ຍີນດີຕ້ອນຮັບເຂົ້າສູ່ເວັບໄຊພະ​ແນກ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງ​ເຊກອງ

ຫຼາຍພາກສ່ວນປະກອບທຶນ 70 ກ່ວາລ້ານກີບສະເຫຼີມສະຫຼອງ ເມືອງທ່າແຕງ ຄົບຮອບ 25 ປີ

29

#ຂ່າວ: ພອນ ບຸນອຸທິດ

ເພື່ອເປັນການປະກອບສ່ວນທືນຮອນເຂົ້າໃນງານສະເຫຼີມສະຫຼອງເມືອງວັນສ້າງຕັ້ງເມືອງ ທ່າແຕງ ຄົບຮອບ 25 ປີ ທີ່ຈະມາ ເຖິງໃນມໍ່ໆນີ້ ເມືອງທ່າແຕງ ແຂວງ ເຊກອງ ບັນດາການນໍາ, ພະແນກການອ້ອມຂ້າງແຂວງ-ເມືອງ, ບໍລິສັດ, ລັດວິສາຫະກິດ, ນິຕິບຸກຄົນ ໄດ້ນໍາເງິນມາມອບໃຫ້ເມືອງ ທ່າແຕງເພື່ອປະກອບສວ່ນສະເຫຼີມສະຫຼອງວັນສ້າງຕັ້ງເມືອງທ່າແຕງຄົບຮອບ 25 ປີ ເຊີ່ງພິທີ ດັ່ງກ່າວໄດ້ ຈັດຂຶ້ນໃນວັນທີ 22 ທັນວາ2017 ນີ້ ໃຫ້ກຽດກ່າວຮັບຂອງທ່ານ ຄຳສອນ ກອນເຍີ ກໍາມະການພັກແຂວງ ເລຂາ ພັກເມືອງ-ເຈົ້າເມືອງ-ເມືອງທ່າແຕງ ໂດຍການໃຫ້ກຽດເຂົ້າຮ່ວມຂອງທ່ານ ຖາວອນ ພົມມະໄລລຸນ ຄະນະປະຈໍາພັກແຂວງ ຮອງເຈົ້າ ແຂວງ ເຊກອງ ມີບັນດາ ບໍລິສັດ, ລັດວິສາຫະກິດ, ພະແນກການອ້ອມຂ້າງແຂວງ-ເມືອງ ແລະພາກສ່ວນກ່ຽວຂ້ອງເຂົ້າຮ່ວມ.

30

ທ່ານ ຈັນທະຖອມ ເວີວົງໂອບ ກໍາມະການພັກເມືອງ ຫົວໜ້າຫ້ອງການສະຫວັດດີການ ແລະສັງຄົມເມືອງທ່າແຕງຫົວໜ້າອະນຸ ເສດຖະກິດໄດ້ລາຍງານໃຫ້ຮູ້ວ່າ: ມາຮອດປະຈຸບັນການລະດົມທຶນນໍາບັນດາການນໍາ, ພະແນກການອ້ອມຂ້າງແຂວງ-ເມືອງ, ບໍລິສັດ, ລັດວິສາຫະກິດ, ນິຕິບຸກຄົນຕ່າງໆ ໄດ້ທັງໝົດ 71 ລ້ານ 2 ແສນກວ່າກີບ,ໃນນີ້ ພະແນກກະສິກໍາ ແລະປ່າໄມ້ແຂວງ 10 ລ້ານກີບ, ເມືອງລະມາມ 3 ລ້ານກີບ, ພະແນກອຸດສາຫະກໍາ ແລະການຄ້າ 6 ແສນກີບ, ກອງບັນຊາການທະຫານແຂວງ 5 ລ້ານກີບ, ກອງບັນຊາ ການປ້ອງກັນຄວາມສະຫງົບ 5 ລ້ານກີບ, ພະແນກສາທາລະນະສຸກ 1 ລ້ານ 5 ແສນກີບ, ອົງການໄອຍະການ 1 ລ້ານກີບ, ຊາວໜຸ່ມປະ ຊາຊົນປະຕິວັດລາວ 5 ແສນກີບ, ສະຫະພັນກໍາມະບານ 5 ແສນກີບ, ຄະນະໂຄສະນາອົບຮົມ 5 ແສນກີບ, ພະແນກເຕັກໂນໂລຊີ 1 ລ້ານກີບ, ພະແນກການຕ່າງປະເທດ 5 ແສນກີບ, ພະແນກຊັບພະຍາກອນທໍາມະຊາດ 1 ລ້ານກີບ, ພະແນແຜນການແລະການລົງທືນ 5 ລ້ານກີບ, ທະນາຄານພັດທະນາລາວ 2 ລ້ານກີບ, ທະນາຄານນະໂຍບາຍໜວ່ຍບໍລິການເມືອງລະມາມ 9 ແສນ 5 ສິບພັນກີບ, ທະ ນາຄານສົ່ງເສີມກະສິກໍາ 1 ລ້ານກີບ, ທະນາຄານການຄ້າຕ່າງປະເທດລາວມະຫາຊົນໜ່ວຍບໍລິການເມືອງທ່າແຕງ 2 ລ້ານກີບ, ບໍລິສັດ ລາວໂທລະຄົມ 1 ລ້ານກີບ, ບໍລິສັດບຸນຍົງກໍ່ສ້າງ 2 ລ້ານກີບ, ວິສາຫະກິດນໍ້າປະປາແຂວງ 3 ລ້ານກີບ, ບໍລິສັດມິດຕະພາບ 206 ເມືອງປາກຊ່ອງ 3 ລ້ານກີບ ແລະ ນິຕິບຸກຄົນມີ 21 ທ່ານປະກອບສ່ວນຈຳນວນ 18 ລ້ານ 2 ແສນກວ່າກີບ. ພ້ອມນີ້ ກໍ່ໄດ້ມອບໃບຍ້ອງ ຍໍ ແລະ ໃບກຽດຕິຄຸນໃຫ້ບັນດາຜູ້ປະກອບການ ໂດຍແມ່ນທ່ານ ຄໍາສອນ ກອນເຍີ ເຈົ້າເມືອງ-ເມືອງທ່າແຕງ ເປັນຜູ້ກກ່າວມອບຢ່າງ ສົມກຽດ.31

