ຍີນດີຕ້ອນຮັບເຂົ້າສູ່ເວັບໄຊພະ​ແນກ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງ​ເຊກອງ

ດາກຈຶງ ເລີ່ມເສຍຄ່າທາງ ແລະພາສີ ທີ່ດິນ ຜ່ານທະນາຄານ

42

ຂ່າວ : ສັນຍາ

ສ່ວຍສາອາກອນປະຈໍາແຂວງ, ທະນາຄານການຄ້າ ຕ່າງປະເທດລາວມະຫາຊົນສາຂາເຊກອງ, ເຈົ້າໜ້າ ທີ່ຕໍາຫຼວດຈາລະຈອນແຂວງ ແລະຫ້ອງການໆເງິນ ເມືອງດາກຈຶງໄດ້ຮ່ວມກັນເປີດຂະບວນການຊຸກຍູ້ ເສຍຄ່າທໍານຽມທາງ  ແລະ ພາສີທີ່ດິນຜ່ານລະບົບ ທະນາຄານປະຈໍາປີ 2019 ຂຶ້ນໃນວັນທີ 3 ກັນຍາ 2019  ໂດຍມີ ທ່ານ ຄອນປະເສີດ ຫຼວງສຸວັນນະ ວົງ ຫົວໜ້າ ທຄຕລ ສາຂາເຊກອງ,  ທ່ານ ພັນໂທ ຊຽງກ່ອງແກ້ວ ບຸດດາເຮືອງ  ຮອງຫົວໜ້າຫ້ອງຕໍາ ຫຼວດກອງບັນຊາການ ປກສ ແຂວງ, ທ່ານ ສົມບູນ ພັນຈັນ ຮອງຫົວໜ້າສ່ວຍສາອາກອນປະຈໍາແຂວງ, ທ່ານຫົວໜ້າຫ້ອງການໆການເງິນເມືອງດາກຈຶງ, ພະ ນັກງານວິຊາການກ່ຽວຂ້ອງ ແລະອົງການປົກ ຄອງ 4 ບ້ານເທສະບານເມືອງເຂົ້າຮ່ວມ.

43

       ທ່ານ ຄອນປະເສີດ ຫຼວງສຸວັນນະວົງ ກ່າວວ່າ: ການເປີດຂະບວນການຊຸກຍູ້ຊໍາລະຄ່າທຳນຽມທາງ ແລະພາສີທີ່ດິນ ຄັ້ງນີ້ ແມ່ນປະຕິບັດຕາມແຈ້ງການຂອງຜູ້ອໍານວຍການໃຫຍ່ທະນາຄານການຄ້າຕ່າງປະເທດລາວມະຫາຊົນ ສະບັບເລກທີ 210/ທຄຕລ, ລົງວັນທີ 3 ກັນຍາ 2019 ໂດຍທົ່ວແຂວງເຊກອງຈະລົງເຄື່ອນໄຫວມີຢູ່ 6 ຈຸດຄື: ຈຸດນີ້ແມ່ນເປັນຈຸດທີ 4 ທັງນີ້ ກໍເພື່ອໂຄສະນາປຸກລະດົມ, ກະຕຸກຊຸກຍູ້ ແລະອໍານວຍຄວາມສະດວກໃຫ້ອົງການຈັດຕັ້ງທຸກພາກສ່ວນ, ພໍ່ຄ້າຊາວ ຂາຍ ແລະປະຊາຊົນບັນດາເຜົ່າໄດ້ມາຊໍາລະຄ່າທໍານຽມທາງ ແລະພາສີທີ່ດິນປະຈໍາປີ 2019 ໃຫ້ເປັນຂະບວນຟົດຟື້ນ, ອັນ ສໍາຄັນກໍ່ແມ່ນການສ້າງຂະບວນການໃຫ້ເປັນແບບຢ່າງນໍາໜ້າສະແດງເຖິງສະຕິຕື່ນຕົວ, ຄວາມສະໝັກໃຈທີ່ປະກອບສ່ວນ ເຂົ້າງົບປະມານໃຫ້ແກ່ລັດ ກໍຄືການສ້າງສາພັດທະນາປະເທດຊາດ.

44

       ການເສຍ ຫຼື ການຊໍາລະຄ່າທໍານຽມທາງ ແລະພາສີທີ່ດິນຜ່ານລະບົບທະນາຄານສາມາດຊໍາລະໄດ້ 6ຊ່ອງທາງຄື: ຜ່ານ ເຄົາເຕີ້ບໍລິການ BCEL, ຜ່ານລະບົບ BCEL one, ຜ່ານ BCELi-Bank, ຜ່ານຕູ້ເອທີເອັມ ATM ຂອງ BCEL, ຜ່ານ ຕູ້ຮັບຊໍາລະອັດຕະໂນມັດ ແລະຕົວແທນ BCOME.

