ຍີນດີຕ້ອນຮັບເຂົ້າສູ່ເວັບໄຊພະ​ແນກ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງ​ເຊກອງ

ສານປະຊາຊົນສອງແຂວງແລກປ່ຽນ ບົດຮຽນ

35

ຂ່າວ : ສັນຍາ

ວັນທີ 1 ຕຸລາ 2019 ທີ່ສານປະຊາຊົນແຂວງ ເຊ ກອງ, ທ່ານ ສົມຈິດ ວໍລະວົງ ປະທານສານປະຊາ ຊົນແຂວງເຊກອງ ພ້ອມຄະນະ ໄດ້ຕ້ອນຮັບການ ມາຮ່ວມເຮັດວຽກ ແລະ ແລກປ່ຽນບົດຮຽນຂອງ ສານປະຊາຊົນ ແຂວງເທື່ອທຽນເຫວ້ ສສ ຫວຽດ ນາມ  ນໍາໂດຍທ່ານ ຫງວຽນ ວັນ ເບື່ອງ ປະທານ ສານປະຊາຊົນແຂວງເທື່ອທຽນເຫວ້ ພ້ອມຄະນະ ຢ່າງອົບອຸ່ນ ແລະສົມກຽດ.

32

ໃນການປຶກສາຫາລືຄັ້ງນີ້ ສອງຝ່າຍເຫັນດີເປັນເອກະພາບເພີ່ມທະວີຄວາມສາມັກຄີ ແລະການແລກປ່ຽນບົດຮຽນ ເຈົ້າໜ້າທີ່ຂັ້ນສານ, ສືບສວນ-ສອບສວນຕັດສິນຄະດີ, ວຽກງານປັບປຸງ ແກ້ໄຂການບໍລິຫານຄວາມຍຸຕິທໍາທຸກໆປີຫຼືໄຕມາດ, ມີການຈັດຕັ້ງທັດສະນະສຶກສາແລກປ່ຽນບົດຮຽນທັງສອງຝ່າຍ ເພື່ອຍົກສູງຜົນສໍາວຽກງານສືບສວນ-ສອບສວນຕັດສິນຄະ ດີ ແລະປັບປຸງ ແກ້ໄຂ ຄວາມຍຸຕິທໍາ, ແລກປ່ຽນຂໍ້ມູນຂ່າວສານຮ່ວມກັນໂດຍກົງ ຫຼື ຜ່ານສານປະຊາຊົນສູງສຸດຂອງແຕ່ລະ ປະເທດ, ທັງນີ້ ສອງຝ່າຍມີຄວາມຮັບຜິດຊອບໃນການຈັດຕັ້ງປະຕິ ບັດສົນທິສັນຍາ ວ່າດ້ວຍການຮ່ວມມືຂົງເຂດຂອງສານ ປະຊາຊົນບັນດາແຂວງທີ່ມີຊາຍແດນຮ່ວມຂອງສອງປະເທດ ກ່ຽວກັບບັນຫາການຕ້ານການເກີດມີຄະດີຫຼືຕ້ອງໂທດອື່ນໆ   

ທ່ານ ສົມຈິດ ວໍລະວົງ ປະທານສານປະຊາຊົນແຂວງເຊກອງຍັງໃຫ້ຮູ້ອີກວ່າ: ການມາຢ້ຽມຢາມ ແລະຮ່ວມເຮັດ ວຽກຂອງສານປະຊາຊົນແຂວງເທື່ອທຽນເຫວ້ ສສ ຫວຽດນາມ ຄັ້ງນີ້ ແມ່ນສ່ວນໜຶ່ງຂອງການເພີ່ມທະວີກໍ່ສ້າງສາຍພົວພັນ ມິດຕະພາບແລະການຮ່ວມມືແບບພິເສດຂອງສອງຊາດລາວ-ຫວຽດນາມໃຫ້ນັບມື້ຮັດແໜ້ນຍິ່ງໆຂຶ້ນ, ເວົ້າສະເພາະກໍຄືສານ ປະຊາຊົນສອງແຂວງ (ເຊກອງ-ເທື່ອທຽນເຫວ້), ເສີມສ້າງຄວາມເຂົ້າໃຈກ່ຽວກັບລະບຽບກົດໝາຍ, ວັດທະນະທໍາດ້ານຍຸຕິ ທໍາຂອງແຕ່ລະຝ່າຍ, ສຶກສາໂຄສະນາອົບຮົມ ເພື່ອຍົກສູງຄວາມຮັບຮູ້ລະບຽບກົດໝາຍໃຫ້ແກ່ປະຊາຊົນບໍລິເວນຊາຍແດນ ຂອງສອງປະເທດ.

ໃນໂອກາດດັ່ງກ່າວ ທ່ານ ຫງວຽນ ວັນ ເບື່ອງ ປະທານສານປະຊາຊົນແຂວງເທື່ອທຽນເຫວ້ ຍັງໄດ້ມອບຄອມພິວ ເຕີ, ປິນເຕີ ແລະຈັກກັອບປີ້ເອກະສານໃຫ້ສານປະຊາຊົນແຂວງເຊກອງນໍາໃຊ້ເຂົ້າໃນວຽກງານວິຊາສະເພາະຕື່ມອີກ.

ສ້າງຂື້ນໃນ ປີ 2017. ສະຫງວນລິຂະສິດໂດຍ: ພະແນກຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງເຊກອງ, ຕັ້ງຢູ່ບ້ານ ໂນນ​ມີ​ໄຊ, ເມືອງ ລະມາມ, ແຂວງ ເຊກອງ, ໂທຣ:(+856)038 211024, ແຟກ:(+856)038 211024, ມືຖື: 020 55121635
Powered by Joomla 1.7 Templates