ຍີນດີຕ້ອນຮັບເຂົ້າສູ່ເວັບໄຊພະ​ແນກ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງ​ເຊກອງ

ສກຈຮ ຈໍາປາສັກ ມອບ 10 ລ້ານກີບ ຊ່ວຍນໍ້າຖ້ວມຢູ່ເຊກອງ

27

ຂ່າວ : ສັນຍາ

ສະຖາບັນການເງິນ ຈຸລະພາກທີ່ຮັບເງິນຝາກຈໍາປາ ສັກຈໍາກັດ (ສກຈຮ. ຈປສ) ໄດ້ປະກອບສ່ວນ ມອບເງິນຈໍານວນ 10 ລ້ານກີບຊ່ວຍຜູ້ປະສົບໄພ ນໍ້າຖ້ວມທີ່ແຂວງເຊກອງ ເພື່ອໃຫ້ແຂວງນໍາໄປໃຊ້  ຈ່າຍເຂົ້າໃນການຊ່ວຍເຫຼືອປະຊາຊົນຜູ້ໄດ້ຮັບຜົນກະ ທົບຈາກໄພນໍ້າຖ້ວມ. 

 

28

ພິທີມອບ-ຮັບໄດ້ມີຂຶ້ນເມື່ອບໍ່ດົນມານີ້ ທີ່ຫ້ອງວ່າການແຂວງເຊກອງ ໂດຍການມອບຂອງທ່ານ ໜູເກືອບ ສິດທິເດດ ຜູ້ອໍານວຍການສະຖາບັນການເງິນຈຸລະພາກທີ່ຮັບເງິນຝາກຈໍາປາສັກ ແລະກ່າວຮັບໂດຍທ່ານ ຄໍາສອນ ກອນເຍີ ຫົວໜ້າພະແນກແຮງງານ ແລະສະຫວັດດີການສັງຄົມແຂວງ, ມີຄະນະກໍາມະການປ້ອງກັນ ແລະຄວບຄຸມໄພພິບັດຂັ້ນແຂວງ ແລະພາກສ່ວນກ່ຽວຂ້ອງເຂົ້າຮ່ວມ.

29

ທ່ານ ໜູເກືອບ ສິດທິເດດ ກ່າວວ່າ: ດ້ວຍຄວາມເປັນຫ່ວງເປັນໄຍ ແລະເຫັນອົກເຫັນໃຈປະຊາຊົນຜູ້ປະສົບໄພນໍ້າຖ້ວມ ໃນນາມສະຖາບັນການເງິນຈຸລະພາກທີ່ຮັບເງິນຝາກຈໍາປາສັກຈິ່ງໄດ້ນໍາເງິນມາມອບໃຫ້ ເພື່ອເປັນກໍາລັງແຮງໜຶ່ງໃນການຊ່ວຍເຫຼືອບັນເທົາທຸກໃຫ້ແກ່ປະຊາຊົນ ເພື່ອຫວັງໃຫ້ປະຊາຊົນຫຼຸດພົ້ນຈາກຄວາມຫຍຸ້ງຍາກຜ່ານຜ່າວິກິດການນໍ້າຖ້ວມ ແລະກັບມມາມີຊີວິດການເປັນຢູ່ຕາມປົກກະຕິໂດຍໄວ.

30

ໂອກາດດັ່ງກ່າວ ທ່ານ ຄໍາສອນ ກອນເຍີ ກໍໄດ້ຕາງໜ້າຄະນະພັກ-ອົງການປົກຄອງແຂວງ ກໍຄືປະຊາຊົນຜູ້ປະສົບໄພນໍ້າຖ້ວມ ສະແດງຄວາມຂອບໃຈມາຍັງສະຖາບັນການເງິນຈຸລະພາກທີ່ຮັບເງິນຝາກຈໍາປາສັກທີ່ມີນໍ້າໃຈປະ ກອບສ່ວນຊ່ວຍເຫຼືອບັນເທົາທຸກປະຊາຊົນຜູ້ຕົກທຸກໄດ້ຍາກ, ພ້ອມທັງອ່ວຍພອນໃຫ້ກິດຈະການຂອງ ສກຈຮ ປະສົບຜົນສໍາເລັດຍິ່ງໆຂຶ້ນ.

ສ້າງຂື້ນໃນ ປີ 2017. ສະຫງວນລິຂະສິດໂດຍ: ພະແນກຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງເຊກອງ, ຕັ້ງຢູ່ບ້ານ ໂນນ​ມີ​ໄຊ, ເມືອງ ລະມາມ, ແຂວງ ເຊກອງ, ໂທຣ:(+856)038 211024, ແຟກ:(+856)038 211024, ມືຖື: 020 55121635
Powered by Joomla 1.7 Templates