ຍີນດີຕ້ອນຮັບເຂົ້າສູ່ເວັບໄຊພະ​ແນກ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງ​ເຊກອງ

ຖວທ ເຊກອງ ສ້າງແຜນກໍານົດພະນັກງານນໍາພາ-ຄຸ້ມຄອງ

36

ກອງປະຊຸມສ້າງແຜນກໍານົດພະນັກງານນໍາພາ-ຄຸ້ມ ຄອງພະແນກຖະແຫຼງຂ່າວ, ວັດ ທະນະທໍາ ແລະທ່ອງທ່ຽວ (ຖວທ) ແຂວງເຊກອງໄດ້ຈັດຂຶ້ນໃນລະຫວ່າງວັນທີ 5-6 ສິງຫາ 2021 ນີ້ ໂດຍການເປັນປະທານຂອງທ່ານ ບູ່ໄຊ ໄຊຍະເສນ ກໍາມະການພັກແຂວງ, ຫົວໜ້າພະແນກ ຖວທ ແຂວງ; ພ້ອມນີ້ ກໍມີທ່ານ ບຸນຫຼາຍ ບຸດທິ ກໍາມະການປະຈໍາພັກແຂວງ, ຫົວໜ້າຄະນະຈັດຕັ້ງແຂວງ, ທ່ານ ນາງ ສີສະຫງ່າ ແກ້ວດວງດີ ກໍາມະການພັກແຂວງ, ຫົວໜ້າຄະນະໂຄສະນາອົບຮົມແຂວງ, ຄະນະຊີ້ນໍາຂັ້ນແຂວງ, ຄະນະພັກ-ຄະນະພະແນກ ແລະພະນັກງານ-ລັດ ຖະກອນພາຍໃນພະແນກ ຖວທ ແຂວງເຂົ້າຮ່ວມ. 

            ໃນກອງປະຊຸມ ໄດ້ຮັບຟັງການລາຍງານການຈັດຕັ້ງປະຕິບັດວຽກສ້າງແຜນກໍານົດພະນັກງານນໍາພາ-ຄຸ້ມຄອງໃນໄລຍະ 5 ປີ (2016-2020) ຜ່ານມາ ໂດຍຕີລາຄາດ້ານດີ, ດ້ານອ່ອນ ແລະຂໍ້ຄົງຄ້າງ ເພື່ອເປັນບົດຮຽນທີ່ດີໃຫ້ແກ່ການສ້າງຄວາມເປັນເອກະພາບໃນການກໍານົດສ້າງພະນັກງານນໍາພາ-ຄຸ້ມຄອງ, ພະນັກງານສືບທອດປ່ຽນແທນໃນ 5 ປີຕໍ່ໜ້າ (2021-2025). ຫຼັງຈາກນັ້ນ ກໍໄດ້ປ່ອນບັດລົງຄະແນນທາບທາມ ເພື່ອເປັນການເລືອກເຟັ້ນພະນັກງານທີ່ມີຄຸນທາດການເມືອງໜັກແໜ້ນ, ມີຄຸນສົມບັດສິນທໍາປະຕິວັດ, ມີທັດສະນະເບິ່ງກວ້າງເຫັນໄກ, ມີແບບແຜນການນໍາພາ-ຊີ້ນໍາທີ່ດີ ແລະມີຄວາມຮູ້ຄວາມສາມາດ ເພື່ອກໍານົດສ້າງເຂົ້າໃນຕໍາແໜ່ງງານສໍາຄັນຕ່າງໆຂອງພະແນກ ຖວທ ແຂວງໃຫ້ມີລັກສະນະສືບທອດຕໍ່ເນື່ອງ ແລະຖືກຕ້ອງຕາມຫຼັກການນໍາພາຂອງພັກ.

--------------------------------------------

(ຂ່າວ-ພາບ: ແກ້ວໄຊຍະວົງ)

ສ້າງຂື້ນໃນ ປີ 2017. ສະຫງວນລິຂະສິດໂດຍ: ພະແນກຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງເຊກອງ, ຕັ້ງຢູ່ບ້ານ ໂນນ​ມີ​ໄຊ, ເມືອງ ລະມາມ, ແຂວງ ເຊກອງ, ໂທຣ:(+856)038 211024, ແຟກ:(+856)038 211024, ມືຖື: 020 55121635
Powered by Joomla 1.7 Templates