ຍີນດີຕ້ອນຮັບເຂົ້າສູ່ເວັບໄຊພະ​ແນກ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງ​ເຊກອງ

ລະມາມ ປະຖະກະຖາວັນຕ້ານການສໍ້ລາດບັງຫຼວງສາກົນ ຄົບຮອບ 14 ປີ

36

#ຂ່າວ: ດາວສະຫວັນ ໄຊລາສອນ

ຕອນບ່າຍຂອງວັນທີ 17 ມັງກອນ 2018 ນີ້, ເມືອງລະມາມ ໄດ້ຈັດພິທີປະຖະກະຖາວັນຕ້ານການສໍ້ລາດບັງຫຼວງສາກົນ ຄົບຮອບ 14 ປີ (ວັນທີ 9 ທັນວາ 2003-9 ທັນວາ 2017) ຂຶ້ນທີ່ສະໂມສອນ ຫ້ອງວ່າການປົກຄອງເມືອງດັ່ງກ່າວ ໂດຍໃຫ້ກຽດປະຖະກະຖາ ຂອງທ່ານ ປອ ແພງສີ ສີລາວີ ກຳມະການພັກແຂວງ ເລຂາພັກເມືອງ ເຈົ້າເມືອງ-ເມືອງລະມາມ, ມີບັນດາຫົວໜ້າ-ຮອງ ຫ້ອງການ, ຫົວໜ້າ-ຮອງ ໜ່ວຍງານ ພ້ອມດ້ວຍພະນັກງານວິຊາການເຂົ້າຮ່ວມຮັບຟັງ.

37

ໃນພິທີ, ທ່ານ ປອ ແພງສີ ສີລາວີ ໄດ້ຍົກໃຫ້ເຫັນເຖິງສະພາບລວມ ແລະປະຫວັດຄວາມເປັນມາຂອງວັນຕ້ານການສໍ້ລາດບັງ ຫຼວງສາກົນ, ການຈັດຕັ້ງປະຕິບັດການສະກັດກັ້ນ ແລະການຕ້ານສໍ້ລາດບັງຫຼວງຢູ່ ສປປ ລາວ ແລະວາງທິດທາງແຜນການໃນຕໍ່ໜ້າ. ການສໍ້ລາດບັງຫລວງແມ່ນສະພາບຫຍໍ້ທໍ້ໜຶ່ງໃນກົງຈັກການຈັດຕັ້ງ, ທັງເປັນໄພອັນຕະລາຍທີ່ຮ້າຍແຮງ ເຊິ່ງມັນສົ່ງຜົນກະທົບ ແລະກົດ ໜ່ວງຖ່ວງດຶງເຖິງການພັດທະນາເສດຖະກິດ-ສັງຄົມຂອງແຕ່ລະປະເທດໃນໂລກ ບໍ່ວ່າຈະເປັນປະເທດນ້ອຍ ຫຼືໃຫຍ່, ທຸກຍາກ ຫຼືຮັ່ງມີ ກໍລ້ວນແຕ່ມີຜົນກະທົບດ້ວຍກັນ, ການສໍ້ລາດບັງຫຼວງເປັນການຕັດຮອນເອົາລາຍໄດ້ຂອງຊາດ, ຂອງລວມໝູ່ກໍຄືຂອງພົນລະເມືອງ ດ້ວຍຫຼາຍຮູບຫຼາຍວິທີ, ສ້າງຄວາມເສຍຫາຍໃຫ້ແກ່ຊັບສິນເງິນຄຳຂອງລັດ, ການສໍ້ລາດບັງຫຼວງເປັນການສະແດງອອກຢ່າງເປີດແປນ ຂອງການຂາດຄຸນນະທຳ, ຂາດຈັນຍາບັນຂອງຜູ້ດໍາເນີນງານໃນສັງຄົມກໍ່ໃຫ້ເກີດມີກຸ່ມກ້ອນຮ່ວມຜົນປະໂຫຍດທາງເສດຖະກິດ, ການ ເມືອງ ແລະນໍາໄປສູ່ຄວາມບໍ່ເປັນເອກະພາບ, ເກີດມີຄວາມແຕກແຍກ ແລະອື່ນໆ. ຍ້ອນເຫັນຳໄດ້ຜົນຮ້າຍ ແລະໄພອັນຕະລາຍຈອງ ການສໍ້ລາດບັງຫຼວງຄືດັ່ງກ່າວ ປະຊາຄົມໂລກຈິງມີການຄົ້ນຄິດສ້າງຂອບເຂດ, ກຳນົດກົດໝາຍສາກົນ ເພື່ອເປັນບ່ອນອີງໃນການພົວພັນ ຮ່ວມມືລະຫວ່າງປະເທດຕ່າງໆນັບທັງຢູ່ໃນຂອບເຂດ, ພາກພື້ນ ແລະໃນໂລກ ເພື່ອພ້ອມກັນສະກັດກັ້ນແລະຕໍ່ສູ້ຢ່າງມີປະສິດທິພາບຕໍ່ ກັບການກະທຳທີ່ເປັນພຶດຕິກຳທີ່ເປັນການສໍ້ລາດບັງຫຼວງ. ດັ່ງນັ້ນກອງປະຊຸມໃຫຍ່ສະຫະປະຊາຊາດຈິງໄດ້ມີມະຕິເລກທີ 55/6 ລົງວັນ ທີ 14 ທັນວາ 2000 ໄດ້ກຳນົດຄວາມຈຳເປັນຕ້ອງມີກົດໝາຍສາກົນທີ່ມີຜົນສັກສິດໃນການສະກັດກັ້ນ ແລະຕ້ານການສໍ້ລາດບັງຫຼວງ ໃນໂລກ ຈາກນັ້ນສົນທິສັນຍາສະຫະປະຊາຊາດວ່າດ້ວຍການຕ້ານວ່າດ້ວຍການຕ້ານການສໍ້ລາດບັງຫຼວງໄດ້ຮັບຮອງເປັນເອກະສັນໃນ ວັນທີ 18 ທັນວາ 2002 ທີ່ນິວຢອກສະຫະລັດອາເມຣິກາ ແລະໄດ້ເປີດໃຫ້ບັນດາລັດພາຄີລົງນາມເຂົ້າເປັນສະມາຊິກໃນວັນທີ 9 ທັນວາ 2003 ທີ່ເມລິດາ ປະເທດເມັກຊິກໂກ, ສຳລັບ ສປປ ລາວໄດ້ລົງນາມສົນທິສັນຍາວ່າດ້ວຍການຕ້ານສໍ້ລາດບັງຫຼວງໃນວັນທີ 10 ທັນວາ 2003 ແລະໃຫ້ສັດຕະຍາບັນໃນວັນທີ 25 ກັນຍາ 2009 ຂະນະທີ່ກອງປະຊຸມສາມັດຊາໃຫຍ່ຂອງສະຫະປະຊາຊາດໃນປີ 2003 ໄດ້ອອກຍັດຕິ ສະບັບເລກທີ 58/4 ໂດຍກຳນົດເອົາວັນທີ9 ທັນວາ ຂອງທຸກໆປີເປັນວັນຕ້ານການສໍ້ລາດບັງຫຼວງສາກົນ.38

