ່ງ​ເສີມຄວາມກ້າວໜ້າຂອງແມ່ຍິງ ແລະເດັກນ້ອຍ, ຫ້ອງ​ການ​ກາ​ແດງ ເຊີ່ງມີ​ສະ​ມາ​ຊິກ​ຊາວ ໜຸ່ມ​ທັງ​ໝົດ 21 ສະ​ຫາຍ,ຍິງ 10 ສະ​ຫາຍ ​ຕະຫຼອດ​ໄລ​ຍະ 2 ປີ​ຜ່ານ​ມາ​ຄະ​ນະ​ໜ່ວຍ​ຊາວ​ໜຸ່ມ​ແມ່ນໄດ້​ຖືສໍາຄັນ​​ວຽກ​ງານ​​ສຶກ​ສາ​ອົບ​ຮົມ ການ​ເມືອງ​ແນວ​ຄິດ​ໃຫ້ແກ່ຖັນແຖວສາມະຊິກຊາວໜຸ່ມເປັນ​ວຽກ​ງານ​ຫຼັກ ໂດຍຕິດພັນກັບ​ການ​ເຊື່ອມ​ຊຶມ​ບັນ​ດາ​ເອ​ກະ​ສານ​ຕ່າງໆ​ທີ່​ສຳ​ຄັນ ໃຫ້​ສະ​ມາ​ຊິກ​ຊາວ​ໜຸ່ມ​ພາຍ​ໃນ​ໜ່ວຍ​ຮັບ​ຮູ້ເຂົ້າ​ໃຈຢ່າງເລິກເຊີ່ງຕໍ່​ແນວ​ທາງ​ນະ​ໂຍ​ບາຍ​ຂອງ​ພັກ,ລະ​ບຽບ​ກົດ​ໝາຍ​ຂອງ​ລັດ​​ຢ່າງ​ຈະ​ແຈ້ງ ບວກ​ກັບ​ສະ​ມາ​ຊິກ​ຊາວ​ໜຸ່ມ​ທີ່​ມີ​ຄວາມ​​ສາ​ມັກ​ຄີ​ຢ່າງຫ້າວ​ຫັນ​ ພ້ອມ​ກັນຕັ້ງໜ້າຝຶກຝົນຫຼໍ່ຫຼອມຕົນເອງໃຫ້ກາຍເປັນສາມະຊິກທີ່ ມີຄຸນທາດການເມືອງໜັກແໜ້ນ, ເຂັ້ມແຂງ ສະ​ແດງ​ອອກ​ໄລ​ຍະ​ຜ່ານ​ມາ​ມີ​ສະ​ມາ​ຊິກ​ຊາວ​ໜຸ່ມ​ທີ່​ມີຄວາມຫ້າວຫັນໃນການປະຕິບັດໜ້າ ທີ່ວຽກງານຈົນສາມາດຮັບຮອງ​​ເຂົ້າເປັນ​ສະ​ມາຊິກ​ພັກ​ໄດ້ 7ສະ​ຫາຍ,ຍິງ 1 ສະ​ຫາຍ ພ້ອມ​ກັນ​ນັ້ນ​ຍັງ​​ເປັນ​ເຈົ້າ​ການປະຕິບັດທຸກມະຕິຄຳ ສັ່ງທີ່ຂັ້ນເທິງວາງອອກ​ເຮັດ​ສຳ​ເລັດ​ທຸກ​ໜ້າ​ທີ່​ຕາມ​ການມອບ​ໝາຍ​ໂດຍ​ສະ​ເພາະ​ການ​ຈັດ​ຕັ້ງ​ປະ​ຕິ​ບັດ​ວຽກ​ງານຂໍ້​ແຂ່ງ​ຂັນ 4 ບຸກ ຊຶ້ງ​ສາ​ມາດປະ​ກາດ​ຮັບ​ຮອງ​ເປັນ​ໜ່ວຍ​ຊາວ​ໜຸ່ມ 4 ບຸກ​ໄດ້​ຢ່າງ​ເປັນ​ທາງ​ການ​ໃນ​ວັນ​ທີ 17 ຕຸ​ລາ 2017 ແລະ ມີ​ສະ​ມາ​ຊິກ​ຊາວ​ໝຸ່ມ​ໄດ້​ຮັບ​ໃບ​ຍ້ອງ​ຍໍ​ຂໍ້​ແຂ່ງ​ຂັນ 4 ບຸກ ຈໍານວນ 10 ສະ​ຫາຍ,ຍິງ 3 ສະ​ຫາຍ,ໃບ​ຊົມ​ເຊີຍ 10 ສະ​ຫາຍ,ຍິງ 7 ສະ​ຫາຍ.40