       ດ້ານທ່ານ ສົມບູນ ພັນຈັນ ຮອງຫົວໜ້າສ່ວຍສາອາກອນປະຈໍາແຂວງເຊກອງໃຫ້ຮູ້ວ່າ: ການເສຍຄ່າທໍານຽມທາງ ແມ່ນເສຍຕາມຄວາມແຮງຂອງລົດ ຊຶ່ງໄດ້ກໍານົດໃນລັດຖະບັນຍັດຂອງປະທານປະເທດສະບັບເລກທີ 001/ປປທ, ສ່ວນ ລົດທີ່ຊື້ໃໝ່ດ້ວຍການຜ່ອນ ຫຼື ດາວທີ່ບໍ່ທັນໄດ້ຂຶ້ນທະບຽນ (ບໍ່ທັນມີປ້າຍທະບຽນ) ແມ່ນຍັງບໍ່ທັນສາມາດເສຍຄ່າທໍາ ນຽມທາງໄດ້ຈົນກວ່າຈະໄດ້ໃບທະບຽນ, ແຕ່ໃນກໍລະນີຊື້ຜ່ອນ ຫຼື ດາວ ລົດມືສອງທີ່ໄດ້ຂຶ້ນທະບຽນ (ມີປ້າຍທະບຽນ) ກໍ່ຕ້ອງໄດ້ເສຍຄ່າທໍານຽມທາງ, ຍ້ອນແນວນັ້ນ ຖ້າທ່ານໃດຈະຊື້ລົດ, ຊື້ຜ່ອນ ຫຼື ດາວລົດທີ່ຂຶ້ນທະບຽນແລ້ວຕ້ອງ ຖາມຜູ້ຂາຍລົດໃຫ້ລະອຽດວ່າ ລົດທີ່ຈະຊື້ນັ້ນເສຍຄ່າທໍານຽມທາງຮອດປີໃດ ເພື່ອຄວາມສະດວກເວລາທີ່ທ່ານຊື້ໄປນໍາໃຊ້.

41

      ທ່ານຮອງຫົວໜ້າສ່ວຍສາອາກອນແຂວງຍັງໄດ້ເຊີນຊວນ ແລະຮຽກຮ້ອງມາຍັງອົງການຈັດຕັ້ງພັກ-ລັດ, ຫົວໜ່ວຍທຸ ລະ ກິດ ແລະປະຊາຊົນບັນດາເຜົ່າພາຍໃນແຂວງເຊກອງ ໂດຍສະເພາະເມືອງທ່າແຕງໃຫ້ພ້ອມກັນມາປະກອບສ່ວນມອບ ພັນ ທະ ເຂົ້າງົບປະມານແຫ່ງລັດ ດ້ວຍການແຈ້ງເສຍຄ່າທໍານຽມທາງ, ຮັບປະກັນໃຫ້ໄດ້ໝາກຜົນ ແລະປະສິດທິພາບສູງ ຕາມຈຸດປະສົງຄາດໝາຍແຜນການທີ່ວາງໄວ້.

       ເມືອງດາກຈຶງໄດ້ຮັບມອບໝາຍຕົວເລກການເກັບລາຍຮັບຈາກພາສີທີ່ດິນທັງໝົດ 120 ລ້ານກີບ, ຜ່ານການປະຕິບັດ ຕົວຈິງ 9 ເດືອນຜ່ານມາ ສາມາດເກັບໄດ້ 60 ລ້ານກີບເທົ່າກັບ 50% ຂອງແຜນການປີ ໂດຍບັນຫາຫຼັກທີ່ເຮັດໃຫ້ການເກັບ ລາຍຮັບຈາກພາສີທີ່ດິນພາຍໃນເມືອງບໍ່ເປັນໄປຕາມແຜນທີ່ວາງໄວ້ ແມ່ນຍ້ອນຂໍ້ມູນດ້ານທີ່ດິນບໍ່ຊັດເຈນ.

ສ້າງຂື້ນໃນ ປີ 2017. ສະຫງວນລິຂະສິດໂດຍ: ພະແນກຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງເຊກອງ, ຕັ້ງຢູ່ບ້ານ ໂນນ​ມີ​ໄຊ, ເມືອງ ລະມາມ, ແຂວງ ເຊກອງ, ໂທຣ:(+856)038 211024, ແຟກ:(+856)038 211024, ມືຖື: 020 55121635
Powered by Joomla 1.7 Templates