ຍີນດີຕ້ອນຮັບເຂົ້າສູ່ເວັບໄຊພະ​ແນກ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງ​ເຊກອງ

ປະກາດ ບ້ານກັນດອນ ເປັນ ບ້ານປອດຄະດີ

16

#ຂ່າວ: ພອນ ບຸນອຸທິດ ນັກຂ່າວເມືອງ ທ່າແຕງ 020 5632 8844.

ພິທີປະກາດຄອບຄົວ ແລະບ້ານປອດຄະດີຂອງບ້ານ ກັນດອນ ເຂດພັດທະນາທີ 4 ຂອງເມືອງ ທ່າແຕງ ແຂວງ ເຊກອງ ໄດ້ຈັດຂື້ນໃນຕອນເຊົ້າວັນທີ 1ທັນວາຜ່ານມານີ້ ຢູ່ທີ່ກວນຂອງບ້ານດັ່ງກ່າວໂດຍການເຂົ້າຮ່ວມຂອງທ່ານ ລົດແກ້ວ ເພັງພູນສະຫວັດ ຄະນະປະຈໍາພັກເມືອງ ຮອງເລຂາພັກເມືອງ ທ່າແຕງ ຜູ້ຊີ້ນໍາອົງການຈັດຕັ້ງມະຫາຊົນ, ມີທ່ານ ກິ ສາຍອຸດົມ ກໍາມະການພັກເມືອງ ຫົວໜ້າຫ້ອງການຍຸຕິທໍາເມືອງ, ຫົວໜ້າ-ຮອງຫ້ອງການກ່ຽວຂ້ອງ, ຮອງຫົວໜ້າເຂດພັດທະນາທີ 4, ອົງການປົກຄອງບ້ານ, ແນວໂຮມ, ຊາວໜຸ່ມ, ແມ່ຍິງ, ແຂກຖືກເຊີນ ພ້ອມດ້ວຍປະຊາຊົນພາຍໃນບ້ານກັນດອນເຂົ້າຮ່ວມ.

17

ທ່ານ ນາງ ດາວັນ ລິນດາວົງ ຫົວໜ້າໜ່ວຍງານຄຸ້ມຄອງ-ສົ່ງເສີມລະບົບຍຸຕິທໍາຮາກຖານ ຂຶ້ນຜ່ານບົດລາຍງານໂດຍປະຕິ ບັດຕາມພາລະບົດບາດ ແລະໜ້າທີ່ວຽກງານຍຸຕິທໍາຮາກຖານ ກໍຄືວຽກງານການສ້າງຄອບຄົວ ແລະບ້ານປອດຄະດີ ບົນພື້ນຖານ ຄວາມສາມັກຄີ, ລະບຽບກົດໝາຍ, ມີຄວາມຫ້າວຫັນ, ເຂົ້າຮ່ວມວຽກງານໃນການພັດທະນາບ້ານພາຍໃນບ້ານບໍ່ມີປະກົດການ ຫຍໍ້ທໍ້ໃດໆ, ແຕ່ລະຄອບຄົວເປັນເຈົ້າການແກ້ໄຂຂໍ້ຂັດແຍ່ງທີ່ເກີດຂຶ້ນດ້ວຍການປະນິປະນອມຢ່າງສັນຕິວິທີ, ເຮັດໃຫ້ຄູ່ກໍລະນີສາ ມາດ ຕົກລົງກັນໄດ້ໂດຍສັນຕິວິທີ ເຊິ່ງສາມາດສະແດງໃຫ້ເຫັນວ່າປະຊາຊົນພາຍໃນບ້ານກັນດອນໄດ້ມີການພັດທະນາທາງດ້ານສະຕິເຄົາລົບ ປະຕິບັດລະບຽບກົດໝາຍຫຼາຍຂຶ້ນ, ປະຊາຊົນເປັນເຈົ້າການຕື່ນຕົວຕໍ່ການສຶກສາອົບຮົມ, ຮຽນຮູ້ລະບຽບກົດໝາຍຈາກປຶ້ມຄູ່ມືໂຄ ສະນາກວມເອົາ 85 % ຂອງປະຊາຊົນພາຍໃນບ້ານຈໍານວນ 1.260ຄົນ, ຍິງ 648 ຄົນ, ກວມເອົາອັດຕາສ່ວນ 95% ຂອງຈໍານວນຄອບຄົວທັງໝົດ239ຄອບຄົວ, ສາມາດຮັບຮອງເອົາຄອບຄົວປອດຄະດີມີ 216 ຄອບຄົວ, ກວມເອົາ 90 ກວ່າ %. ພ້ອມນີ້ ກໍໄດ້ປະກາດການແຕ່ງຕັ້ງຄະນະແກ້ໄຂຂໍ້ຂັດແຍ່ງຂັ້ນບ້ານກັນດອນໂດຍມີທ່ານ ຈັນຫວນ ມະຫາຈັນ ເປັນຫົວໜ້າ, ທ່ານ ກຽດຕິສັກ ອິນຍາລອງ ເປັນຮອງ, ສ່ວນທ່ານ ດາວັນ ພັນຍະເກດ, ທ່ານ ວິຫານ ແລະທ່ານ ນາງ ຢອກ ຫວງປະເສີດ ເປັນຄະນະ. ຈາກນັ້ນ ໄດ້ມອບໃບຢັ້ງຢືນຄອບຄົວ ແລະບ້ານປອດຄະດີ ໂດຍເປັນກຽດກ່າວມອບຂອງທ່ານ ລົດແກ້ວ ເພັງພູນສະຫວັດ ຄະນະປະຈໍາພັກເມືອງ ຮອງເລຂາພັກເມືອງ ທ່າແຕງ ແລະທ່ານ ກິ ສາຍອຸດົມ ກໍາມະການພັກເມືອງ ຫົວໜ້າຫ້ອງການຍຸຕິທໍາເມືອງ ທ່າແຕງ.

