ຍີນດີຕ້ອນຮັບເຂົ້າສູ່ເວັບໄຊພະ​ແນກ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງ​ເຊກອງ

ທ່ານ ປອ ບຸນທອງ ຈິດມະນີ ເຄື່ອນໄຫວຢ້ຽມຢາມ ແລະ ເຮັດວຽກຢູ່ເມືອງກະລຶມ

0103

#ຂ່າວ: ທ ອັດ​ສະ​ວິນ ແສງ​ສີ​ຈັນ 02099596448

(ເມືອງ​ກະ​ລຶມ)ໃນວັນທີ 19 ມັງກອນ ນີ້ ທ່ານ ປອ ບຸນທອງ ຈິດມະນີ ກໍາມະການກົມການເມືອງສູນກາງພັກ ຮອງນາຍົກ ລັດຖະມົນຕີ ປະທານຄະນະກວດກາສູນກາງພັກ ປະທານອົງການກວດກາລັດຖະບານ ຫົວໜ້າອົງການຕ້ານການສໍ້ລາດບັງຫຼວງຂັ້ນສູນ ກາງ ພ້ອມດ້ວຍຄະນະ ໄດ້ເຄື່ອນໄຫວຢ້ຽມຢາມ ແລະ ເຮັດວຽກຢູ່ເມືອງ​ກະ​ລຶມໂດຍການຕ້ອນຮັບຈາກທ່ານ ​ບຸນ​ໄຫຼ ບຸດ​ຕະ​ວົງ ກຳ​ມະ​ການ​ພັກ​ແຂວງ,ເລ​ຂາ​ພັກ​ເມືອງ,ເຈົ້າ​ເມືອງ​ກະ​ລຶມ ມີບັນດາຄະນະປະຈໍາພັກເມືອງ, ກຳ​ມະການພັກ​ເມືອງ ພ້ອມດ້ວຍອົງການທີ່ກ່ຽວ ຂ້ອງເຂົ້າຮ່ວມຮັບຟັງ.

0104

ທ່ານ ບຸນ​ໄຫຼ ບຸດ​ຕະ​ວົງ ເຈົ້າເມືອງໆ​ກະ​ລຶມ ລາຍງາານໃຫ້ຮູ້ວ່າ: ການພັດທະນາເສດຖະກິດ-ສັງຄົມຂອງ​ເມຶອງ​ກະ​ລຶມໃນໄລ​ຍະຜ່ານມາ​ແມ່ນມີສະຖຽນລະພາບທາງດ້ານການເມືອງ, ສັງຄົມມີຄວາມສະຫງົບ, ເສດຖະກິດຂອງ​ເມືອງ​ມີ​ການຂະຫຍາຍ​ຕົວ​ຢ່າງ​ຕໍ່​ເນື່ອງ, ການຂຸດຄົ້ນລາຍຮັບເຂົ້າງົບປະມານຂອງລັດໝົດປີສາ​ມາດ​ບັນລຸໄດ້ລື່ນແຜນການທີ່ວາງໄວ້ ສະ​ແດງ​ອອກ​ ປັດ​ຈຸ​ບັນລວມຍອດ ຜະລິດຕະພັນພາຍໃນ ຫຼື GDP ເພີ່ມ​ຂື້ນໃນລະດັບ 14% ສະເລ່ຍຕໍ່ຫົວຄົນບັນລຸໄດ້ 5,77 ລ້ານກີບ ຫຼືເທົ່າກັບ 722 ໂດລາສະຫະລັດ ຕໍ່​ຄົນ​ຕໍ່​ປີ, ​ຄຽງ​ຄູ່​ກັນ​ນັ້ນການປະຕິບັດດ້ານລາຍຈ່າຍແມ່ນຮັບປະກັນການເບີກຈ່າຍເງິນເດືອນໃຫ້ພະນັກງານ-ລັດ ຖະກອນ, ສອງກຳລັງປະກອບອາວຸດ, ພະນັກງານບໍານານ ໄດ້ເປັນປົກກະຕິທຸກໆເດືອນ ຕິດພັນກັບການສົ່ງເສີມການປະຢັດ ແລະ ຕ້ານການຟຸມເຟືອຍງົບປະມານລັດຕາມຄໍາສັ່ງ 09/ນຍ ສາມາດເຮັດໃຫ້ຫຼຸດຜ່ອນການຊິ້ນເປືອງງົບປະມານຂອງລັດໃນພາກລາຍຈ່າຍລົງ ຢ່າງຈະແຈ້ງ ຂະບວນການຜະລິດ,ການປູກ-ການລ້ຽງຂອງພໍ່ແມ່ປະຊາຊົນບັນດາເຜົ່າໃນທົ່ວເມືອງໄດ້​ຮັບ​ການຂະຫຍາຍຕົວດີ​ຂື້ນ​ເລື້ອຍ ໆ.