ໂອກາດນີ້ທ່ານ ຄໍາສອນ ກອນເຍີ ກໍາມະການພັກແຂວງ ເລຂາພັກເມືອງ ເຈົ້າເມືອງ-ເມືອງທ່າແຕງ ໄດ້ກ່າວສະແດງຍ້ອງຍໍຊົມ ເຊີຍມາຍັງການນໍາຂັ້ນແຂວງ, ພະແນກການອ້ອມຂ້າງແຂວງ-ເມືອງ, ບໍລິສັດ, ລັດວິສາຫະກິດ, ນິຕິບຸກຄົນຕ່າງໆທີ່ໄດ້ປະກອບສ່ວນ ດ້ານທືນຮອນໃນການຊວ່ຍເຫຼືອເມືອງທ່າແຕງຄັ້ງນີ້ເຊີ່ງເຫັນວ່າມີຄວາມໝາຍຄວາມສຳຄັນເປັນຢ່າງຍິ່ງ, ທີ່ໄດ້ປະກອບສ່ວນທຶນເຂົ້າໃນ ວຽກງານສະເຫຼີມສະຫຼອງເມືອງທ່າແຕງ ຄົບຮອບ 25 ປີ ທີ່ຈະເປີດຂື້ນຢ່າງເປັນທາງການໃນວັນທີ 8 ມັງກອນ 2018 ນີ້ ໂດຍຕິດພັນ ກັບການກະຕຸກຊຸກຍູ້ບັນດາກິດຈະກຳຕ່າງໆໃນງານເປີດປີທ່ອງລາວ 2018 ທີ່ ເມືອງທ່າແຕງແລະງານສຳຄັນຕ່າງໆຂອງເມືອງ ໃຫ້ໄດ້ຮັບ ການຈັດຕັ້ງປະຕິບັດຢ່າງມີຜົນສຳເລັດ ແລະໃຫ້ບັນລຸຕາມຄາດໝາຍທີ່ວາງໄວ້. ມາຮອດປະຈຸບັນຍັງມີຫຼາຍບໍລິສັດ,ລັດວິສາຫະກິດ, ນິຕິ ບຸກຄົນອ້ອມຂ້າງແຂວງ-ເມືອງແລະແຂວງອ້ອມຂ້າງຕ່າງກໍ່ໄດ້ຕື່ນຕົວປະກອບສ່ວນທາງດ້ານທຶນຮອນຢ່າງຕັ້ງໜ້າເຂົ້າໃນງານດັ່ງກ່າວດ້ວຍ ບັນຍາກາດຟົດຟື້ນ.

ສ້າງຂື້ນໃນ ປີ 2017. ສະຫງວນລິຂະສິດໂດຍ: ພະແນກຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງເຊກອງ, ຕັ້ງຢູ່ບ້ານ ໂນນ​ມີ​ໄຊ, ເມືອງ ລະມາມ, ແຂວງ ເຊກອງ, ໂທຣ:(+856)038 211024, ແຟກ:(+856)038 211024, ມືຖື: 020 55121635
Powered by Joomla 1.7 Templates