ຍີນດີຕ້ອນຮັບເຂົ້າສູ່ເວັບໄຊພະ​ແນກ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງ​ເຊກອງ

ໜ່ວຍສະຫະພັນແມ່ຍິງ ທພລ ສຳເລັດກອງປະຊຸມໃຫຍ່ຄັ້ງທີ ll

  ກອງປະຊຸມໃຫຍ່ຄັ້ງທີ ll ຂອງຜູ້ແທນໜ່ວຍສະຫະພັນແມ່ຍິງຮາກຖານທະນາຄານພັດທະນາລາວ (ທພລ) ສາຂາເຊກອງໄດ້ໄຂຂຶ້ນ ແລະສຳເລັດລົງໃນວັນທີ 27 ກຸມພາ 2018 ທີ່ຫ້ອງປະຊຸມຂອງທະນາຄານດັ່ງກ່າວ ຊຶ່ງໄດ້ດໍາເນີນເປັນເວລາເຄິ່ງວັນ ໂດຍການເຂົ້າຮ່ວມ ຂອງທ່ານ ນາງ ວິໄລວັນ ດາລາສິນ ຮອງປະທານສະຫະພັນແມ່ຍິງແຂວງ, ທ່ານ ຄຳໄຫຼ ຜາຫວັດສະດີ ເລຂາໜ່ວຍພັກ, ຫົວໜ້າ ທພລ ສາຂາເຊກອງ, ມີຄະນະໜ່ວຍ ພ້ອມດ້ວຍສະມາຊິກ ສຍ ພາຍໃນ ທພລ ແລະຕາງໜ້າສະຫະພັນແມ່ຍິງຂະແໜງການອ້ອມຂ້າງແຂວງ ແລະແຂກຖືກເຊີນເຂົ້າຮ່ວມ.

3

24

 

