ຍີນດີຕ້ອນຮັບເຂົ້າສູ່ເວັບໄຊພະ​ແນກ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງ​ເຊກອງ

ປີນີ້ ແຂວງເຊກອງມີຜູ້ຕິດເຊື້ອໄຂ້ ຍຸງກວ່າ 740 ກໍລະນີ

72

ຂ່າວ : ສັນຍາ

  ພະຍາດໄຂ້ຍຸງລາຍເປັນເຊື້ອພະຍາດທີ່ຮ້າຍແຮງຕໍ່ຊີ ວິດໃນໄລຍະຜ່ານມາແມ່ນມີການລະບາດທີ່ມີໂຕເລກ ສູງກວ່າປີຜ່ານມາ, ແຂວງເຊກອງນັບແຕ່ວັນທີ 1 ມັງ ກອນ 2019 ຮອດປະຈຸບັນອາທິດທີ 41 ພົບຜູ້ຕິດເຊື້ອໄຂ້ຍຸງລາຍ 742 ກໍລະນີແຕ່ບໍ່ມີຜູ້ ເສຍຊີວິດ, ໃນນີ້ຫຼາຍສຸດແມ່ນເມືອງລະມາມມີ 563 ກໍລະນີ.

73

   ໃນວັນທີ 25 ພະຈິກ 2019 ທີ່ພະແນກສາທາລະນະສຸກແຂວງເຊກອງໄດ້ຈັດກອງປະຊຸມສະຫຼຸບຜົນງານ ການຈັດຕັ້ງປະຕິບັດປີ 2019 ແລະແຜນການປີ 2020 ວຽກງານປ້ອງກັນ ແລະຄວບຄຸມໄຂ້ຍຸງລາຍທົ່ວແຂວງເຊກອງ ໂດຍການເປັນປະທານຂອງທ່ານ ຖາວອນ ພົມມະໄລລຸນ ຮອງເຈົ້າແຂວງເຊກອງ, ທ່ານ ວິສັນ ອິນທະວົງ ຫົວໜ້າພະແນກ ສາທາລະນະສຸກແຂວງ; ພ້ອມນີ້ ກໍມີຜູ້ຕາງໜ້າກົມຄວບຄຸມພະຍາດໄຂ້ຍູງກະຊວງສາທາລະນະສຸກ, ທ່ານຮອງເຈົ້າເມືອງ, ຫົວໜ້າ-ຮອງພະແນກ, ຫ້ອງການ, ອົງການທຽບເທົ່າຂັ້ນແຂວງ-ເມືອງ ແລະພາກສ່ວນກ່ຽວຂ້ອງເຂົ້າຮ່ວມ.

74

   ທ່ານ ຄໍາພູຊາ ທຳມະວົງສາ ຮອງຫົວໜ້າຂະແໜງຄວບຄຸມພະຍາດຕິດຕໍ່ແຂວງເຊກອງ ໄດ້ລາຍງານການປະເມີນ ຄວາມສ່ຽງການລະບາດພະຍາດໄຂ້ຍູງລາຍວ່າ: ໃນປີ 2019 ແຂວງເຊກອງ ມີຈໍານວນຜູ້ຕິດເຊື້ອໄຂ້ຍູງລາຍທັງໝົດ 742 ກໍລະນີ ແຕ່ບໍ່ມີກໍລະນີເສຍຊີວິດ ໂດຍເມືອງລະມາມມີ 563 ກໍລະນີ, ເມືອງກະລຶມ 55 ກໍລະນີ, ເມືອງດາກຈຶງ 57 ກໍລະນີ ແລະເມືອງທ່າແຕງມີ 67 ກໍລະນີ ແລະມີການສົມທຽບຈໍານວນກໍລະນີການລະບາດໄຂ້ຍູງລາຍໃນບ້ານເປົ້າໝາຍລະຫວ່າງປີ 2019 ໂດຍພົບຜົນບວກມີ 58 ກໍລະນີ, ຂະນະທີ່ປີ 2018 ຜ່ານມາ ມີເຖິງ 74 ກໍລະນີ ແລະສະເລ່ຍຊັດສ່ວນບ້ານ ທີ່ເກີດໄຂ້ຍູງລາຍເຫັນໄດ້ວ່າ: ເມືອງລະມາມມີບ້ານທີ່ພົບກໍລະນີໄຂ້ຍູງລາຍ 47 ບ້ານ, ເມືອງທ່າແຕງ 14 ບ້ານ, ເມືອງກະ ລຶມ 16 ບ້ານ, ເມືອງດາກຈຶງ 20 ບ້ານ, ແຕ່ສະເລ່ຍອັດຕາສ່ວນລວມທົ່ວແຂວງເຊກອງໃນການເກີດໄຂ້ຍູງລາຍມີພຽງ 33,22%.

   ສ່ວນແຜນແຜນງານຕອບໂຕ້ວຽກງານສື່ສານເພື່ອຫຼຸດຜ່ອນຄວາມສ່ຽງໃນປີ2020ແມ່ນຈະໄດ້ປະເມີນຄືນຄວາມຮັບຮູ້ ກ່ຽວກັບຄວາມເຂົ້າໃຈຂອງປະຊາຊົນຕໍ່ພະຍາດໄຂ້ຍູງລາຍ, ກຳນົດພື້ນທີ່ ທີ່ຍັງມີຄວາມສ່ຽງສູງເພື່ອລົງໂຄສະນາໃຫ້ຄວາມ ຮູ້ກ່ຽວກັບການປ້ອງກັນ ແລະທໍາລາຍແຫລ່ງເພາະພັນ, ເພີ່ມການໃຫ້ຄວາມຮູ້ແກ່ພະນັກງານທົ່ວໄປກ່ຽວກັບພະຍາດໄຂ້ ຍູງລາຍ ແລະເພີ່ມການໃຫ້ສຸຂະສຶກສາແກ່ຄອບຄົວຂອງຄົນເຈັບທີ່ມາກວດ, ນອນໂຮງໝໍ ແລະປິ່ນປົວຢູ່ບ້ານ.

75

   ໃນໂອກາດດຽວກັນນີ້ ຍັງໄດ້ມອບໃບຍ້ອງຍໍ-ໃບຊົມເຊີຍຂອງທ່ານເຈົ້າແຂວງໆເຊກອງ, ຂອງທ່ານຫົວໜ້າພະ ແນກສາທາລະນະສຸກແຂວງໃຫ້ແກ່ຄົນກົມກອງ ແລະບຸກຄົນທີ່ມີຜົນງານປະກອບສ່ວນເຂົ້າໃນວຽກງານປ້ອງກັນ ແລະຄວບ ຄຸມພະຍາດໄຂ້ຍຸງລາຍຈໍານວນ 202 ຄົນ, ຍິງ 104 ຄົນ ແລະກົມກອງ 50 ກົມກອງ, ໃນນີ້ໄດ້ຮັບໃບຍ້ອງຍໍ-ໃບຊົມ ເຊີຍທ່ານເຈົ້າແຂວງ 86 ຄົນ, ຍິງ 37 ຄົນ ແລະກົມກອງມີ 40 ກົມກອງ.

ສ້າງຂື້ນໃນ ປີ 2017. ສະຫງວນລິຂະສິດໂດຍ: ພະແນກຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງເຊກອງ, ຕັ້ງຢູ່ບ້ານ ໂນນ​ມີ​ໄຊ, ເມືອງ ລະມາມ, ແຂວງ ເຊກອງ, ໂທຣ:(+856)038 211024, ແຟກ:(+856)038 211024, ມືຖື: 020 55121635
Powered by Joomla 1.7 Templates