ຍີນດີຕ້ອນຮັບເຂົ້າສູ່ເວັບໄຊພະ​ແນກ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງ​ເຊກອງ

ຖວທ ເຊື່ອມຊຶມເອກະສານສໍາຄັນ ຂອງພັກ ແລະຂອງຊາດ

64

ຂ່າວ : ສັນຍາ

ພະແນກຖະແຫຼງຂ່າວ, ວັດທະນະທໍາ ແລະທ່ອງ ທ່ຽວ  (ຖວທ) ແຂວງເຊກອງ ໄດ້ຈັດປາຖະກະ ຖາ ເຊື່ອມຊຶມເອກະສານສຳຄັນຂອງພັກ ແລະ ຂອງຊາດຄື: ປາຖະກະຖາວັນການທູດລາວຄົບ ຮອບ 74 ປີ; ວັນສ້າງຕັ້ງສະຫະພັນນັກຮົບເກົ່າ ແຫ່ງຊາດລາວຄົບຮອບ 17 ປີ, ວັນຊາດ ສສ ຫວຽດນາມຄົບຮອບ 74 ປີ ແລະວັນຄູແຫ່ງ ຊາດຄົບຮອບ 25 ປີ, ຂຶ້ນໃນວັນທີ 13 ພະຈິກ 2019 ທີ່ ຖວທ ໂດຍມີສະຫາຍ ບຸນທົງ ຖິ່ນ ດອນໂຂງ ຮອງເລຂາຄະນະພັກຮາກຖານ, ຮອງ ຫົວໜ້າພະແນກ ຖວທ ແຂວງ; ບັນດາສະຫາຍ ຄະນະພັກຮາກຖານ-ຄະນະ ໜ່ວຍພັກ, ຄະນະ ພະແນກ ແລະພະນັກງານວິຊາການພາຍໃນເຂົ້າ ຮ່ວມຮັບຟັງ.

 

   ໃນການປາຖະກະຖາຄັ້ງນີ້ທ່ານ ຈັນໄທ ຄໍາມະນີວົງ ຮອງຫົວໜ້າພະແນກ ຖວທ ແຂວງໄດ້ຍົກໃຫ້ເຫັນເຖິງປະຫວັດ ຄວາມເປັນມາຂອງວັນການທູດລາວການເຕີບໃຫຍ່ຂະຫຍາຍຕົວຂອງການທູດລາວ ແລະຜົນສໍາເລັດອັນໃຫຍ່ຫຼວງ ຂອງວຽກງານການຕ່າງປະເທດ ແລະການທູດຂອງພັກ ແລະລັດ ທີ່ຍາດມາໄດ້ນັ້ນ ແມ່ນຍ້ອນແນວທາງອັນຖືກຕ້ອງສອດ ຄ່ອງຂອງພັກເຮົາ ໂດຍການປະຕິບັດນະໂຍບາຍການຕ່າງປະເທດສັນຕິພາບເອກະລາດມິດຕະພາບ ແລະການຮ່ວມມື ແບບສະເໝີຕົ້ນສະເໝີປາຍ ບົນພື້ນຖານບັນດາຫຼັກການ, ເຄົາລົບເອກະລາດອະທິປະໄຕຂອງກັນບໍ່ແຊກແຊງ ເຂົ້າວຽກງານພາຍໃນຂອງກັນສະເໝີພາບ ແລະຕ່າງຝ່າຍຕ່າງມີຜົນປະໂຫຍດ ຊຶ່ງເຫັນໄດ້ຈາກຖານະບົດບາດໃນເວທີພາກ ພື້ນ ແລະສາກົນຂອງ ສປປ ລາວ ທີ່ນັບມື້ນັບພົ້ນເດັ່ນຂຶ້ນ ທັງໃນຂອບສອງຝ່າຍ ແລະຫຼາຍຝ່າຍມີເພື່ອນມິດສະຫາຍ ນັບມື້ນັບກວ້າງຂວາງຂຶ້ນມີນັກລົງທຶນຈາກຫຼາຍປະເທດມີຄວາມສົນໃຈມາລົງທຶນໃນລາວນັບມື້ນັບຫຼາຍຂຶ້ນ ແລະບັນ ດານັກທ່ອງທ່ຽວຕ່າງປະເທດທີ່ເຂົ້າມາ ສປປ ລາວ ກໍມີຈໍານວນເພີ່ມຂຶ້ນໃນແຕ່ລະປີ.

