ຍີນດີຕ້ອນຮັບເຂົ້າສູ່ເວັບໄຊພະ​ແນກ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງ​ເຊກອງ

ໜ່ວຍພັກຮາກຖານ ພະແນກ ຜທ ເຊກອງ ສືບຕໍ່ຂະຫຍາຍພັກ

0084

#ຂ່າວ-ພາບ: ນາລີວັນ

      ໃນຕອນບ່າຍຂອງວັນທີ 3 ມັງກອນ 2018 ຜ່ານມາ ໜ່ວຍພັກຮາກຖານ ພະແນກ ຜທ ຮັບມະຫາ ຊົນກ້າວໜ້າເຂົ້າເປັນສະມາຊິກພັກສຳຮອງ ແລະເລື່ອນສະມາຊິກພັກສໍາຮອງຂຶ້ນສົມບູນ ຢູ່ທີ່ຫ້ອງປະຊຸມພະແນກ (ຜທ) ເຊກອງ ໂດຍໃຫ້ກຽດເປັນປະທານຂອງ ສະຫາຍ ທອງຄໍາ ມະນີວົງ ກໍາມະການພັກແຂວງ ເລຂາໜ່ວຍພັກຮາກຖານພະແນກ ຜທ ເຊກອງ, ມີຕາງໜ້າຄະນະໂຄສະນາອົບຮົມແຂວງ, ຄະນະຈັດຕັ້ງແຂວງ, ຄະນະກວດກາພັກແຂວງ ແລະສະມາຊິກພັກສໍາຮອງ-ສົມບູນ ທົ່ວພະ ແນກ ຜທ ເຂົ້າຮ່ວມ.

0085

         ສະຫາຍ ກາວິນ ແກ້ວຈັນທະວົງ ຮອງຫົວໜ້າຂະແໜງກໍ່ສ້າງພັກ ໄດ້ຜ່ານມະຕິຕົກລົງ ຂອງຄະນະປະຈຳພັກແຂວງ ວ່າດ້ວຍ ການຮັບເອົາມະຫາຊົນກ້າວໜ້າຜູ້ທີ່ມີຜົນງານດີເດັ່ນ, ຫ້າວຫັນໃນການປະຕິບັດໜ້າທີ່ວຽກງານ, ມີທັດສະນະຫຼັກໝັ້ນທາງດ້ານການ ເມືອງແນວຄິດ, ມີຄວາມສາມັກຄີ, ຝຶກຝົນຫຼໍ່ຫຼອມຕົນເອງຈົນໄດ້ຮັບຄວາມໄວ້ເນື້ອເຊື່ອໃຈຈາກມະຫາຊົນ ກໍຄືຄະນະພັກຈົນໄດ້ຮັບ ການຕົກລົງ ເຫັນດີໃຫ້ເຂົ້າເປັນສະມາຊິກພັກສໍາຮອງ ຈໍານວນ 03 ສະຫາຍ, ຍິງ 01 ສະຫາຍ ແລະມະຕິຕົກລົງວ່າດ້ວຍ ເລື່ອນສະມາ ຊິກພັກສຳຮອງຂຶ້ນເປັນສະມາຊິກພັກສົມບູນ ຈໍານວນ 08 ສະຫາຍ, ຍິງ 04 ສະຫາຍ ທີ່ສັງກັດຢູ່ໜ່ວຍພັກຮາກຖານ ພະແນກ ຜທ ແຂວງ ເຊກອງ ເຊິ່ງຜູ້ກ່ຽວໄດ້ຜ່ານສະໄໝສໍາຮອງຄົບຕາມກໍານົດເວລາ ແລະມາດຖານເງື່ອນໄຂຂອງພັກ ແລະປະຕິຕາມລະບຽບຂອງ ພັກປະຊາຊົນ ປະຕິວັດລາວ ວາງອອກ ຢ່າງເຂັ້ມງວດ, ມີຄວາມສາມະຄີພາຍໃນ-ພາຍນອກຢ່າງກວ້າງຂວາງ, ມີນໍ້າໃຈບໍສິສຸດສັດຊື່, ມີຄຸນສົບັດສິນທໍາປະຕິວັດ, ມີຫົວຄິດປະດິດສ້າງ, ມີຄວາມຈູບຈ້າວຫ້າວຫັນ ເປັນແບບຢ່າງນໍາໜ້າໃຫ້ແກ່ມະຫາຊົນ, ເຮັດສຳເລັດໜ້າ ທີ່ວຽກງານ ທີ່ການຈັດຕັ້ງມອບໝາຍໃຫ້ເປັນຢ່າງດີ.0086

