ຍີນດີຕ້ອນຮັບເຂົ້າສູ່ເວັບໄຊພະ​ແນກ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງ​ເຊກອງ

ເຊກອງ ຂຸ້ນຂ້ຽວເກັບລາຍຮັບຈາກ ທີ່ດິນໃຫ້ບັນລຸແຜນ 9 ເດືອນໄດ້ 56%

21

ຂ່າວ : ສັນຍາ

ຜ່ານໄປ 3 ໄຕມາດ ການຈັດເກັບລາຍຮັບເຂົ້າ ງົບປະມານແຫ່ງລັດ ໂດຍສະເພາະແມ່ນລາຍຮັບ ຈາກພາສີທີ່ດິນຢູ່ແຂວງເຊກອງ ປະຕິບັດໄດ້ແລ້ວ  728 ລ້ານກວ່າກີບ, ສ່ວນຕົວເລກແຜນໝົດປີ ສູງເຖິງ 1,3 ຕື້ກີບ; ທ່ານຮອງຫົວໜ້າສ່ວຍສາອາ ກອນປະຈໍາແຂວງລະບຸ ຍັງອີກ 3 ເດືອນທ້າຍປີ ຕ້ອງເຮັດວຽກໜັກຂຶ້ນ ເພື່ອເກັບລາຍຮັບໃຫ້ບັນລຸ ຕາມແຜນສູ້ຊົນທີ່ວາງໄວ້.

23

    ເມື່ອບໍ່ດົນມານີ້, ທ່ານ ສົມບູນ ພັນຈັນ ຮອງຫົວໜ້າສ່ວຍສາອາກອນປະຈໍາແຂວງເຊກອງ ໃຫ້ຮູ້ວ່າ: ການຈັດຕັ້ງ ປະຕິບັດໜ້າທີ່ວຽກງານວິຊາສະເພາະ ໂດຍສະເພາະການເກັບລາຍຮັບເຂົ້າງົບປະມານຂອງຂະແໜງສ່ວຍສາອາກອນໃນໄລ ຍະຜ່ານມາ ແມ່ນໄດ້ນໍາເອົາແນວທາງນະໂຍບາຍຂອງພັກ, ລະບຽບການ, ຂໍ້ກໍານົດ ແລະກົດໝາຍຂອງລັດເປັນບ່ອນອີງຕິດ ພັນກັບການສຶກສາອົບຮົມທາງດ້ານແນວຄິດການເມືອງ ໃຫ້ພະນັກງານທຸກຄົນເອົາໃຈໃສ່ເຮັດໜ້າທີ່ຕາມພາລະບົດບາດ ຂອງຕົນທີ່ໄດ້ຮັບມອບໝາຍ.

  ສໍາລັບຕົວເລກລາຍຮັບຈາກຄ່າທໍານຽມທີ່ດິນຕ່າງໆ ແລະພາສີທີ່ດິນໃນປີ 2019 ມີທັງໝົດ 1,3 ຕື້ກີບທຽບໃສ່ປີຜ່ານ ມາເພີ່ມຂຶ້ນ 10% ໂດຍຜ່ານການປະຕິບັດໃນ 9 ເດືອນຜ່ານມາ ສາມາດເກັບໄດ້ແລ້ວ 728 ລ້ານກວ່າກີບທຽບໃສ່ ແຜນເທົ່າກັບ 56,02% ໃນນີ້ຄ່າທໍານຽມທີ່ດິນຕ່າງໆທີ່ແຂວງຈັດເກັບປະຕິບັດໄດ້ 78 ລ້ານກວ່າກີບທຽບໃສ່ແຜນເທົ່າກັບ 46,07%; ເມືອງລະມາມສາມາດປະຕິບັດໄດ້ 290 ລ້ານກວ່າກີບເທົ່າກັບ 48%; ເມືອງທ່າແຕງ 251 ລ້ານກວ່າ ກີບເທົ່າກັບ 69,99%; ເມືອງດາກຈຶງ 60 ລ້ານກວ່າກີບເທົ່າກັບ 50,46% ແລະເມືອງກະລຶມປະຕິບັດໄດ້ 47 ລ້ານກວ່າກີບທຽບໃສ່ແຜນເທົ່າກັບ 94,62%.

22      

ແນວໃດກໍຕາມ ເພື່ອຮັບປະກັນໃຫ້ແກ່ການຈັດເກັບລາຍຮັບພາສີທີ່ດິນເຂົ້າງົບປະມານບັນລຸຕາມແຜນສູ້ຊົນທີ່ ວາງໄວ້, ໃນ 3 ເດືອນທ້າຍປີ 2019 ຂະແໜງສ່ວຍສາອາກອນຈະໄດ້ປະສານສົມທົບກັບພາກສ່ວນທີ່ກ່ຽວຂ້ອງ ໂດຍສະ ເພາະແມ່ນຫ້ອງການໆເງິນເມືອງ ແລະທະນາຄານການຄ້າຕ່າງປະເທດລາວມະຫາຊົນສາຂາເຊກອງ ເພື່ອພ້ອມກັນປະຕິ ບັດມະຕິ, ຄໍາສັ່ງແນະນໍາອື່ນໆ ໂດຍສະເພາະແຈ້ງການ ສະບັບເລກທີ 1066 ລົງວັນທີ 8 ເມສາ 2019 ຂອງລັດຖະມົນຕີ ກະຊວງການເງິນ ແລະແຈ້ງການ ສະບັບ 210 ລົງວັນທີ 3 ກັນຍາ 2019 ຂອງຜູ້ອໍານວຍການໃຫຍ່ ທຄຕລ ດ້ວຍ ການລົງເຄື່ອນໄຫວເປີດບູດບໍລິການຊໍາລະຄ່າພາສີທີ່ດິນຜ່ານລະບົບທະນາຄານຢູ່ຕາມຈຸດສຸມຕ່າງໆທີ່ມີເງື່ອນໄຂ ທັງນີ້ ກໍ ເພື່ອເປັນການອໍານວຍຄວາມສະດວກໃຫ້ບັນດາອົງການຈັດຕັ້ງທຸກພາກສ່ວນ ແລະປະຊາຊົນບັນດາເຜົ່າໄດ້ມາຊໍາລະຄ່າພາ ສີທີ່ດິນປະຈໍາປີ 2019 ໃຫ້ເປັນຂະບວນຟົດຟື້ນ, ອັນສໍາຄັນກໍ່ແມ່ນການສ້າງຂະບວນການໃຫ້ເປັນແບບຢ່າງນໍາໜ້າສະແດງ ເຖິງສະຕິຕື່ນຕົວ, ຄວາມສະໝັກໃຈທີ່ປະກອບສ່ວນເຂົ້າງົບປະມານໃຫ້ແກ່ລັດ ກໍຄືການສ້າງສາພັດທະນາປະເທດຊາດ. ທ່ານ ສົມບູນ ພັນຈັນ ກ່າວ.

ສ້າງຂື້ນໃນ ປີ 2017. ສະຫງວນລິຂະສິດໂດຍ: ພະແນກຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງເຊກອງ, ຕັ້ງຢູ່ບ້ານ ໂນນ​ມີ​ໄຊ, ເມືອງ ລະມາມ, ແຂວງ ເຊກອງ, ໂທຣ:(+856)038 211024, ແຟກ:(+856)038 211024, ມືຖື: 020 55121635
Powered by Joomla 1.7 Templates