ຍີນດີຕ້ອນຮັບເຂົ້າສູ່ເວັບໄຊພະ​ແນກ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງ​ເຊກອງ

6 ພາກສວນມອບຊຸດກິລາ ພ້ອມອຸປະກອນໃຫ້ສະຫະພັນກິລາ-ກາຍະກໍາ ເມືອງທ່າແຕງ

10

ໃນຕອນບ່າຍຂອງວັນທີ 20 ພະຈິກ 2017 ຜ່ານມານີ້ ທ່ານ ສຸພົນ ໄຊສະຫງ່າ ກໍາມະການພັກເມືອງ ຫົວໜ້າຫ້ອງການກະສິກໍາ ແລະ ປ່າໄມ້ເມືອງ ທ່າແຕງ ຮ່ວມກັບນັກທຸລະກິດ ແລະ ກຸ່ມເພື່ອນ-ເພື່ອ-ເພື່ອນ ໄດ້ນຳເອົາເຄື່ອງກິລາ ພ້ອມອຸປະກອນຈຳນວນໜຶ່ງ ມອບໃຫ້ສະຫະພັນກິລາ-ກາຍະກໍາເມືອງ ທ່າແຕງ ແຂວງ ເຊກອງ ເພື່ອປະກອບສວນທືນ ເຂົ້າໃນການເຄື່ອນໄຫວວຽກງານກິລາ-ກາຍະກໍາປະເພດຕ່າງໆຢູ່ພາຍໃນເມືອງ ທ່າແຕງ.

 

ເຄື່ອງທີ່ນຳມາຊ່ວຍເຫຼືອ ຄັ້ງນີ້ມີ ໂມງຈັບເວລາ 4 ໜ່ວຍ, ໝາກຫວີດ 4 ໜ່ວຍ, ເສື້ອກໍາມະການມີ 15 ຊຸດ,ເຄື່ອງກິລາມີ 40 ຊຸດ ລວມມູນຄ່າ 4 ລ້ານ 1 ແສນກວ່າກີບ, ເຊິ່ງເຄື່ອງດັ່ງກ່າວໄດ້ມາຈາກ 6 ພາກສວນຄື: ຫ້ອງການກະສິກໍາ ແລະ ປ່າໄມ້ເມືອງ ທ່າແຕງ, ທ່ານ ໂຕໂມບາຍ, ທີມກິລາເມັດອິນທ່າແຕງ, ທະນາຄານການຄ້າຕ່າງປະເທດລາວມະຫາຊົນ, ທະນາຄານສົ່ງເສີມກະສິກໍາ ແລະ ທະນາຄານພັດທະນາລາວ ໜ່ວຍບໍລິການເມືອງ ທ່າແຕງ, ໃຫ້ກຽດມອບຕ່າງ​ໜ້າ 6 ພາກສ່ວນ ໂດຍທ່ານ ສຸພົນ ໄຊສະຫງ່າ ກໍາມະການພັກເມືອງ ຫົວໜ້າຫ້ອງການກະສິກໍາ ແລະ ປ່າໄມ້ເມືອງ ທ່າແຕງ ຕາງໜ້າກຸ່ມເພື່ອນ-ເພື່ອ-ເພືອນ, ຮັບໂດຍທ່ານ ຄໍາໄພ ສິມມາວັດ ຄະນະປະຈໍາພັກເມືອງ ຮອງເຈົ້າເມືອງ ທ່າແຕງ.

11

ຈາກນັ້ນທ່ານ ຄໍາໄພ ສິມມາວັດ ຄະນະປະຈໍາພັກເມືອງ ຮອງເຈົ້າເມືອງ ທ່າແຕງ ຕາງໜ້າອໍານາດການປົກຄອງເມືອງ ທ່າແຕງ ໄດ້ສະແດງຄວາມຂອບໃຈມາຍັງ ຫ້ອງການກະສິກໍາ ແລະ ປ່າໄມ້ເມືອງທ່າແຕງ, ນັກທຸລະກິດ ແລະ ກຸ່ມເພື່ອນ-ເພື່ອ-ເພື່ອນ ທີ່ໄດ້ນຳເອົາເຄື່ອງຈຳນວນດັ່ງກ່າວມາຊ່ວຍເຫຼືອຄັ້ງນີ້ ​ແລະ ຈະນໍາໃຊ້ເຂົ້າໃນໜ້າທີ່ວຽກງານລວມ ກໍ່ຄືວຽກງານຂອງສະຫະພັນກິລາ-ກາຍະກໍາ ​ເມືອງ​ທ່າ​ແຕງໃຫ້ມີການ​ພັດທະນາ​ດີ​ຂື້ນ, ເອົາໃຈໃສ່ປົກປັກຮັກສາເຄື່ອງດັ່ງກ່າວໄວ້ໄດ້ໃຊ້ຍາວນານ ແລະ ຫວັງວ່າໄດ້ຮັບການຊ່ວຍເຫຼືອຕື່ມອີກ. ໃນໂອກາດດຽວກັນນີ້ ຍັງໄດ້ມອບໃບກຽດຕິຄຸນໃຫ້ 6 ພາກສ່ວນ​ດັ່ງກ່າວ, ມອບໂດຍ ທ່ານ ຄໍາໄພ ສິມມາວັດ ຄະນະປະຈໍາພັກເມືອງ ຮອງເຈົ້າເມືອງ ທ່າແຕງ ​ໂດຍ​ມີພາກສວນກ່ຽວຂ້ອງເຂົ້າຮ່ວມເປັນສັກຂີພິຍານ.

ຈາກນັ້ນ ໄດ້ສ້າງຂະບວນການ​ແຂ່ງຂັນ​ກິລາເຕະບານ ຮ່ວມກັບລັດວິສາຫະກິດ, ນັກທຸລະກິດ ແລະ ກຸ່ມເພື່ອນ-ເພື່ອ-ເພື່ອນຕື່ມອີກຢ່າງເປັນຂະບວນຟົດດຟື້ນ.

ຂ່າວ-ພາບ: ພອນ ບຸນອຸທິດ ເມືອງ ທ່າແຕງ

ສ້າງຂື້ນໃນ ປີ 2017. ສະຫງວນລິຂະສິດໂດຍ: ພະແນກຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງເຊກອງ, ຕັ້ງຢູ່ບ້ານ ໂນນ​ມີ​ໄຊ, ເມືອງ ລະມາມ, ແຂວງ ເຊກອງ, ໂທຣ:(+856)038 211024, ແຟກ:(+856)038 211024, ມືຖື: 020 55121635
Powered by Joomla 1.7 Templates