ຍີນດີຕ້ອນຮັບເຂົ້າສູ່ເວັບໄຊພະ​ແນກ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງ​ເຊກອງ

ສໍາເລັດກອງປະຊຸມໃຫຍ່ຄັ້ງທີ III ສະຫະພັນກໍາມະບານພະແນກສາ ທາລະນະສຸກແຂວງ

46

ຂ່າວ : ສັນຍາ

 ກອງປະຊຸມໃຫຍ່ຄັ້ງທີ III ຂອງສະຫະພັນກໍາ ມະບານພະແນກສາທາລະນະສຸກແຂວງເຊກອງໄດ້ ໄຂຂຶ້ນ ແລະສໍາເລັດລົງໃນຕອນເຊົ້າວັນທີ 16 ຕຸ ລານີ້ ໂດຍການເປັນປະທານຂອງທ່ານ ນາງ ຈັນສີ ວົງຄໍາສາ ປະທານຄະນະບໍລິຫານງານສະຫະພັນ ກໍາມະບານພະແນກສາທາລະນະສຸກແຂວງ ແລະ ເຂົ້າຮ່ວມມີທ່ານ ວົງເດືອນ ຈັນທະບຸດຊຽງ ຄະ ນະບໍລິຫານງານສູນກາງສະຫະພັນກໍາມະ ບານ ລາວ, ປະທານຄະນະບໍລິຫານງານສະຫະພັນກໍາ ມະບານແຂວງ, ທ່ານ ວິສັນ ອິນທະວົງ ກໍາມະ ການພັກແຂວງ, ເລຂາຄະນະພັກຮາກຖານ, ຫົວ ໜ້າພະແນກສາທາລະນະສຸກແຂວງ; ນອກນີ້ ກໍມີ ຄະນະພັກ-ຄະນະໜ່ວຍພັກ, ຮອງຫົວໜ້າພະ ແນກ, ຄະນະໜ່ວຍ, ສະມາຊິກກໍາ ມະບານ ແລະແຂກຖືກເຊີນເຂົ້າຮ່ວມ.

47

    ກອງປະຊຸມໃຫຍ່ຄັ້ງນີ້ ທ່ານ ນາງ ຈັນສີ ວົງຄໍາສາ ກໍ່ໄດ້ນໍາສະເໜີບົດລາຍງານການເມືອງທີ່ຢັ້ງຢືນເຖິງຜົນງານ ແລະການເຄື່ອນໄຫວວຽກງານໄລຍະຜ່ານມາ ໂດຍພາຍໃຕ້ການຊີ້ນໍາໆພາຂອງຄະນະພັກ-ຄະນະພະແນກ, ຄະນະປະທານສະຫະພັນກໍາມະບານຮາກຖານ ໄດ້ຕັ້ງໜ້າສຶກສາອົບຮົມການເມືອງນໍາພາແນວຄິດໃຫ້ ພະນັກງານ-ລັດຖະ ກອນ ກໍຄືສະມາຊິກກໍາມະບານເປັນປົກກະຕິຕໍ່ເນື່ອງ ໂດຍຖືເອົາການດໍາເນີນຊີວີດການເມືອງພາຍໃນຈຸໜ່ວຍ, ຂະ ແໜງການພາຍໃນ ແລະອົງການຈັດຕັ້ງອື່ນໆເປັນບ່ອນຕໍານິກໍ່ສ້າງ, ການຄົ້ນຄວ້າເຊື່ອມຊຶມ ແລະກໍາແໜ້ນມະຕິຂອງພັກ, ລະບຽບກົດໝາຍຂອງລັດ ແລະມູນເຊື້ອວັນສໍາຄັນຕ່າງໆ, ອັນໄດ້ເຮັດໃຫ້ພະນັກງານ-ລັດຖະກອນ ກໍຄືສະມາຊິກກໍາ ມະບານໄດ້ຮັບຮູ້ເຂົ້າໃຈຕໍ່ແນວທາງການເມືອງຂອງພັກ, ແຜນພັດທະນາເສດຖະກິດ-ສັງຄົມຂອງລັດ ແລະຫັນເປັນແຜນ ງານ, ເປັນໂຄງການລະອຽດສາມາດປະຕິບັດໃຫ້ປະກົດຜົນເປັນຈິງ.