      ໃນ​ຕອນ​ທ້າຍ​ຂອງພິ​ທີ​ດັງ​ກ່າວ​ຍັງ​ໄດ້​ຮັບ​ຟັງ​ການ​ໂອ້​ລົມຈາກ ທ່ານ ວິ​ໄລ​ສັກ ສາຍ​ເຊກອງ ຮອງ​ເລ​ຂາ​ໜ່ວຍ​ພັກ​ວັດ​ທະ​ນະ​ທຳ​ສັງ​ຄົມ ຫົວ​ໜ້າ​ອົງ​ການ​ກາ​ແດງ​ເມືອງກະລືມ ກ່ອນ​ອື່ນ​ ທ່ານ​ໄດ້​ສະແດງຄວາມຍ້ອງ​ຍໍ​ຊົມ​ເຊີຍ​ຕໍ່​ຜົນ​ງານ​ດ້ານຕ່າງໆທີ່​​ຍາດ​ມາ​ໄດ້ໃນໄລຍະຜ່ານມາ ແລະ ທັງເນັ້ນ​ໃຫ້​​ເອົາ​ໃຈ​ໃສ່​ຈັດ​ຕັ້ງ​​ປະ​ຕິ​ບັດວຽກ​ງານ​ຕື່ມ​ອີກຫຼາຍ​ດ້ານ ເປັນ​ຕົ້ນ​​​ແມ່ນ​ກໍ່​ສ້າງປັບ​ປຸງ​ຕົນ​ເອງ​ໃຫ້ມີຄຸນສົມບັດສິນທໍາປະຕິບັດທີ່ດີໃຫ້​ມີ​ມາດ​ຖານ​ເງື່ອນ​ໄຂສາ​ມາດ​ຮັບ​ຮອງ​ເຂົ້າ​ເປັນ​ສະ​ມາ​ຊິກ​ພັກໄດ້​ໃນ​ຕໍ່​ໜ້າ​ ປະ​ຕິ​ບັດ​ຕາມລະ​ບຽບ​​ຂອງ​ພັກ​​ວາງ​ອອກຢ່າງ​ເຂັ້ມ​ງວດ,ເອົາ​ໃຈ​ໃສ່​ສ້າງ​ຕັ້ງ​ກອງ​ທຶນ​ພາຍ​ໃນ​ໜ່ວຍ​​ໃຫ້​ສະ​ມາ​ຊິກ​ກູ້​ຍືມ​ຍາມ​ຂັດ​ສົນ ແລະ ວາງແຜນ​ຂໍ້ກຳ​ນົດ​​ນະ​ໂຍ​ບາຍ​ເງິນອຸດ​ໜູນຕ່າງໆຢ່າງ​ລະ​ອຽດ ເພື່ອ​ເຮັດ​ໃຫ້​ໜ່ວຍ​ຊາວ​ໜຸ່ມ​ວັດ​ທະ​ນະ​ທຳ​ສັງ​ຄົມ​​ພວກ​ເຮົານັບ​ມື້​ເຂັ້ມ​ແຂງ​ຂື້ນກວ່າ​ເກົ່າໃນຕໍ່ໜ້າ.

ສ້າງຂື້ນໃນ ປີ 2017. ສະຫງວນລິຂະສິດໂດຍ: ພະແນກຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງເຊກອງ, ຕັ້ງຢູ່ບ້ານ ໂນນ​ມີ​ໄຊ, ເມືອງ ລະມາມ, ແຂວງ ເຊກອງ, ໂທຣ:(+856)038 211024, ແຟກ:(+856)038 211024, ມືຖື: 020 55121635
Powered by Joomla 1.7 Templates