   ປັດຈຸບັນ ສປປ ລາວ ມີການພົວພັນການທູດທັງໝົດກັບ 143 ປະເທດ, ມີການພົວພັນກັບພັກການເມືອງ ເກືອບ 140 ໃນທົ່ວໂລກມີສໍານັກງານຕາງໜ້າການທູດຢູ່ຕ່າງປະເທດທັງໝົດ 41 ແຫ່ງປະກອບມີ: ສະຖານເອກອັກ ຄະລັດຖະທູດ 27 ແຫ່ງສໍານັກງານຜູ້ຕາງໜ້າຖາວອນລາວ 3 ແຫ່ງກົງສຸນໃຫຍ່ແຫ່ງ ສປປ ລາວ 10 ແຫ່ງຫ້ອງການ ຜູ້ຕາງໜ້າກົງສຸນໃຫຍ່ 1 ແຫ່ງກົງສຸນກິດຕິມະສັກມີທັງໝົດ 12 ປະເທດກົງສຸນກິດຕິມະສັກຕ່າງປະເທດຢູ່ລາວ ມີ 18 ປະເທດສປປ ລາວ ໄດ້ເຂົ້າເປັນສະມາຊິກຂອງກຸ່ມອົງການຈັດຕັ້ງໃນພາກພື້ນ ແລະສາກົນຫຼາຍກວ່າ 130 ອົງການ.

   ນອກຈາກນັ້ນຍັງໄດ້ເຂົ້າຮ່ວມກຸ່ມຕ່າງໆອີກລວມທັງກຸ່ມ 77 ແລະຈີນ (Group of 77 and China),  ຂະ ບວນການບໍ່ຮ່ວມກຸ່ມ (NAM=Non-Aligned Movement) ກຸ່ມປະເທດດ້ອຍພັດທະນາ (Least Developed CountriesLDCs),  ກຸ່ມປະເທດກຳລັງພັດທະນາ ທີ່ບໍ່ມີຊາຍແດນຕິດທະເລ (Landlocked developing countriesLLDCs) ແລະ ສປປ ລາວ ຍັງໄດ້ມີອົງການຈັດຕັ້ງທີ່ບໍ່ສັງກັດລັດຖະບານທີ່ໄດ້ລົງທະບຽນເຄື່ອນໄຫວຢູ່ ສປປ ລາວ ຈໍານວນ 170 ອົງການ.

    ພ້ອມດຽວກັນນັ້ນສະຫາຍໃນຄະນະພັກຮາກຖານຍັງໄດ້ຜັດປ່ຽນກັນຂຶ້ນບັນຍາຍເອກະສານມູນເຊື້ອວັນສໍາຄັນຕ່າງໆຄື: ວັນຄູແຫ່ງຊາດຄົບຮອບ 25 ປີ (7 ຕຸລາ 1994-7 ຕຸລາ 2019); ວັນສ້າງຕັ້ງສະຫະພັນນັກຮົບເກົ່າແຫ່ງຊາດລາວຄົບຮອບ 17 ປີ (9 ກັນຍາ 2002-9 ກັນຍາ 2019) ແລະວັນຊາດ ສສ ຫວຽດນາມຄົບຮອບ 74 ປີ (2 ກັນຍາ 1945-2 ກັນຍາ 2019).

     ການຈັດຕັ້ງເຜີຍແຜ່, ເຊື່ອມຊຶມບັນດາເອກະສານສໍາຄັນດັ່ງກ່າວ ໄດ້ເປັນໂອກາດທີ່ດີໃຫ້ແກ່ພະນັກງານພາຍໃນພະແນກ ຖວທ ແຂວງ ເຫັນໄດ້ມູນເຊື້ອອັນດີງາມຂອງປະຊາຊົນລາວໃນການຕໍ່ສູ້ຍາດເອົາເອກະລາດແຫ່ງຊາດ, ພາຍໃຕ້ການນໍາພາ ອັນຖືກຕ້ອງຂອງພັກປະຊາຊົນປະຕິວັດລາວ, ສ້າງໃຫ້ພະນັກງານເຫັນໄດ້ຄວາມຮັບຜິດຊອບໃນການສືບຕໍ່ພາລະກິດປົກປັກ ຮັກສາ ແລະສ້າງສາປະເທດຊາດໃນປັດຈຸບັນ.

ສ້າງຂື້ນໃນ ປີ 2017. ສະຫງວນລິຂະສິດໂດຍ: ພະແນກຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງເຊກອງ, ຕັ້ງຢູ່ບ້ານ ໂນນ​ມີ​ໄຊ, ເມືອງ ລະມາມ, ແຂວງ ເຊກອງ, ໂທຣ:(+856)038 211024, ແຟກ:(+856)038 211024, ມືຖື: 020 55121635
Powered by Joomla 1.7 Templates