ກອງປະຊຸມໃຫຍ່ຄັ້ງນີ້ ທ່ານ ນາງ ຈັນທະໄລ ຈັນທະສີດາ ປະທານໜ່ວຍສະຫະພັນແມ່ຍິງຮາກຖານ ທພລ ສາຂາເຊກອງ ໄດ້ສະຫຼຸບລາຍງານການການເຄື່ອນໄຫວຂອງໜ່ວຍໄຍບະ 3 ປີຜ່ານມາວ່າ: ພາຍໃຕ້ການຊີ້ນຳ-ນຳພາໂດຍກົງຂອງຄະນະພັກ-ຄະນະນຳ ທພລ, ຊຶ່ງໜ່ວຍສະຫະພັນແມ່ຍິງໄດ້ເອົາໃຈໃສ່ສຶກສາອົບຮົມການເມືອງ-ນຳພາແນວຄິດໃຫ້ສະມາຊິກຢ່າງເປັນປົກກະຕິ ແລະຕໍ່ເນື່ອງ ໂດຍໄດ້ຖືເອົາການດຳເນີນຊີວິດການເມືອງປະຈຳເດືອນຂອງໜ່ວຍເພື່ອ​​ປັບປຸງກໍ່ສ້າງແລະຕຳນິ-ສົ່ງຂ່າວເຊິ່ງກັນ ແລະກັນ, ຈັດຕັ້ງການຄົ້ນຄວ້າເຊື່ອມຊຶມມະຕິຄຳສັ່ງ, ແນວທາງນະໂຍບາຍຂອງພັກ, ລະບຽບກົດໝາຍຕ່າງໆຂອງລັດ, ແຜນພັດທະນາເສດຖະກິດ-ສັງຄົມຂອງແຂວງ ແລະເອກະະສານທີ່ພົວພັນເຖິງການພັດທະນາ ແລະການປົກປ້ອງສິດຜົນປະໂຫຍດຂອງແມ່ຍິງ-ເດັກນ້ອຍ ແນໃສ່ໃຫ້ສະມາຊິກສະຫະພັນແມ່ຍິງພາຍໃນໜ່ວຍຮັບຮູ້ເຂົ້າໃຈ ແລະກຳແໜ້ນ ເພື່ອພ້ອມກັນຈັດຕັ້ງປະຕິບັດໃຫ້ບັນລຸຕາມຈຸດປະສົງ, ຄາດໝາຍ ແລະເປົ້າໝາຍທີ່ວາງໄວ້, ເຊິ່ງປະຈຸບັນມີສະມາຊິກ ສຍ ທັງໝົດ 13 ຄົນ, ຜ່ານມາໄດ້ເອົາໃຈໃສ່ຊຸກຍູ້, ເບິ່ງແຍງເຊິ່ງກັນແລະກັນ, ນອກນີ້ຍັງໄດ້ຕິດຕາມ, ກວດກາ, ຊຸກຍູ້ ແລະເກັບກຳຜົນງານການເຄື່ອນໄຫວວຽກງານຕ່າງໆຂອງສະມາຊິກທຸກສະຫາຍເພື່ອຍ້ອງຍໍຕໍ່ຜູ້ທີ່ມີຜົນງານທີ່ດີເດັ່ນເຊັ່ນ: ໄດ້ຮັບຫຼຽນກາແຮງງານ 2 ຄົນ, ໄດ້ຮັບໃບຍ້ອງຍໍເຈົ້າແຂວງ 10 ຄົນ, ໄດ້ຮັບໃບຍ້ອງຍໍໜ່ວຍສະຫະພັນແມ່ຍິງ 3 ດີ ໄລຍະ1 ຈາກສູນກາງ ສຍ ລາວ 1 ໃບ, ໄດ້ຮັບໃບຍ້ອງຍໍຈາກສູນກາງ ສຍ ລາວ 11 ຄົນ, ໃບຊົມເຊີຍ 2 ຄົນ, ໃບຍ້ອງຍໍ ສຍ ແຂວງ 13 ຄົນ, ໃບຍ້ອງຍໍສູນກາງສະຫະພັນກຳມະບານລາວ11 ຄົນ, ໃບຍ້ອງຍໍຄະນະບໍລິຫານງານ ຊປປ ລາວແຂວງ 11 ຄົນ, ນອກນີ້ຍັງໄດ້ຊຸກຍູ້ໃຫ້ເອື້ອຍນ້ອງແມ່ຍິງເອົາໃຈໃສ່ສ້າງເສດຖະກິດຄອບຄົວ, ເພື່ອພັດທະນາຊີວິດການເປັນຢູ່ຕົນເອງ ແລະຄອບຄົວໃຫ້ດີຂຶ້ນເທື່ອລະກ້າວເຊິ່ງແຕ່ລະຄອບຄົວຂອງສະມະຊິກສຍສາມາດສ້າງລາຍຮັບແຕ່ 5 ລ້ານ ຫາ 15 ລ້ານກີບຕໍ່ຄອບຄົວຕໍ່ປີ; ໄດ້ຈັດຕັ້ງເຜີຍແຜ່ເຊື່ອມຊຶມຂໍ້ແຂ່ງຂັນ 3 ດີ 6 ຄັ້ງ, ມີຜູ້ເຂົ້າຮ່ວມທັງໝົດ 468 ເທື່ອຄົນ, ຍິງ 78 ເທື່ອຄົນ, ໄດ້ເປີດບັ້ນຂໍ້ແຂ່ງຂັນ 3 ດີໄດ້ 3 ຄັ້ງ, ມີສະມາຊິກເຂົ້າຮ່ວມ 13 ເທື່ອຄົນ, ​​ເຊິ່ງໄດ້ຄັດເລືອກແລະຈັດປະເພດຕາມເງື່ອນໄຊມາດຖານ3 ດີ, ປະເພດI ມີ 11 ຄົນ, ປະເພດII ມີ 2 ຄົນ,ພ້ອມນັ້ນກອງປະຊຸມໃຫຍ່ຍັງໄດ້ຜ່ານທິດທາງແຜນການ ແລະຄາດໝາຍສູ້ຊົນໃນ 5 ປີຕໍ່ໜ້າ, ຈາກນັ້ນ ກໍໄດ້ດຳເນີນການປ່ອນບັດຄັດເລືອກເອົາຄະນະໜ່ວຍສະຫະພັນແມ່ຍິງຮາກຖານ ທພລ ສາຂາເຊກອງຊຸດໃໝ່ ຊຶ່ງເລືອກໄດ້ທ່ານ ນາງ ບົວສະຫວັນ ເຮືອງສີ ເປັນປະທານ ເພື່ອສືບຕໍ່ຊີ້ນຳ-ນຳພາໜ່ວຍສະຫະພັນແມ່ຍິງຮາກຖານ ທພລ ສາຂາເຊກອງໃນຕໍ່ໜ້າ, ທ່ານ ນາງ ວິພາພອນ ສີຫາວົງ ເປັນຮອງປະທານ ແລະທ່ານ ນາງ ບຸນສະຫຼອງ ຟອງສະໝຸດ ເປັນຮອງປະທານ, ທັງເປັນຜູ້ກວດກາໜ່ວຍ.

 

ສ້າງຂື້ນໃນ ປີ 2017. ສະຫງວນລິຂະສິດໂດຍ: ພະແນກຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງເຊກອງ, ຕັ້ງຢູ່ບ້ານ ໂນນ​ມີ​ໄຊ, ເມືອງ ລະມາມ, ແຂວງ ເຊກອງ, ໂທຣ:(+856)038 211024, ແຟກ:(+856)038 211024, ມືຖື: 020 55121635
Powered by Joomla 1.7 Templates