ໂອກາດນີ້ ທ່ານ ລົດແກ້ວ ເພັງພູນສະຫວັດ ກໍໄດ້ສະແດງຄວາມຍ້ອງຍໍຊົມເຊີຍຕໍ່ຄະນະພັກຮາກຖານ-ນາຍບ້ານ ພ້ອມ ພາກສ່ວນກ່ຽວຂ້ອງທີ່ຍາດເອົາຜົນງານມາໄດ້ຫຼາຍດ້ານເປັນຕົ້ນ: ວຽກງານການສ້າງຄອບຄົວ ແລະບ້ານປອດຄະດີ ບົນພື້ນຖານພາຍ ໃນບ້ານມີຄວາມສາມັກຄີ, ປະຕິບັດລະບຽບກົດໝາຍ, ມີຄວາມຫ້າວຫັນ ແລະເຂົ້າຮ່ວມວຽກງານພັດທະນາພາຍໃນບ້ານບໍ່ມີປະ ກົດການຫຍໍ້ທໍ້ຕ່າງໆເກີດຂຶ້ນ, ແຕ່ລະຄອບຄົວເປັນເຈົ້າການແກ້ໄຂຂໍ້ຂັດແຍ່ງທີ່ເກີດຂຶ້ນດ້ວຍການປະນິປະນອມຢ່າງສັນຕິວິທີ, ສະນັ້ນ ບັນດາຄະນະພັກ, ສະມາຊິກພັກ ພ້ອມປະຊາຊົນພາຍໃນບ້ານທຸກສະຫາຍ ຕ້ອງສືບຕໍ່ເພີ່ມທະວີຄວາມຮັບຜິດຊອບ, ເຕົ້າໂຮມຄວາມ ສາມັກຄີເປັນປຶກແຜ່ນແໜ້ນໜາ ລວມໄປເຖິງການຄຸ້ມຄອງບໍລິຫານບ້ານ, ປັບປຸງວິທີເຮັດວຽກເປັນໝູ່ຄະນະ, ມີຄວາມຮັບຜິດຊອບສູງ ໃນການແກ້ໄຂຄະດີຢູ່ຮາກຖານບ້ານ, ໄກ່ເກ່ຍໄປຕາມກົນໄກລະຫວ່າງຄູ່ກໍລະນີຢ່າງລະອຽດ, ພິຈາລະນາຕາມເຫດ ແລະຜົນ ໃຫ້ຄຽງຄູ່ ກັບການປຸກລະດົມທຸກຊັ້ນຄົນ ກໍຄືແຕ່ລະຄອບຄົວພາຍໃນບ້ານໄດ້ມີວຽກເຮັດງານທໍາເຂົ້າການຜະລິດ, ຫັດຖະກໍາຂອງບ້ານ ເພື່ອໄປວາງ ສະແດງງານຕະຫຼາດນັດຂອງເມືອງ ທີ່ຈະມາເຖິງໃນໝໍ່ໆນີ້. ທັງນີ້ ກໍເພື່ອເປັນການສ້າງຂະບວນການຂັບນັບຮັບຕ້ອນວັນສ້າງຕັ້ງເມືອງ ທ່າແຕງ ຄົບຮອບ 25 ປີໃຫ້ເປັນຂະບວນການຢ່າງຟົດຟື້ນ.

ສ້າງຂື້ນໃນ ປີ 2017. ສະຫງວນລິຂະສິດໂດຍ: ພະແນກຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງເຊກອງ, ຕັ້ງຢູ່ບ້ານ ໂນນ​ມີ​ໄຊ, ເມືອງ ລະມາມ, ແຂວງ ເຊກອງ, ໂທຣ:(+856)038 211024, ແຟກ:(+856)038 211024, ມືຖື: 020 55121635
Powered by Joomla 1.7 Templates