ຍີນດີຕ້ອນຮັບເຂົ້າສູ່ເວັບໄຊພະ​ແນກ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງ​ເຊກອງ

ທ່າແຕງ ມອບ-ຮັບໂຄງການສ້ອມແປງເສັ້ນທາງເຂົ້າຄຸ້ມຈະກໍາລິດ ແລະ ບ້ານ ວາງໃໝ່

18

#ຂ່າວ: ພອນ ບຸນອຸທິດ 020 5632 8844.

ໃນຕອນເຊົ້າວັນທີ 6 ທັນວາ 2017 ນີ້ ຢູ່ທີ່ໂຮງຮຽນປະຖົມສົມບູນຄຸ້ມຈະກໍາລິດເມືອງທ່າແຕງແຂວງເຊກອງໄດ້ຈັດພິ ທີມອບ-ຮັບໂຄງການສ້ອມແປງເສັ້ນທາງດິນແດງເຂົ້າຄຸ້ມຈະກໍາລິດແລະບ້ານວາງໃໝ່,ໃຫ້ກຽດເຂົ້າຮ່ວມເປັນສັກຂີພະຍານ ມີທ່ານ ສົມ ເພັດ ເອິດລັດດາ ກໍາມະການປະຈໍາພັກເມືອງ ຮອງເຈົ້າເມືອງທ່າແຕງຜູ້ຊີ້ນໍາຂົງເຂດເສດຖະກິດ, ມີທ່ານບົວໄຂໄຊຍະວົງຫົວໜ້າຫ້ອງ ການໂຍທາທິການແລະຂົນສົງເມືອງທ່າແຕງ,ມີພະແນກການກ່ຽວຂ້ອງຂັ້ນແຂວງ-ເມືອງແລະພະນັກງານວິຊາການພ້ອມດ້ວຍອົງການປົກ ຄອງບ້ານເຂົ້າຮ່ວມ.

19

ໃນພິທີທ່ານບົວໄຂໄຊຍະວົງຫົວໜ້າຫ້ອງການໂຍທາທິການ ແລະຂົນສົງເມືອງທ່າແຕງ ເຊິ່ງເປັນເຈົ້າຂອງໂຄງການໄດ້ ກ່າວລາຍງານການຈັດຕັ້ງປະຕິບັດໂຄງການສ້ອມແປງເສັ້ນທາງດັ່ງກ່າວເຊິ່ງເປັນໂຄງການສ້ອມແປງເສັ້ນທາງທີ່ຖຶກຜົນກະທົບຈາກໄພພິບັດ, ໂດຍ ໄດ້ຮັບທືນສະໜັບສະໜູນຈາກພາກລັດຮ່ວມກັບບໍລິສັດຄູນມີໄຊກໍ່ສ້າງຂົວ-ທາງຈໍາກັດ ​​ເຊິ່ງມີມູນຄ່າທັງ ໝົດ 271 ລ້ານ 4 ແສນ ກວ່າກີບ, ເປັນເສັ້ນທາງສ້ອມແປງຟື້ນຟູທາງເກົ່າແຕ່ແຍກເສັ້ນທາງທາງ 16 E ເຊິ່ງເລີ່ມແຕ່ບ້ານໄໝລິດສໍາພັນ ໄປຫາຄຸ້ມບ້ານຈະກໍາລິດ ແລະບ້ານວາງໃໝ່ມີຄວາມຍາວທັງໝົດ 3 ພັນແມັດ, ກວ້າງ 6 ແມັດ, ໂຄງການດັ່ງກ່າວໄດ້ເລີມລົງມືສ້ອມແປງມາແຕ່ວັນທີ4 ພະຈິກ 2017 ແລະມາຮອດ ວັນທີ 26 ພະຈິກ2017 ໂຄງການດັ່ງກ່າວແມ່ນສຳເລັດ100% ເຊິ່ງການກໍ່ສ້າງໄດ້ປະຕິບັດຢ່າງຖືກຕ້ອງ ຕາມຫຼັກການ ມາດຖານເຕັກນິກ ແລະ ສັນຍາລະຫວ່າງເຈົ້າຂອງໂຄງການແລະ ຜູ້ຮັບເໝົ່າກໍ່ສ້າງ ວາງອອກຢ່າງຄົບຖ້ວນ.

