ຍີນດີຕ້ອນຮັບເຂົ້າສູ່ເວັບໄຊພະ​ແນກ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງ​ເຊກອງ

ຮ້ານແກ້ວອຸດອນມອບຊຸດກິລາ ພ້ອມອຸປະກອນໃຫ້ຫ້ອງການ ຖວທ ເມືອງ

iii

#ຂ່າວ-ພາບ: ພອນ ບຸນອຸທິດ ເມືອງ ທ່າແຕງ ແຂວງ ເຊກອງ 020 5632 8844

ໃນຕອນເຊົ້າວັນທີ 7 ທັນວາ 2017 ນີ້ ທ່ານ ແກ້ວອຸດອນ ສີພັນດອນ ຜູ້ປະກອບການແຕ້ມປ້າຍ ແລະ ຂາຍເຄື່ອງກິລາ ທີ່ຕະຫຼາດ ເມືອງ ທ່າແຕງ ໄດ້ນຳເອົາເຄື່ອງກິລາ ພ້ອມອຸປະກອນຈຳນວນໜຶ່ງ ມອບໃຫ້ຫ້ອງການ ຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ເມືອງ ທ່າແຕງ ເພື່ອປະກອບສວນທຶນຮອນເຂົ້າໃນການເຄື່ອນ ໄຫວວຽກງານກິລາ-ກາຍະກໍາປະເພດຕ່າງໆ ເນື່ອງໃນໂອກາດສະເຫຼີມສະຫຼອງ ເມືອງ ທ່າແຕງ ຄົບຮອບ 25 ປີ, ງານປະກວດນາງສາວບັນດາເຜົ່າ ແລະ ງານເປີດປີທ່ອງທ່ຽວລາວປີ 2018 ໃຫ້ເປັນຂະບວນຟົດຟື້ນ.

i

ເຄື່ອງທີ່ນຳມາມອບຄັ້ງນີ້ ປະກອບມີຊຸດກິລາ 15 ຊຸດ, ປ້າຍຫ້ອງການຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ (ປ້າຍເຫຼັກ) ຂະໜາດ 80x2.00 m 1 ປ້າຍ, ປ້າຍພິທີເປີດປີທ່ອງທ່ຽວລາວປີ 2018 ແລະ ງານປະ ກວດນາງສາວບັນດາເຜົ່າ ເມືອງ ທ່າແຕງ ຂະໜາດ 1.50x3.00 m 1 ປ້າຍ, ປ້າຍນາງສາວບັນດາເຜົ່າ 15 ປ້າຍ, ປ້າຍລາງວັນຂອງນາງສາວ 4 ປ້າຍລວມມູນຄ່າທັງໝົດ 2 ລ້ານ ກວ່າກີບ. ກ່າວມອບໂດຍທ່ານ ແກ້ວອຸດອນ ສີ ພັນດອນ ຜູ້ປະກອບການແຕ້ມປ້າຍ ແລະ ຂາຍເຄື່ອງກິລາ ທີ່ຕະຫຼາດ ເມືອງ ທ່າແຕງ, ຕາງໜ້າຮັບ ໂດຍ ທ່ານ ພູວົງ ກອງຊັບ ກໍາມະການພັກເມືອງ ຫົວໜ້າຫ້ອງການຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ເມືອງ ທ່າ ແຕງ ໂດຍຊ້ອງໜ້າພະນັກງານວິຊາການພາຍໃນກົມກອງເຂົ້າຮ່ວມເປັນສັກຂີພິຍານ. ii

ທ່ານ ພູວົງ ກອງຊັບ ຕາງໜ້າໃຫ້ຫ້ອງການຖະແຫຼງຂ່າວ, ວັດທະນະທໍາ ແລະ ທ່ອງທ່ຽວເມືອງ ທ່າແຕງ ກ່າວສະແດງຄວາມຂອບໃຈມາຍັງ ທ່ານ ແກ້ວອຸດອນ ສີພັນດອນ ຜູ້ປະກອບການແຕ້ມປ້າຍ ແລະ ຂາຍເຄື່ອງກິລາ ທີ່ຕະຫຼາດ ເມືອງ ທ່າແຕງ ທີ່ໄດ້ນຳເອົາເຄື່ອງດັ່ງກ່າວມາຊ່ວຍເຫຼືອຄັ້ງນີ້ ເຊິ່ງຈະໄດ້ນຳໃຊ້ເຂົ້າໃນໜ້າທີ່ວຽກງານລວມ ກໍຄືວຽກງານສະເຫຼີມສະຫຼອງ ເມືອງ ທ່າແຕງ ຄົບຮອບ 25 ປີ, ງານປະກວດນາງສາວບັນດາເຜົ່າ, ງານເປີດປີ ທ່ອງທ່ຽວລາວປີ 2018, ວຽກງານສະຫະພັນກິລາ-ກາຍະກໍາໃຫ້ມີປະສິດທິຜົນສູງ, ໂດຍຈະໄດ້ເອົາໃຈໃສ່ປົກປັກ ຮັກສາເຄື່ອງດັ່ງກ່າວໄວ້ ໃຫ້ໄດ້ໃຊ້ຍາວນານ ແລະ ຫວັງວ່າຈະໄດ້ຮັບການຊ່ວຍເຫຼືອຕື່ມອີກໃນຄັ້ງໜ້າ.

ສ້າງຂື້ນໃນ ປີ 2017. ສະຫງວນລິຂະສິດໂດຍ: ພະແນກຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງເຊກອງ, ຕັ້ງຢູ່ບ້ານ ໂນນ​ມີ​ໄຊ, ເມືອງ ລະມາມ, ແຂວງ ເຊກອງ, ໂທຣ:(+856)038 211024, ແຟກ:(+856)038 211024, ມືຖື: 020 55121635
Powered by Joomla 1.7 Templates