ຍີນດີຕ້ອນຮັບເຂົ້າສູ່ເວັບໄຊພະ​ແນກ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງ​ເຊກອງ

ເມືອງລະມາມ ກຽມຈັດບຸນຊ່ວງ ເຮືອປະເພນີ

71

ຂ່າວ : ສັນຍາ

ງານບຸນຊ່ວງເຮືອປະເພນີທີ່ຕິດພັນກັບການສະເຫຼີມ ສະຫຼອງວັນຊາດທີ 2 ທັນວາຄົບຮອບ 44 ປີທີ່ ເມືອງລະມາມແຂວງເຊກອງປີນີ້ ຈະຈັດຂຶ້ນໃນວັນ ທີ 1 ທັນວານີ້, ຂະນະທີ່ອໍານາດການປົກຄອງ ເມືອງເປີດເຜີຍວ່າ ຈະມີເຮືອກວ່າ 20 ລໍາເຂົ້າ ຮ່ວມແຂ່ງຂັນ ພ້ອມງານວາງສະແດງສິນຄ້າທີ່ຫຼາກ ຫຼາຍ, ທັງນີ້ ກໍເພື່ອເປັນການສ້າງຄວາມ ປະທັບ ໃຈໃຫ້ກັບບັນດາແຂກ ກໍຄືນັກທ່ອງທ່ຽວທີ່ເຂົ້າ ຊົມຕະຫຼອດງານໄດ້ຕິດອົກຕິດໃຈກວ່າຄັ້ງຜ່ານໆມາ.

 

70

     ທ່ານ ຂັນຕີ ສີລະວົງສາ ເຈົ້າເມືອງໆລະມາມ, ປະທານຊີ້ນໍາຄະນະກໍາມະການຮັບຜິດຊອບຈັດງານບຸນຊ່ວງເຮືອປະຈໍາປີ 2019 ໃຫ້ສໍາພາດຕໍ່ສື່ມວນຊົນວ່າ: ງານບຸນຊ່ວງເຮືອປະເພນີປະຈໍາປີ 2019 ຕິດພັນກັບການສະເຫຼີມສະຫຼອງວັນຊາດທີ 2 ທັນວາຄົບຮອບ 44 ປີ, ປີນີ້ເປັນງານເທສະການບຸນໃຫຍ່ຂອງເມືອງລະມາມ ກໍຄືແຂວງເຊກອງ ຊຶ່ງສະແດງ ໃຫ້ເຫັນເຖິງການອະນຸລັກຮັກສາ ແລະເສີມຂະຫຍາຍມູນເຊື້ອດ້ານວັດທະນະທຳ, ຮີດຄອງປະເພນີອັນດີງາມຂອງແຂວງເຊ ກອງ, ການສະເຫຼີມສະຫຼອງວັນຊາດທີ2ທັນວາ ແລະວັນສໍາຄັນອື່ນໆຂອງຊາດໃຫ້ມີບັນຍາກາດເບີກບານມ່ວນ ຊື່ນເຕັມໄປດ້ວຍຄວາມໝາຍສຳຄັນ.

69

    ສໍາລັບການຈັດງານໃນປີນີ້ ການນໍາຂອງເມືອງຈະໄດ້ຍົກລະດັບຂອງງານບຸນໃຫ້ສູງກວ່າປີກ່ອນໆ ໂດຍໄດ້ກໍານົດ ເອົາວັນທີ 1 ທັນວາ 2019 ກົງກັບວັນອາທິດ ທີ່ບໍລິເວນທ່າວັງຊ້າງ(ທ່າບັກເກົ່າ) ບ້ານເພຍໃໝ່ ແລະຄາດວ່າຈະ ມີເຮືອເຂົ້າຮ່ວມແຂ່ງຂັນທັງໝົດ 21 ລໍາ 26 ຄະນະ ໂດຍການລົງທະບຽນເຮືອນ້ອຍ 19-22 ສີພາຍ 1 ລ້ານກີບຕໍ່ຄະນະ ແລະເຮືອໃຫຍ່ 35-40 ສີພາຍ 3 ລ້ານກີບຕໍ່ຄະນະ; ການຈັດງານໃນປີນີ້ ແມ່ນເປັນການເປີດກວ້າງ ແລະໄດ້ເຊີນ ເອົາບັນດາອ້ອມຂ້າງເປັນຕົ້ນແຂວງສາລວັນ, ຈໍາປາສັກ ແລະແຂວງອັດຕະປືເຂົ້າມາຮ່ວມ ເພື່ອໃຫ້ບັນດາແຂກທັງພາຍໃນ ແລະຕ່າງປະເທດໄດ້ຮັບຊົມມີຄວາມປະທັບໃຈ ແລະເພີ່ງພໍໃຈ.

   ນອກນັ້ນ ຍັງມີການໂຄສະນາຂາຍສິນຄ້າປະເພດຕ່າງໆຈາກຫຼາຍພາກສ່ວນທັງພາຍໃນ ແລະຕ່າງປະເທດ, ດັ່ງນັ້ນ ທ່ານ ເຈົ້າເມືອງຈຶ່ງຂໍເຊີນຊວນບັນດາທ່ານ ກໍຄືນັກທ່ອງທ່ຽວທັງພາຍໃນ ແລະຕ່າງປະເທດເຂົ້າມາທ່ຽວມາຊົມງານບຸນ ຊ່ວງເຮືອທີ່ ເມືອງລະມາມແຂວງເຊກອງ ເມື່ອໄດ້ມາເຫັນແລ້ວບັນດາທ່ານຄົງຕິດອົກຕິດໃຈ ມີຄວາມປະທັບໃຈໃນງານນີ້ຫຼາຍກວ່າ ປີຜ່ານມາໆແນ່ນອນ.

ສ້າງຂື້ນໃນ ປີ 2017. ສະຫງວນລິຂະສິດໂດຍ: ພະແນກຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງເຊກອງ, ຕັ້ງຢູ່ບ້ານ ໂນນ​ມີ​ໄຊ, ເມືອງ ລະມາມ, ແຂວງ ເຊກອງ, ໂທຣ:(+856)038 211024, ແຟກ:(+856)038 211024, ມືຖື: 020 55121635
Powered by Joomla 1.7 Templates