ຍີນດີຕ້ອນຮັບເຂົ້າສູ່ເວັບໄຊພະ​ແນກ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງ​ເຊກອງ

ສ່ວຍສາອາກອນແຂວງເຊກອງເກັບ ລາຍຮັບໄດ້ 343 ຕື້ກີບ

78

ຂ່າວ : ສັນຍາ

ໃນໄລຍະຜ່ານມາ ໜ່ວຍພັກສ່ວຍສາອາກອນ ປະຈໍາແຂວງເຊກອງໄດ້ດໍາເນີນການຊີ້ນໍາຈັດຕັ້ງປະ ຕິບັດວຽກງານວິຊາສະເພາະຢ່າງຕັ້ງໜ້າ ໂດຍສະ ເພາະການເກັບກໍາຂໍ້ມູນດ້ານລາຍຮັບ, ການສ້າງ ແຜນການລາຍຮັບ ແລະການຈັດຕັ້ງປະຕິບັດເກັບ ລາຍຮັບເຂົ້າງົບປະມານຊຶ່ງຜ່ານການເຄື່ອນໄຫວ ສາມາດເກັບລາຍຮັບໄດ້ 343 ຕື້ກວ່າກີບ.

76

ວັນທີ 11 ທັນວາ 2019 ທີ່ຫ້ອງປະຊຸມພະແນກການເງິນແຂວງ, ໜ່ວຍພັກສ່ວຍສາອາກອນປະຈໍາແຂວງເຊກອງໄດ້ຈັດກອງປະຊຸມໃຫຍ່ຄັ້ງທີ II ຂອງຕົນຂຶ້ນ ໂດຍພາຍໃຕ້ການເປັນປະທານຂອງສະຫາຍ ລໍາທອງ ຍົນມະຫາໄຊ ເລຂາໜ່ວຍພັກ, ຫົວໜ້າສ່ວຍສາອາກອນປະຈໍາແຂວງ ແລະເຂົ້າຮ່ວມມີສະຫາຍ ອ້ວນຄໍາ ທຸງໄຊ ກໍາມະການພັກແຂວງ, ຫົວໜ້າຄະນະຈັດຕັ້ງແຂວງ; ພ້ອມນີ້ ກໍມີຄະນະພັກຮາກຖານ, ຄະນະໜ່ວຍພັກ, ສະມາຊິກພັກ ແລະແຂກຖືກເຊີນເຂົ້າຮ່ວມຢ່າງພ້ອມພຽງ.

79

   ກອງປະຊຸມໃຫຍ່ຄັ້ງນີ້ ໄດ້ນໍາສະເໜີບົດລາຍງານການເມືອງທີ່ໄດ້ຢັ້ງຢືນເຖິງຜົນງານ ແລະການເຄື່ອນໄຫວຈັດຕັ້ງປະ ຕິບັດມະຕິກອງປະຊຸມໃຫຍ່ຄັ້ງທີ I ຕະຫຼອດໄລຍະຜ່ານມາ ໂດຍພາຍໃຕ້ການຊີ້ນໍາໆພາຂອງຄະນະພັກຮາກຖານພະແນກ ການເງິນ, ຄະນະປະຈໍາພັກແຂວງ, ໜ່ວຍພັກໄດ້ເອົາໃຈໃສ່ສຶກສາອົບຮົມການເມືອງນໍາພາແນວຄິດໃຫ້ສະມາຊິກພັກ, ພະ ນັກງານຢ່າງເປັນປົກກະຕິ ໂດຍຖືເອົາການດໍາເນີນຊີວິດການເມືອງຂອງໜ່ວຍພັກ, ຂະແໜງການພາຍໃນ ແລະອົງການຈັດ ຕັ້ງມະຫາຊົນເປັນບ່ອນຕໍານິກໍ່ສ້າງ, ຈັດຕັ້ງການຄົ້ນຄວ້າເຊື່ອມຊຶມ ແລະກໍາແໜ້ນມະຕິຄໍາສັ່ງຕ່າງໆຂອງພັກ, ລະບຽບກົດ ໝາຍຂອງລັດ ອັນໄດ້ເຮັດໃຫ້ສະມາຊິກພັກ, ພະນັກງານ-ລັດຖະກອນມີຄວາມຮັບຮູ້ເຂົ້າໃຈຕໍ່ແນວ ທາງຂອງພັກ, ແຜນພັດ ທະນາເສດຖະກິດ-ສັງຄົມຂອງລັດ, ຫັນເປັນແຜນງານ-ໂຄງການລະອຽດສາມາດຈັດຕັ້ງປະຕິ ບັດໃຫ້ປະກົດຜົນເປັນຈິງ.

