ຍີນດີຕ້ອນຮັບເຂົ້າສູ່ເວັບໄຊພະ​ແນກ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງ​ເຊກອງ

ແຂວງເຊກອງ ໃຊ້ງົບກວ່າ 40 ຕື້ກີບ ພັດທະນາພື້ນຖານໂຄງລ່າງ

0003ຂ່າວ : ສັນຍາ

ເຊກອງແມ່ນແຂວງໜຶ່ງທີ່ມີຄວາມເອົາໃຈໃສ່ຕໍ່ ການພັດທະນາພື້ນຖານໂຄງລ່າງຂອງແຂວງໂດຍ ໃນປີນີ້ໄດ້ນໍາໃຊ້ງົບໄປແລ້ວຫຼາຍກວ່າ 40 ຕື້ກີບ ເຂົ້າໃນວຽກງານດັ່ງກ່າວ ທັງນີ້ກໍເພື່ອເຮັດ ໃຫ້ເສັ້ນ ທາງຄົມມະນາຄົມໃນຂອບເຂດທົ່ວ ແຂວງໄດ້ຮັບ ການກໍ່ສ້າງ ແລະບູລະນະຮັກສາ ຟື້ນຟູປະກອບ ສ່ວນອໍານວຍຄວາມໃນການໄປ-ມາຫາສູ່ ແລະຂົນ ສົ່ງສິນຄ້າຂອງປະຊາຊົນໄດ້ສະ ດວກສະບາຍດີຂື້ນ ກວ່າເກົ່າ.

 

 

  0005

ຕາມການເປີດເຜີຍຂອງ ທ່ານ ທອງເທບ ສຸລິໂຍ ຮອງຫົວໜ້າພະແນກໂຍທາທິການ ແລະຂົນສົ່ງແຂວງເຊກອງໃຫ້ຮູ້ວ່າ: ໃນປີນີ້ ແຂວງເຊກອງໄດ້ຮັບປະມານກໍ່ສ້າງພື້ນຖານໂຄງລ່າງທັງໝົດ 68,91 ຕື້ກວ່າກີບ ໂດຍແຫຼ່ງທຶນພາຍໃນຜ່ານການປະຕິບັດໃນ 6 ເດືອນມີທັງໝົດ 44,52 ຕື້ກວ່າກີບເທົ່າກັບ 65% ຂອງງົບປະມານທີ່ໄດ້ຮັບທັງໝົດໃນນັ້ນມີໂຄງການມີໂຄງການສືບຕໍ່ກໍ່ສ້າງມູນຄ່າ 4.189,06 ຕື້ກີບ ໄດ້ຮັບການຊໍາລະຈໍານວນ 27,7 ຕື້ກວ່າກີບທຽບໃສ່ແຜນອະນຸມັດປະຕິບັດໄດ້ 40%; ໂຄງການສືບຕໍ່ຊໍາລະໜີ້ມູນຄ່າ 499,3 ຕື້ກວ່າກີບ ໄດ້ຮັບການຊໍາລະ 8,4 ຕື້ກວ່າກີບທຽບໃສ່ແຜນອະນຸມັດປະຕິບັດໄດ້ 12,18%; ໂຄງການສົມທົບທຶນຂອງແຂວງມູນຄ່າ 6,5 ຕື້ກວ່າກີບ ໄດ້ຮັບການຊໍາລະ 480,6 ລ້ານກວ່າກີບທຽບໃສ່ແຜນອະນຸມັດປະຕິບັດໄດ້ 1% ແລະໂຄງການສ້ອມແປງທາງສຸກເສີນ (ໄພພິບັດປີ 2018) ມູນຄ່າ 29,03 ຕື້ກວ່າກີບ ໄດ້ຮັບການຊໍາລະ 7.9 ຕື້ກວ່າກີບ.

          ນອກນັ້ນ ກໍຍັງມີວຽກສ້ອມແປງ ແລະເຝົ້າລະວັງທາງຫຼວງແຫ່ງຊາດ 2 ໂຄງການມູນຄ່າ 6,67 ຕື້ກວ່າກີບ; ໂຄງການບູລະນະດ້ວຍແຮງງານຄົນ 1 ໂຄງການມູນຄ່າ 162,45 ລ້ານກີບ ແລະໂຄງການຄຸ້ມຄອງ-ສ້ອມແປງຂົວທາງ (ທຶນ ADB) 2 ໂຄງການມູນຄ່າ 26,73 ຕື້ກວ່າກີບ.

          ທ່ານ ທອງເທບ ສຸລິໂຍ ໃຫ້ຮູ້ຕື່ມອີກວ່າ: ປະຈຸບັນ ທົ່ວແຂວງເຊກອງມີຕາໜ່າງເສັ້ນທາງຄົມມະນາຄົມ 280 ເສັ້ນ, ຍາວ 2.005,55 ກິໂລແມັດ ໃນນັ້ນທາງຫຼວງແຫ່ງຊາດມີ 4 ເສັ້ນຍາວ 207,23 ກິໂລແມັດ, ທາງຫຼວງແຂວງ 2 ເສັ້ນຍາວ 329,70 ກິໂລແມັດ, ທາງຫຼວງເມືອງ 12 ເສັ້ນຍາວ 258,51 ກິໂລແມັດ, ທາງເທສະບານ 156 ເສັ້ນຍາວ 89,37 ກິໂລແມັດ, ທາງຊົນນະບົດ 76 ເສັ້ນຍາວ 909,07 ກິໂລແມັດ ແລະທາງສະເພາະ 30 ເສັ້ນຍາວ 211,67 ກິໂລແມັດ. ໂດຍທົ່ວແຂວງມີເສັ້ນທາງເຂົ້າເຖິງບ້ານແລ້ວ 195 ບ້ານໃນຈໍານວນບ້ານທັງໝົດ 197 ບ້ານຍັງ 2 ບ້ານທີ່ບໍ່ມີເສັ້ນທາງເຂົ້າໄປເຖິງຄື: ບ້ານຈະເຕີ ແລະບ້ານຕະລຸຍ, ໃນນັ້ນບ້ານທີ່ເສັ້ນທາງທຽວໄດ້ສອງລະດູມີ 144 ບ້ານກວມເອົາ 73,09% ແລະບ້ານທີ່ມີເສັ້ນທາງທຽວໄດ້ລະດູດຽວ 51 ບ້ານກວມເອົາ 25,9%.

ສ້າງຂື້ນໃນ ປີ 2017. ສະຫງວນລິຂະສິດໂດຍ: ພະແນກຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງເຊກອງ, ຕັ້ງຢູ່ບ້ານ ໂນນ​ມີ​ໄຊ, ເມືອງ ລະມາມ, ແຂວງ ເຊກອງ, ໂທຣ:(+856)038 211024, ແຟກ:(+856)038 211024, ມືຖື: 020 55121635
Powered by Joomla 1.7 Templates