ຍີນດີຕ້ອນຮັບເຂົ້າສູ່ເວັບໄຊພະ​ແນກ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງ​ເຊກອງ

ລະມາມ ປາຖະກະຖາ 2 ວັນປະຫວັດສາດສາກົນ

09

#ຂ່າວ-ພາບ: ດາວສະຫວັນ

ວັນທີ 24 ພະຈິກ 2017 ຜ່ານມານີ້ ເມືອງລະມາມໄດ້ຈັດພິທີປາຖະກະຖາ 2 ວັນປະຫວັດສາດສາກົນຄື: ວັນມະຫາປະຕິວັດ ເດືອນຕຸລາ ຣັດເຊຍ ຄົບຮອບ 100 ປີ (7/11/1917-7/11/2107) ແລະ ວັນຄ້າຍວັນເກີດຈອງທ່ານ ຟຣິດຣິກ ອັງແກນ ຄົບຮອບ 197 ປີ (28/11/1820-28/11/2027) ຂື້ນທີ່ສະໂມສອນປົກຄອງເມືອງດັ່ງກ່າວ, ພາຍໄຕ້ການເຂົ້າຮ່ວມຂອງທ່ານ ປອ ແພງສີ ສີລາວີ ເລຂາພັກເມືອງ ​ເຈົ້າ​ເມືອງ-​ເມືອງ​ລະມາມ, ມີຄະນະປະຈຳພັກ, ກຳມະການພັກ, ຫົວໜ້າ-ຮອງຫົວຫ້ອງການ ອ້ອມ​ຂ້າງ​ເມືອງພ້ອມດ້ວຍພະນັກງານລັດວິຊາການເຂົ້າຮ່ວມ.

 

ໃນພິທີຄັ້ງນີ້, ທ່ານຄໍາຜອຍ ແກ້ມນີ​ເຜືອກ ຫົວໜ້າ​ຄະນະ​ຈັດ​ຕັ້ງ​ເມືອງ ໄດ້ເລົ່າມູນເຊື້ອ ປະຫວັດຄວາມເປັນມາຂອງທ່ານ ຟ.ອັງແກນ ເຊີ່ງທ່ານກ່າວວ່າ: ທ່ານ ຟ.ອັງແກນ ໄດ້ກຳເນີດເກີດຂຶ້ນໃນຕະກູນໃຫຍ່ທີ່ມີທີ່ດິນ ແລະ ໂຮງຈັກໂຮງງານຫຼາຍ ແຕ່ເພິ່ນກໍ່ຍັງໄດ້ທຸ້ມເທໃຫ້ແກ່ວຽກງານປະຕິວັດ, ທັງເປັນນັກປະຕິວັດທີ່ອົງອາດກ້າແກ່ນ, ອົດທົນ, ໜຽວແໜ້ນ ຕະຫລອດຊີວິດຂອງເພີ່ນໄດ້ອຸທິດທັງເຫືອແຮງ ແລະ ສະຕິປັນຍາຂອງຕົນເພື່ອພາລະກິດ-ການປະຕິວັດ,ພາລະກິດປົດປ່ອຍຊົນຊັ້ນກຳມະກອນ ແລະ ຊາວຜູ້ອອກແຮງານໃຫ້ຫຼຸດພົ້ນອອກຈາກແອກກົດຂີ່ຂູດຮີດ ເຮັດໃຫ້ເຂົາເຈົ້າມີຊີວິດທີ່ສົດໃສ່, ມີອິດສະຫຼະພາບ ແລະ ສະເໝີພາບຢ່າງແທ້ຈິງ, ໂດຍໄດ້ຮ່ວມເສັ້ນທາງປະຕິວັດທີ່ໄກ້ຊິດຕິດແທດກັບທ່ານ ກາກມາກ, ຂະນະດຽວກັນພວກເພີ່ນກໍ່ໄດ້ພ້ອມກັນຄົ້ນຄວ້າບັນກາຕ່າງໆທີ່ເປັນພື້ນຖານດ້ານແນວຄິດແລະ ທິດສະດີປະຕິວັດ ທີ່​ມີວິທະຍາສາດ ໂດຍວິເຄາະວິ ຈານຄວາມຊົ່ວຮ້າຍຂອງຊົນຊັ້ນນາຍທຶນ ຈົນໄດ້ກາຍເປັນແນວຄິດທີ່ຍິ່ງໃຫຍ່ຂອງຊົນຊັ້ນກຳມະກອນ, ​ແລະ ​ໄລຍະ​ຕໍ່​ມາທ່ານ ເລນິນ ​ໄດ້ເປັນຜູ້ສືບທອດຄົ້ນຄວ້າມູນໃຊ້ຢ່າງປະດິດສ້າງ ແລະ ເຮັດໃຫ້ອຸດົມສົມບູນຂື້ນກາຍເປັນລັດທິມາກ-ເລນິນ ທີ່ພັກເຮົາມູນໃຊ້ໃນປັດຈຸບັນ.

ທ່ານ ຄຳຜອຍ ແກ້ວມະນີເຜືອກ ​ໄດ້​ເລົ່າ​ໃຫ້​ຮູ້​ຕື່ມ ກ່ຽວ​ກັບ ວັນປະຕິວັດເດືອນຕຸລາຣັດເຊຍ ​ເຊິ່ງເປັນວັນແຫ່ງໄຊຊະນະຂອງ​ຊົນຊັ້ນກຳມະກອນ ແລະ ຊາວຜູ້ອອກແຮງງານ ຣັດເຊຍ ໂດຍມີພັກໂບນເຊວິດ ແລະ ທ່ານ ວ.ອ ເລນິນ ເປັນຜູ້ນຳພາໃນການຢຶດອຳນາດ ແລະ ສ້າງຕັ້ງລັດສັງຄົມນິຍົມຂຶ້ນທຳອິດໃນໂລກເຊິ່ງເປັນຂິດໝາຍອັນສຳຄັນທີ່ບໍ່ມີວັນລືມໄດ້. ທັງນີ້ກໍ່ເພື່ອສຶກສາອົບຮົມການເມືອງ-ແນວຄິດໃນຖັນແຖວພະນັກງານ-ສະມາຊິກພັກ, ນັກຮົບໃນກຳລັງປະກອບອາວຸດ ແລະ ທົ່ວປວງຊົນລາວ ກໍ່ຄືບັນດາພະນັກງານ-ຖະກອນພາຍໃນເມືອງລະມາມໃຫ້ມີຄວາມຮູ້ຄວາມເຂົ້າໃຈຢ່າງເລິກເຊິ່ງເຖິງຄວາມໝາຍຄວາມສຳຄັນຂອງສອງວັນປະຫວັດສາດດັ່ງກ່າວ.

ສ້າງຂື້ນໃນ ປີ 2017. ສະຫງວນລິຂະສິດໂດຍ: ພະແນກຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງເຊກອງ, ຕັ້ງຢູ່ບ້ານ ໂນນ​ມີ​ໄຊ, ເມືອງ ລະມາມ, ແຂວງ ເຊກອງ, ໂທຣ:(+856)038 211024, ແຟກ:(+856)038 211024, ມືຖື: 020 55121635
Powered by Joomla 1.7 Templates