ຍີນດີຕ້ອນຮັບເຂົ້າສູ່ເວັບໄຊພະ​ແນກ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງ​ເຊກອງ

ຄອບຄົວອະດີດປະທານປະເທດມອບເງິນ 50 ລ້ານ ຊ່ວຍເຊກອງຕ້ານໂຄວິດ-19

162

     ວັນທີ 4 ສິງຫາ 2021 ທີ່ຫ້ອງວ່າການແຂວງເຊກອງ ຄອບຄົວທ່ານ ບຸນຍັງ ວໍລະຈິດ ອະດີປະ ເທດປະເທດແຫ່ງ ສປປ ລາວ ໄດ້ມອບເງິນມູນຄ່າ 50 ລ້ານກີບ   ເພື່ອປະກອບສ່ວນໃຫ້ອົງການປົກ ຄອງແຂວງເຊກອງນໍາໃຊ້ເຂົ້າໃນການປ້ອງກັນ,ຄວບ ຄຸມ ແລະຕ້ານການແຜ່ລະບາດຂອງພະຍາດໂຄວິດ-19. 

 

161

 

ໂດຍຕາງໜ້າຄອບຄົວທ່ານ ບຸນຍັງ ວໍລະຈິດ ອະດີດປະທານປະເທດແຫ່ງ ສປປ ລາວ ກ່າວມອບໂດຍທ່ານ ຄໍາມະນີ ອິນທິລາດ ອະດີດລັດຖະມົນຕີກະຊວງພະລັງງານ ແລະບໍ່ແຮ່ ແລະກ່າວຮັບໂດຍທ່ານ ເຫຼັກໄຫຼ ສີວິໄລ ເຈົ້າແຂວງເຊກອງ, ມີທ່ານ ຂັນຕີ ສີລະວົງສາ ຮອງເຈົ້າແຂວງເຊກອງ, ຄະນະສະເພາະກິດປ້ອງກັນໂຄວິດ-19 ຂັ້ນແຂວງແລະພາກສ່ວນກ່ຽວຂ້ອງເຂົ້າຮ່ວມ.

 

ໃນໂອກາດນີ້; ທ່ານເຈົ້າແຂວງເຊກອງ ກໍໄດ້ສະແດງຄວາມຂອບໃຈໄປຍັງຄອບຄົວທ່ານ ບຸນຍັງ ວໍລະຈິດ ອະ ດີດເລຂາທິການໃຫຍ່ຄະນະບໍລິຫານງານສູນກາງພັກ, ອະດີດປະທານປະເທດແຫ່ງ ສປປ ລາວ ທີ່ມີຄວາມເປັນຫ່ວງເປັນໄຍຕໍ່ປະຊາຊົນ ແລະອົງການປົກຄອງແຂວງເຊກອງໃນວຽກງານປ້ອງກັນ, ຄວບຄຸມ ແລະຕ້ານການແຜ່ລະບາດຂອງພະຍາດໂຄວິດ-19. ທັງນີ້ ໃນໄລຍະຜ່ານມາ ຄະນະພັກ-ອົງການປົກຄອງ ກໍຄືຄະນະສະເພາະກິດຂັ້ນແຂວງ ແລະຂະແໜງການຕ່າງໆທຸກຂັ້ນພາຍໃນແຂວງເຊກອງກໍໄດ້ເອົາໃຈໃສ່ເຄື່ອນໄຫວປ້ອງກັນ, ຄວບຄຸມ ແລະຕ້ານການແຜ່ລະບາດຂອງພະຍາດໂຄວິດ-19 ໄດ້ດີພໍສົມຄວນ; ແຕ່ກໍຍັງມີຄວາມສ່ຽງທີ່ຈະເກີດການແຜ່ລະບາດຂອງດັ່ງ ກ່າວ.  ສະນັ້ນ ແຂວງຈຶ່ງມີຄວາມຈໍາເປັນນໍາໃຊ້ທຶນຮອນເຂົ້າໃນການຈັດຊື້ວັດຖຸອຸປະກອນ ແລະອື່ນໆທີ່ຈໍາເປັນ ເພື່ອກຽມຄວາມພ້ອມໃນການຕອບໂຕ້ໃຫ້ໄດ້ຢ່າງທັນການຖ້າຫາກເກີດມີກໍລະນີຕິດເຊື້ອ.

 

-----------------------------------

 

(ຂ່າວ-ພາບ: ແກ້ວໄຊຍະວົງ)

 

 

 

ສ້າງຂື້ນໃນ ປີ 2017. ສະຫງວນລິຂະສິດໂດຍ: ພະແນກຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງເຊກອງ, ຕັ້ງຢູ່ບ້ານ ໂນນ​ມີ​ໄຊ, ເມືອງ ລະມາມ, ແຂວງ ເຊກອງ, ໂທຣ:(+856)038 211024, ແຟກ:(+856)038 211024, ມືຖື: 020 55121635
Powered by Joomla 1.7 Templates