   ຕະຫຼອດໄລຍະ 5 ປີຜ່ານມາ ໜ່ວຍພັກໄດ້ດໍາເນີນການຊີ້ນໍາໃນການຈັດຕັ້ງປະຕິບັດວຽກງານວິຊາສະເພາະຢ່າງຕັ້ງໜ້າ ໂດຍສະເພາະແມ່ນການເກັບກໍາຂໍ້ມູນດ້ານລາຍຮັບ, ການສ້າງແຜນການລາຍຮັບ ແລະການຈັດຕັ້ງປະຕິບັດເກັບລາຍຮັບເຂົ້າ ງົບປະມານ ແລະຜ່ານການເຄື່ອນໄຫວສາມາດເກັບລາຍຮັບໄດ້ 343,4 ຕື້ກວ່າກີບທຽບໃສ່ແຜນເທົ່າກັບ 114,62% ໃນນີ້ ສະເພາະ 11 ເດືອນ (ເດືອນທີ 1-11) ປີ 2019 ສາມາດເກັບລາຍຮັບໄດ້ 48,58 ຕື້ກວ່າກີບທຽບໃສ່ແຜນເທົ່າກັບ 75,90%.

80

   ຂະນະດຽວກັນ ກອງປະຊຸມຍັງໄດ້ຜ່ານມະຕິ, ທິດທາງ ແລະຄາດໝາຍສູ້ຊົນໃນສະເພາະໜ້າ, ຈາກນັ້ນ ກໍໄດ້ດໍາເນີນ ການປ່ອນບັດຄັດເລືອກຄະນະພັກຊຸດໃໝ່ ໂດຍກອງປະຊຸມເຫັນດີເລືອກເອົາສະຫາຍ ລໍາທອງ ຍົນມະຫາໄຊ ເປັນເລຂາ ໜ່ວຍພັກ ເພື່ອເປັນໃຈກາງໃນການເຕົ້າໂຮມຄວາມສາມັກຄີ ແລະສືບຕໍ່ນໍາພາໜ່ວຍພັກ-ກົມກອງໃນຕໍ່ໜ້າ, ສະຫາຍ ສົມບູນ ພັນຈັນ ເປັນຮອງເລຂາ, ສະຫາຍ ສີສະໝຸດ ແສງນວນຈັນ ເປັນກໍາມະການ, ເປັນຜູ້ກວດກາໜ່ວຍພັກ.

77

   ຕອນທ້າຍ ສະຫາຍຫົວໜ້າຄະນະຈັດຕັ້ງແຂວງ ກໍໄດ້ຕີລາຄາສູງຕໍ່ການຊີ້ນໍາໆພາຂອງໜ່ວຍພັກໃນໄລຍະຜ່ານມາ ແລະຮຽກຮ້ອງໃຫ້ສືບຕໍ່ເສີມຂະຫຍາຍຜົນງານທີ່ພົ້ນເດັ່ນເຂົ້າໃນການຈັດຕັ້ງປະຕິບັດໜ້າທີ່ດ້ວຍຄວາມຮັບຜິດຊອບສູງ, ເອົາ ໃຈໃສ່ແກ້ໄຂຈຸດອ່ອນ-ຂໍ້ຄົງຄ້າງ ແລະສະກັດກັ້ນຕ້ານທຸກບັນຫາປະກົດການຫຍໍ້ທໍ້ບໍ່ໃຫ້ເກີດຂຶ້ນຢູ່ກົມກອງ; ພ້ອມນີ້ ສະ ຫາຍຍັງໃຫ້ທິດຊີ້ນໍາຕໍ່ກອງປະຊຸມຫາຍບັນຫາ, ທັງນີ້ ກໍເພື່ອໃຫ້ຄະນະໜ່ວຍພັກຊຸດໃໝ່ ແລະສະມາຊິກພັກນໍາໄປຈັດຕັ້ງ ຜັນຂະຫຍາຍ ແນໃສ່ເພື່ອເຮັດສໍາເລັດໜ້າທີ່ການເມືອງຂອງຕົນດ້ວຍບາດກ້າວຫັນປ່ຽນໃໝ່ພາຍໃຕ້ແນວທາງຂອງພັກ ແລະລະບຽບກົດໝາຍຂອງລັດ.

ສ້າງຂື້ນໃນ ປີ 2017. ສະຫງວນລິຂະສິດໂດຍ: ພະແນກຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງເຊກອງ, ຕັ້ງຢູ່ບ້ານ ໂນນ​ມີ​ໄຊ, ເມືອງ ລະມາມ, ແຂວງ ເຊກອງ, ໂທຣ:(+856)038 211024, ແຟກ:(+856)038 211024, ມືຖື: 020 55121635
Powered by Joomla 1.7 Templates