          ຂ່າວໃຫ້ຮູ້ອີກວ່າ ເຊິ່ງກ່ອນໜ້ານີ້ ໃນວັນທີ 27 ກັນຍາ 2017 ຜ່ານມາ ກໍ່ໄດ້ມີການມອບຮັບໂຄງການສ້ອມແປງເສັ້ນທາງດິນ ແດງເຂົ້າຄຸ້ມບ້ານ ປາຍ ແລະ ບ້ານ ໂທນນ້ອຍ ເຊິ່ງເປັນເສັ້ນທາງສ້ອມແປງຟື້ນຟູທາງເກົ່າແຕ່ແຍກເສັ້ນທາງ 16 E ເຊິ່ງເລີ່ມແຕ່ບ້ານ ຈຸນ ລາ ຫາທາງເຂົ້າຄຸ້ມບ້ານ ປາຍ ແລະ ບ້ານ ໂທນນ້ອຍ ມີຄວາມຍາວທັງໝົດ 6 ພັນແມັດ, ກວ້າງ 6 ແມັດ, ໂຄງການດັ່ງກ່າວໄດ້ເລີມລົງມື ສ້ອມແປງມາແຕ່ວັນທີ 25 ສິງຫາ 2017 ແລະ ໄດ້ສໍາເລັດໃນວັນທີ 27 ກັນຍາ 2017 ໂດຍແມ່ນ ການລົງທືນຂອງລັດ ຜູ້ຮັບເໝົາກໍ່ ສ້າງແມ່ນບໍລິສັດ ແກ້ວທະວີຊັບ, ມີມູນຄ່າທັງໝົດ 5 ຮ້ອຍກວ່າລ້ານກີບ.20

          ຈາກນັ້ນທ່ານ ສົມເພັດ ເອິດລັດດາ ຄະນະປະຈໍາພັກເມືອງ ຮອງເຈົ້າເມືອງ ທ່າແຕງ ໄດ້ໃຫ້ກຽດກ່າວມອບເສັ້ນທາງດັ່ງ ກ່າວໃຫ້ອົງການປົກຄອງບ້ານ ພ້ອມດ້ວຍປະຊາຊົນ ຈົ່ງນໍາໃຊ້ເສັ້ນທາງໃຫ້ເກີດປະໂຫຍດຢ່າງສູງ ພ້ອມນີ້ທ່ານຍັງໄດ້ສະແດງ ຄວາມ ຍ້ອງຍໍຊົມເຊີຍມາຍັງເຈົ້າຂອງໂຄງການພ້ອມພາກສວນກ່ຽວຂ້ອງ ທີ່ໄດ້ນໍາເອົາທືນມາພັດທະນາພຶື້ນຖານໂຄງລ່າງ ເພື່ອເຮັດໃຫ້ປະຊາຊົນ ມີຄວາມສະດວກໃນການໄປມາຫາສູ່ແລກປ່ຽນຊື້ຂາຍສິນຄ້າຢ່າງ, ພ້ອມນັ້ນ ກໍ່ໄດ້ເນັ້ນໃຫ້ອົງການຈັດຕັ້ງຂອງແຕ່ລະບ້ານ ຈົ່ງພ້ອມກັນ ປົກປັກຮັກສາເສັ້ນທາງ ໂດຍສະເພາະລະບົບຄອງນໍ້າຕາມແຄມທາງ ເພື່ອປ້ອງກັນບໍ່ໃຫ້ນໍ້າເຊາະເຈື່ອນ, ເປ້ເພ ໂດຍໃຫ້ປະຕິບັດ 4 ຮ່ວມຄື: ຮ່ວມເກັບກໍາຂໍ້ມູນ, ຮ່ວມເປັນເຈົ້າຂອງໂຄງການ, ຮ່ວມສ້າງແຜ່ນ-ຮ່ວມກັນເຮັດ ແລະ ຮ່ວມກັນປົກປັກຮັກສາໃຫ້ຍືນຍົງ ຕະຫຼອດໄປ.

ສ້າງຂື້ນໃນ ປີ 2017. ສະຫງວນລິຂະສິດໂດຍ: ພະແນກຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງເຊກອງ, ຕັ້ງຢູ່ບ້ານ ໂນນ​ມີ​ໄຊ, ເມືອງ ລະມາມ, ແຂວງ ເຊກອງ, ໂທຣ:(+856)038 211024, ແຟກ:(+856)038 211024, ມືຖື: 020 55121635
Powered by Joomla 1.7 Templates