ຍີນດີຕ້ອນຮັບເຂົ້າສູ່ເວັບໄຊພະ​ແນກ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງ​ເຊກອງ

ພະແນກການເງິນແຂວງ ເລື່ອນສະ ມາຊິກພັກສໍາຮອງຂຶ້ນສົມບູນ

0004

ຂ່າວ : ສັນຍາ

ພະແນກການເງິນແຂວງເຊກອງໄດ້ຈັດພິທີ ເລື່ອນ ສະມາຊິກພັກສໍາຮອງຂຶ້ນເປັນສະມາ ຊິກພັກສົມ ບູນ 3 ສະຫາຍ, ຍິງ 1 ສະຫາຍ ໃນວັນ ທີ 23 ກັນຍາ 2019 ທີ່ຫ້ອງປະຊຸມຂອງຕົນ ໂດຍພາຍໃຕ້ການ ເຂົ້າຮ່ວມເປັນປະທານຂອງສະຫາຍ ຄໍາຮູ້ ອ່ອນມະນີ ຄະນະພັກຮາກຖານ, ຫົວໜ້າ ພະແນກການເງິນແຂວງ, ມີບັນດາທ່ານ ຄະນະພັກຮາກຖານ, ຄະນະໜ່ວຍພັກ, ສະມາຊິກພັກ ແລະແຂກຖືກເຊີນຈາກ ຂະແໜງການກ່ຽວຂ້ອງເຂົ້າຮ່ວມ.

 

   

ສະຫາຍ ນາງ ຂວັນໃຈ ສີສຸວົງ ຮອງຫົວໜ້າຂະແໜງກໍ່ສ້າງພັກ, ຄະນະຈັດຕັ້ງແຂວງເຊກອງໃຫ້ກຽດຂຶ້ນຜ່ານມະຕິຕົກລົງ ຂອງຄະນະປະຈໍາພັກແຂວງ ກ່ຽວກັບການເລື່ອສະມາຊິກພັກສໍາຮອງຂຶ້ນເປັນສະມາຊິກພັ0004ກສົມບູນ ສະບັບເລກທີ 254-256 ຄຈພຂ. ຊກ, ລົງວັນທີ 9 ກັນຍາ 2019 ວ່າດ້ວຍ: ການອະນຸມັດເລື່ອນສະມາຊິກພັກສໍາຮອງຂຶ້ນເປັນສະມາຊິກພັກສົມບູນ, ຕາມລະບຽບພັກປະຊາຊົນ ປະຕິວັດລາວສະໄໝທີ X ທີ່ໄດ້ກໍານົດໄວ້ໃນໝວດທີ 1 ມາດຕາ 2 ຂໍ້ () ວ່າດ້ວຍການພິຈາລະນາເລື່ອນສະມາຊິກພັກສໍາຮອງຂຶ້ນເປັນສົມບູນ ເຊິ່ງພວກກ່ຽວໄດ້ປະຕິບັດລະບຽບການທຸກຢ່າງທີ່ພັກປະຊາຊົນປະຕິວັດລາວວາງອອກ, ມີຄວາມສາມັກຄີພາຍໃນ ແລະພາຍນອກຢ່າງກວ້າງຂວາງ, ມີນໍ້າໃຈຮັກຊາດບໍລິສຸດສັດຊື່, ມີຄວາມຈົ່ງຮັກພັກດີ, ມີຫົວຄິດປະດິດສ້າງຈູບຈ້າວຫ້າວຫັນ ແລະເຮັດສໍາເລັດທຸກວຽກງານທີ່ໄດ້ຮັບການມອບໝາຍຈາກຂັ້ນເທິງ.

ໂອກາດດັ່ງກ່າວສະຫາຍ ຄໍາຮູ້ ອ່ອນມະນີ ກໍ່ໄດ້ໂອ້ລົມຕໍ່ພະນັກງານ, ສະມາຊິກພັກໃຫ້ຮັບຮູ້ເຂົ້າໃຈຢ່າງເລິກເຊິ່ງກ່ຽວກັບຄວາມໝາຍຄວາມ ສໍາຄັນຂອງພັກປະຊາຊົນປະຕິວັດລາວ ແມ່ນກອງນໍາໜ້າທີ່ມີການຈັດຕັ້ງການເມືອງສູງສຸດຂອງຊົນຊັ້ນກໍາມະກອນ, ປະກອບດ້ວຍບຸກຄົນທີ່ຕື່ນຕົວສູງ, ຫ້າວຫັນໃນການປະຕິບັດໜ້າທີ່ວຽກງານ ແລະອື່ນໆ.

               ພ້ອມກັນເອົາໃຈໃສ່ຄົ້ນຄວ້າເຊື່ອມຊຶມ​​ແນວທາງນະໂຍບາຍຂອງພັກ ແລະກົດໝາຍຂອງລັດ ເພື່ອຍົກລະດັບຄວາມຮູ້ຄວາມສາມາດ, ຄຸນສົມບັດສິນທຳປະຕິວັດຂອງຕົນໃຫ້ສູງຂຶ້ນ, ຕ້ານແນວຄິດ​​ເອກະຊົນ, ອາດຍາສິດ, ສວຍໃຊ້ໜ້າທີ່ຕຳແໜ່ງສໍ້ລາດບັງຫຼວງຫຼິ້ນກິນຟຸມເຟືອຍ ແລະປະກົດການຫຍໍ້ທໍ້ອື່ນໆ, ປະກອບສ່ວນເຂົ້າໃນການກໍສ້າງພັກເຮັດໃຫ້ພັກປອດ​​ໃສ, ໜັກແໜ້ນ, ​ເຂັ້ມແຂງທາງດ້ານການເມືອງແນວຄິດ, ການຈັດຕັ້ງ, ແບບແຜນວິທີນຳພາ, ດຳເນີນການຕິຊົມຕົນເອງແລະຕິຊົມກັນເປັນປະຈຳຢ່າງເຂັ້ມງວດ, ຍົກສູງສະຕິປົກປັກຮັກສາພັກແລະຮັກສາຄວາມສາມັກຄີພາຍໃນໜ່ວຍໃຫ້ແໜ້ນແຟ້ນຍິ່ງໆຂຶ້ນ.

ສ້າງຂື້ນໃນ ປີ 2017. ສະຫງວນລິຂະສິດໂດຍ: ພະແນກຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງເຊກອງ, ຕັ້ງຢູ່ບ້ານ ໂນນ​ມີ​ໄຊ, ເມືອງ ລະມາມ, ແຂວງ ເຊກອງ, ໂທຣ:(+856)038 211024, ແຟກ:(+856)038 211024, ມືຖື: 020 55121635
Powered by Joomla 1.7 Templates