ໂອກາດດັ່ງກ່າວນີ້ ທ່ານ ປອ ບຸນທອງ ຈິດມະນີ ກຳມະການກົມການເມືອງສູນກາງພັກ ຮອງນາຍົກລັດຖະມົນຕີ ໄດ້ເນັ້ນ ໃຫ້ຄະນະນຳ​ທຸກ​ຂັ້ນ​ຂອງ​ເມືອງ ແລະ ແຂວງ ສືບຕໍ່ເອົາໃຈໃສ່ບາງບັນຫາສຳຄັນເປັນຕົ້ນ: ໃຫ້​ເພີ່ມ​ທະ​ວີ​ວຽກງານປ້ອງກັນຊາດ-ປ້ອງກັນ ຄວາມສະຫງົບຢູ່ລຽບ​ຕາມ​​ຂອບ​ເຂດຊາຍ​ແດນ​ຢ່າງ​ເຂັ້ມ​ງວດ​, ປຸກລະດົມປະຊາຊົນເອົາໃຈໃສ່​ໃນການຜະ​ລິດການປູກ-ການລ້ຽງ​ ​ເພື່ອ ສ້າງ​ເປັນ​ລາຍ​ຮັບ​ອັນ​ຕົ້ນ​ຕໍໃຫ້ແກ່​ຄອບ​ຄົວ, ເພື່ອເຮັດໃຫ້ຊີວິດການເປັນຢູ່ຂອງຄອບຄົວຫຼຸດພົ້ນອອກຈາກຄວາມທຸກຍາກ, ​​ເອ​ກະ​ພາບ​ກັນແບ່ງຄວາມຮັບຜິດຊອບລະຫວ່າງແຂວງກັບເມືອງ ໃຫ້ມີຄວາມເໝາະສົມກັບວຽກງານຕົວຈິງ,ເອົາໃຈໃສ່ປະຕິບັດຄໍາສັ່ງເລກທີ 15/ນຍ ໃຫ້ເຂັ້ມງວດ,ສືບຕໍ່ສຶກສາອົບຮົມການ​ເມືອງ​ແນວ​ຄິດ​ໃຫ້ບັນ​ດາ​ຖັນ​ແຖວ​ພະ​ນັກ​ງານ ພ້ອມ​ທັງສືບ​ຕໍ່​​ກໍ່​ສ້າງຂະຫຍາຍພັກໃຫ້​ເຂັ້ມ​ແຂງ​ປອດ​ໃສ​ຂາວ​ສະ​ອາດ, ກໍ່​ສ້າງພະນັງງານສືບທອດປ່ຽນແທນແຕ່ລະຂັ້ນຢ່າງເປັນປົກກະຕິ,ເອົາໃຈໃສ່ຕິດຕາມ​ກວດ​ກາການປະຕິບັດ ພາກລາຍຮັບ-ລາຍຈ່າຍງົບປະມານ ແລະ ການຕ້ານການສໍ້ລາດບັງຫຼວງຂອງພັກ-ລັດເຮົາຕື່ມ​ອີກ.

ພ້ອມ​ດຽວ​ກັນ​ນີ້ ທ່ານ​ຮອງ​ນາ​ຍົກ​ລັດ​ຖະ​ມົນ​ຕີ​ຍັງ​ໄດ້​ມອບ​ອຸ​ປະ​ກອນ​ເອ​ເລັກ​ໂຕ​ນິກ​ຮັບ​ໃຊ​ໃນ​ຫ້ອງ​ການ​ໃຫ້​ເມືອງ​ກະ​ລຶມ ແລະກ່າວ​ ຮັບໂດຍ​ທ່ານ​ເຈົ້າ​ເມືອງ​ໆກະ​ລຶມ.

ສ້າງຂື້ນໃນ ປີ 2017. ສະຫງວນລິຂະສິດໂດຍ: ພະແນກຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງເຊກອງ, ຕັ້ງຢູ່ບ້ານ ໂນນ​ມີ​ໄຊ, ເມືອງ ລະມາມ, ແຂວງ ເຊກອງ, ໂທຣ:(+856)038 211024, ແຟກ:(+856)038 211024, ມືຖື: 020 55121635
Powered by Joomla 1.7 Templates