         ໂອກາດນີ້, ນີ້ສະຫາຍ ທອງຄໍາ ມະນີວົງ ໄດ້ກ່າວສະແດງຄວາມຊົມ ເຊີຍຕໍ່ຜົນງານໃນການນຳພາຂອງໜ່ວຍພັກ ແລະສະມາຊິກ ພັກສໍາຮອງໃໝ່ທີ່ ໄດ້ບຸກບືນຝຶກຝົນຫຼໍຫຼອມໃນການປະຕິບັດໜ້າທີ່ ທີ່ຕົນຮັບຜິດຊອບ ຕໍ່ການຈັດຕັ້ງມອບໝາຍໃຫ້ ແລະສ້າງຕົນເອງ ຈົນໄດ້ກ້າວເຂົ້າເປັນສະມາຊິກພັກສໍາ ຮອງ. ພ້ອມນີ້, ກໍໄດ້ໂອ້ລົມຕໍ່ສະມາຊິກພັກສຳຮອງໃໝ່ ກ່ຽວກັບບາດລ້ຽວອັນສຳຄັນ ທີ່ຈະຕ້ອງ ໄດ້ຜ່ານຜ່າໃນການຝຶກຝົນຫຼໍຫຼອມຕົນເອງ ເພື່ອກ້າວເຂົ້າເປັນສະມາຊິກພັກສົມບູນໃນຕໍ່ໜ້າ ເປັນຕົ້ນ ແມ່ນການຍົກສູງຄຸນທາດການ ເມືອງຂອງສະມາຊິກພັກໜັກແໜ້ນ, ເອົາໃຈໃສ່ເຊື່ອມຊຶມ ແລະກຳແໜ້ນແນວທາງການເມືອງຂອງພັກ ປະຊາຊົນ ປະຕິວັດລາວ, ຍົກສູງ ຄວາມຮັບຜິດຊອບແບກຫາບພາລະກິດອັນມີກຽດຂອງພັກ, ເອົາໃຈໃສ່ຍົກລະດັບທາງດ້ານວິຊາສະເພາະ, ປະຕິບັດລະບຽບກົດໝາຍ ຂອງລັດ ແລະນັບຖືການຈັດຕັ້ງ ແລະຮູ້ເຕົ້າໂຮມຄວາມສາມັກຄີພາຍໃນພັກ ແລະມວນຊົນໃຫ້ເປັນປຶກແຜ່ນເພື່ອປະກອບສ່ວນ ເຂົ້າໃນວຽກງານ (ຜທ) ເຂົ້າໃນການພັດທະນາເສດຖະກິດ-ສັງຄົມໃຫ້ມີຄວາມຈະເລີນ ແລະທັນສະໄໝຂຶ້ນເທື່ອລະກ້າວ.00870088

ສ້າງຂື້ນໃນ ປີ 2017. ສະຫງວນລິຂະສິດໂດຍ: ພະແນກຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງເຊກອງ, ຕັ້ງຢູ່ບ້ານ ໂນນ​ມີ​ໄຊ, ເມືອງ ລະມາມ, ແຂວງ ເຊກອງ, ໂທຣ:(+856)038 211024, ແຟກ:(+856)038 211024, ມືຖື: 020 55121635
Powered by Joomla 1.7 Templates