48

      ສະຫະພັນກໍາມະບານພະແນກສາທາລະນະສຸກແຂວງປະກອບມີ 3 ໜ່ວຍຂຶ້ນກັບ, ມີສະມາຊິກທັງໝົດ 200 ກວ່າຄົນ, ຍິງ 140 ກວ່າຄົນ ເຊິ່ງໃນ 5 ປີນັບແຕ່ 2015-2019 ຄະນະປະທານ ແລະສະມາຊິກໄດ້ເອົາໃຈໃສ່ ພ້ອມກັນຈັດຕັ້ງປະຕິບັດຂໍ້ແຂ່ງຂັນ 5 ເປັນເຈົ້າ ທີ່ສູນກາງສະຫະພັນກໍາມະບານລາວວາງອອກຕິດພັນກັບວຽກ ງານວິຊາສະເພາະຂອງຕົນດ້ວຍຄວາມຮັບຜິດຊອບສູງ ແລະເປັນຂະບວນຟົດຟື້ນ, ດ້ວຍການຜັນຂະຫຍາຍມະຕິຕ່າງໆ ຂອງພັກ, ແຜນພັດທະນາເສດຖະກິດ-ສັງຄົມຂອງລັດ ກໍຄືແຜນການເຄື່ອນໄຫວວຽກງານສາທາລະນະສຸກໃນແຕ່ລະປີ ຊຶ່ງເຮັດໃຫ້ວຽກງານສາທາລະນະສຸກແຂວງເຊກອງມີການພັດທະນາໄປສູ່ບາດກ້າວໃໝ່ທີ່ດີຂຶ້ນກວ່າເກົ່າ.

49

    ກອງປະຊຸມຍັງໄດ້ຜ່ານບົດລາຍງານການຊີ້ນໍາໆພາລວມຂອງຄະນະໜ່ວຍຊຸດເກົ່າ, ຜ່ານມະຕິ, ທິດທາງ ແລະຄາດໝາຍສູ້ຊົນໃນຕໍ່ໜ້າ, ຈາກນັ້ນ ກໍ່ໄດ້ດໍາເນີນການປ່ອນບັດເອົາຄະນະປະທານຊຸດໃໝ່ ໂດຍກອງປະຊຸມເຫັນ ດີເລືອກເອົາທ່ານ ນາງ ຈັນສີ ຄໍາວົງສາ ເປັນປະທານ; ທ່ານ ດຣ ສຸກກະເສີມ ສີວົງສາ ເປັນຮອງປະທານ; ທ່ານ ເພັດ ສະໝອນ ແພງສຸລິພັນ ເປັນຮອງປະທານ, ທັງເປັນປະທານກວດກາ; ສ່ວນທ່ານ ນາງ ພູວົງ ສິມມະວັນ, ທ່ານ ໝອກແກ້ວ ໝື່ນວິເສດ, ທ່ານ ນາງ ລິນໄຊ ພະສະແຫວງ ແລະທ່ານ ນາງ ວາລິນ ເພັງພະຈັນ ເປັນຄະນະ.

50

   ຕອນທ້າຍກອງປະຊຸມ ກໍໄດ້ຮັບຟັງການໂອ້ລົມຈາກທ່ານປະທານຄະນະບໍລິຫານງານສະຫະພັນກໍາມະບານແຂວງເຊກອງ ທີ່ຈະເປັນທິດຊີ້ນຳໃຫ້ແກ່ຄະນະປະທານກໍາມະບານຮາກຖານພະແນກສາທາລະນະສຸກແຂວງ ເພື່ອສືບຕໍ່ຊີ້ນໍາໆພາການປະ ຕິບັດມະຕິກອງປະຊຸມໃນຕໍ່ໜ້າ.

ສ້າງຂື້ນໃນ ປີ 2017. ສະຫງວນລິຂະສິດໂດຍ: ພະແນກຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງເຊກອງ, ຕັ້ງຢູ່ບ້ານ ໂນນ​ມີ​ໄຊ, ເມືອງ ລະມາມ, ແຂວງ ເຊກອງ, ໂທຣ:(+856)038 211024, ແຟກ:(+856)038 211024, ມືຖື: 020 55121635
Powered by Joomla 1.7 Templates