ທ່ານ ປອ ແພງສີ ສີລາວີ ກ່າວຕື່ມວ່າ: ການຈັດຕັ້ງປະຖະກະຖາຂຶ້ນໃນຄັ້ງນີ້, ກໍເພື່ອເປັນການເພີ່ມທະວີຄວາມຮັບ ຜິດຊອບຂອງພະນັກງານ-ລັດຖະກອນທົ່ວເມືອງລະມາມ ໃຫ້ມີຄວາມໜັກແໜ້ນເຂັ້ມແຂງ, ກຳແໜ້ນ, ເຊື່ອມຊຶມ, ເຂົ້າໃຈແຈ້ງຕໍ່ໄພ ອັນຕະລາຍທີ່ຮ້າຍແຮງຂອງການສໍ້ລາດບັງຫຼວງ ແລະທັງເປັນການທົບທວນຄືນການສ້າງຕັ້ງວັນຕ້ານການສໍ້ລາດບັງຫຼວງສາກົນ ຄ່ຽງຄູ່ ໄປກັນນັ້ນກໍ່ເພື່ອເຮັດໃຫ້ວຽກງານສະກັດກັ້ນ ແລະຕ້ານການສໍ້ລາດບັງຫຼວງໄດ້ກາຍເປັນໜ້າທີ່ ແລະຄວາມຮັບຜິດຊອບຂອງໝົດທຸກໆ ຄົນໃນສັງຄົມ ໂດຍຕິດພັນກັບການຕິດຕາມກວດກາແກ້ໄຂພຶດຕິກຳທີ່ເປັນການສໍ້ລາດບັງຫຼວງຮ່ວມກັນຢ່າງກ້ວາງຂວາງ, ເລິກເຊິ່ງ ເພື່ອ ເຮັດໃຫ້ປະກົດການສໍ້ລາດບັງຫຼວງໃຫ້ຫຼຸດໜ້ອຍຖ່ອຍລົງຈາກສັງຄົມເທື່ອລະກ້າວ.

ສ້າງຂື້ນໃນ ປີ 2017. ສະຫງວນລິຂະສິດໂດຍ: ພະແນກຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງເຊກອງ, ຕັ້ງຢູ່ບ້ານ ໂນນ​ມີ​ໄຊ, ເມືອງ ລະມາມ, ແຂວງ ເຊກອງ, ໂທຣ:(+856)038 211024, ແຟກ:(+856)038 211024, ມືຖື: 020 55121635
Powered by Joomla 1.7 Templates