ຍີນດີຕ້ອນຮັບເຂົ້າສູ່ເວັບໄຊພະ​ແນກ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງ​ເຊກອງ

ເຊກອງ ປາຖະກະຖາວັນສ້າງຕັ້ງພັກຄອມມູນິດຈີນ ຄົບຮອບ 100 ປີ.

d7d124ce-9bc5-45c2-94d6-a13d493ed8b7

   ວັນທີ 23 ກໍລະກົດ 2021 ນີ້, ທີ່ສະໂມສອນແຂວງແຂວງເຊກອງ ໄດ້ຈັດພິທີປາຖະກະຖາວັນສ້າງຕັ້ງພັກຄອມມູນິດຈີນຄົບຮອບ 100 ປີ (1/7/1921-1/7/2021) ຂຶ້ນ, ໂດຍການໃຫ້ກຽດ

ເຂົ້າຮ່ວມ ແລະປາຖະກາຖາຂອງທ່ານ ສົມສະຫວາດ ເລັ່ງສະຫວັດ ອະດີດກໍາມະການກົມການເມືອງສູນກາງພັກ, ອະດີດຮອງນາຍົກລັດຖະມົນຕີ ແຫ່ງ ສປປ ລາວ, ອະດີດປະທານຄະນະກໍາມະການຮ່ວມມືລາວ-ຈີນ, ມີທ່ານ ເຫຼັກໄຫຼ ສີວິໄລ ກໍາມະການສູນກາງພັກ, ເລຂາຄະນະບໍລິຫານງານພັກແຂວງ ເຈົ້າແຂວງເຊກອງ, ພ້ອມດ້ວຍບັນດາທ່ານໃນຄະນະປະຈໍາພັກແຂວງ, ກໍາມະການພັກແຂວງ, ການນໍາ ທັງ 4 ເມືອງ, ພະແນກການ, ພະນັກງານຫຼັກແຫຼ່ງອ້ອມຂ້າງແຂວງ ເຂົ້າຮ່ວມຮັບຟັງຢ່າງພ້ອມພຽງ. 

 

 

6c26d740-e949-417a-a805-f7a2edf377a8

    ໂອກາດນີ້, ທ່ານ ສົມສະຫວາດ ເລັ່ງສະຫວັດ ໄດ້ຍົກໃຫ້ເຫັນ ປະຫວັດແຫ່ງການສ້າງຕັ້ງ ແລະການນໍາພາຂອງພັກກອມມູນນິດຈີນວ່າ: ຕະຫຼອດໄລຍະ 100 ປີ ພັກກອມມູນິດຈີນໄດ້ເຕີບໃຫຍ່ຂະຫຍາຍຕົວທາງດ້ານລະບົບການຈັດຕັ້ງພັກ ແລະສະມາຊິກພັກກໍມີຈໍານວນເພີ່ມຂຶ້ນຢ່າງຫຼວງຫຼາຍໃນອົງການຈັດຕັ້ງຂອງພັກ; ພາຍຫຼັງພັກກອມມູນິດຈີນໄດ້ຮັບການສ້າງຕັ້ງຂຶ້ນ, ສະມາຊິກພັກ ໄດ້ຮັບການຝຶກຝົນຫຼໍ່ຫຼອມຕົນເອງໃນແປວໄຟຂອງສົງຄາມຕໍ່ສູ້ປະຕິວັດປົດປ່ອຍຊາດ, ພັກໄດ້ສາມັກຄີເປັນເອກະພາບໃນການນໍາພາປະຊາຊົນຈີນດຳເນີນການຕໍ່ສູ້ຍາດເອົາໄຊຊະນະອັນຍິ່ງໃຫຍ່ຕໍ່ເນື່ອງລຽນຕິດ, ເຊິ່ງໄດ້ສ້າງສິ່ງມະຫັດສະຈັນຫຼາຍຢ່າງໃນປະຫວັດສາດຂອງຈີນ ເປັນຕົ້ນ ໄດ້ສໍາເລັດການປິຕິວັດຊາດປະຊາທິປະໄຕ ໃນສົງຄາມຕ້ານສັກດີນາ, ຂຸນເສິກ ແລະຟາດຊິດຍີ່ປຸ່ນ, ໄດ້ປະກາດຄວາມເປັນເອກະລາດຂອງຊາດ ແລະສະຖາປະນາເປັນປະເທດ ສາທາລະນະລັດ ປະຊາຊົນຈີນ ໃນວັນທີ 1 ຕຸລາ 1949; ໄດ້ສໍາເລັດການປະຕິວັດສັງຄົມນິຍົມ, ສ້າງລະບອບພື້ນຖານສັງຄົມນິຍົມ; ໄດ້ດຳເນີນການປະຕິວັດໃໝ່ທີ່ຍິ່ງໃຫຍ່ຄື: ການປະຕິຮູບ ແລະເປີດປະຕູສູ່ໂລກພາຍນອກຢ່າງປະດິດສ້າງໃນປີ 1978; ນອກນັ້ນທ່ານຍັງໄດ້ຍົກໃຫ້ເຫັນການພົວພັນລະຫວ່າງສອງພັກ, ສອງລັດຖະບານ, ການພົວພັນຮ່ວມມືຂອງສອງລັດຖະບານ ລາວ-ຈີນ ແລະສືບຕໍ່ເສີມຂະຫຍາຍມູນເຊື້ອການພົວພັນຮ່ວມມືລະຫວ່າງສອງພັກ, ສອງລັດ ແລະປະຊາຊົນສອງຊາດ ລາວ-ຈີນຕື່ມອີກ.

ຂ່າວ:ພຸດທະສອນ

ສ້າງຂື້ນໃນ ປີ 2017. ສະຫງວນລິຂະສິດໂດຍ: ພະແນກຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງເຊກອງ, ຕັ້ງຢູ່ບ້ານ ໂນນ​ມີ​ໄຊ, ເມືອງ ລະມາມ, ແຂວງ ເຊກອງ, ໂທຣ:(+856)038 211024, ແຟກ:(+856)038 211024, ມືຖື: 020 55121635
Powered by Joomla 1.7 Templates