ຍີນດີຕ້ອນຮັບເຂົ້າສູ່ເວັບໄຊພະ​ແນກ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງ​ເຊກອງ

ສສຊ ເຊກອງໄດ້ພົບປະຜູ້ມີສິດເລືອກຕັ້ງເກືອບ 6 ພັນຄົນ

0066

#ຂ່າວ-ພາບ: ສັນຍາ

ຜ່ານການຈັດຕັ້ງປະຕິບັດໃນປີຜ່ານມາ ຂອງສະມາຊິກສະພາແຫ່ງຊາດ (ສສຊ) ປະຈໍາເຂດເລືອກຕັ້ງທີ 16 ແຂວງເຊກອງ ເຖິງຈະແມ່ນມີຄວາມຫຍຸ້ງຍາກ ແລະສິ່ງທ້າທາຍຫຼາຍຢ່າງແຕ່ ສສຊ ແຂວງເຊກອງ ກໍພະຍາຍາມສູ້ຊົນຜັນຂະຫຍາຍ ແລະຈັດຕັ້ງປະຕິ ບັດວຽກງານຈຸດສຸມດ້ວຍຄວາມຮັບຜິດຊອບ ເພື່ອຍົກສູງບົດບາດຂອງຕົນໃຫ້ສູງຂຶ້ນ ທັງໄດ້ພົບປະຜູ້ມີສິດເລືອກຕັ້ງເກືອບ 6 ພັນຄົນ.

0067        ວັນທີ 26 ທັນວາ 2017 ຄະນະ ສສຊ ແຂວງເຊກອງໄດ້ຈັດກອງປະຊຸມສະຫຼຸບຕີລາຄາວຽກງານປະຈໍາປີ 2017 ແລະວາງແຜນ ການປີ 2018 ໂດຍການເປັນປະທານຂອງທ່ານ ພອນເພັດ ຄິວລະວົງ ສະມາຊິກສະພາແຫ່ງຊາດ, ປະທານສະພາປະຊາຊົນແຂວງ ແລະ ເຂົ້າຮ່ວມມີທ່ານ ຄຳເຜີຍ ບຸດດາວຽງ ເຈົ້າແຂວງໆເຊກອງ, ມີທ່ານຮອງເຈົ້າແຂວງ, ເຈົ້າເມືອງ-ຮອງເຈົ້າເມືອງ, ຫົວໜ້າ-ຮອງພະແນກ, ສະມາຊິກສະພາແຫ່ງຊາດ, ສະມາຊິກສະພາປະຊາຊົນແຂວງ ແລະ ແຂກຖືກເຊີນເຂົ້າຮ່ວມ.

ໃນກອງປະຊຸມທ່ານ ນາງ ໄຮມະນີ ວົງໜໍ່ແກ້ວ ສະມາຊິກສະພາແຫ່ງຊາດ, ປະທານກຳມາທິການວັດທະນະທຳ-ສັງຄົມ ແລະ ບັນດາເຜົ່າ ສະພາປະຊາຊົນແຂວງລາຍງານຕໍ່ກອງປະຊຸມວ່າ: ໃນປີຜ່ານມາ ສະມາຊິກສະພາແຫ່ງຊາດປະຈໍາເຂດເລືອກຕັ້ງທີ 16 ແຂວງ ເຊກອງໄດ້ພະຍາຍາມສູ້ຊົນຜັນຂະຫຍາຍ ແລະຈັດຕັ້ງປະຕິບັດວຽກງານຈຸດສຸມຂອງຕົນໃນຫຼາຍດ້ານເປັນຕົ້ນ: ສາມາດລົງພົບປະ ຜູ້ມີ ສິດເລືອກຕັ້ງໄດ້ທັງໝົດ 35 ຈຸດ, ມີຜູ້ເຂົ້າຮ່ວມທັງໝົດ 5.947 ຄົນ, ຍິງ 3.193 ຄົນ, ໄດ້ລະດົມທຶນຮອນ ແລະວັດຖຸປັດໄຈຈາກ ພາກສ່ວນຕ່າງໆ ເພື່ອແກ້ໄຂຄວາມຫຍຸ້ງຍາກໃນການດໍາລົງຊີວິດຂອງປະຊາຊົນບັນດາເຜົ່າ, ຜົນກະທົບຈາກໄພທໍາມະຊາດ, ຈາກໂຄງ ການພັດທະນາ ແລະພະຍາດລະບາດ.                                                                            

ນອກນັ້ນ ກໍຍັງໄດ້ເອົາໃຈໃສ່ພິຈາລະນາ ແລະຕົກລົງບັນຫາສຳຄັນຂອງຊາດຄື: ຮັບຮອງເອົາການດັດແກ້ຕົວເລກມະຫາພາກ ແຜນການ 4 ປີ (2017-2020) ຂອງແຜນພັດທະນາເສດຖະກິດ-ສັງຄົມ; ຮັບຮອງແຜນພັດທະນາເສດ ຖະກິດ-ສັງຄົມສົກ 2015- 2016 ແລະ ແຜນການປີ 2017; ຮັບຮອງແຜນງົບປະມານແຫ່ງລັດ 4 ປີ (2017-2020); ຮັບຮອງແຜນງົບປະມານແຫ່ງລັດສົກປີ 2015-2016 ແລະແຜນປີ 2017; ຮັບຮອງເອົາບົດລາຍງານຂອງອົງການກວດສອບແຫ່ງລັດ; ຮັບຮອງເອົາຜົນຂອງການຕິດຕາມກວດ ກາກ່ຽວກັບການສ້າງນິຕິກຳລຸ່ມກົດໝາຍຂອງລັດຖະບານ; ຮັບຮອງເອົາບົດລາຍງານຂອງຄະນະປະຈຳສະພາແຫ່ງຊາດ; ຮັບຮອງເອົາບົດ ລາຍງານການເຄື່ອນໄຫວ 5 ປີ 2011-2015 ແລະ ທິດທາງແຜນການ 5 ປີ 2016-2020 ຂອງອົງການໄອຍະການປະຊາຊົນສູງສຸດ ແລະ ສານປະຊາຊົນສູງສຸດ ແລະບັນຫາສຳຄັນອື່ນໆຂອງຊາດ.0068

ສຳລັບທິດທາງແຜນການເຄື່ອນໄຫວວຽກງານປະຈໍາປີ 2018 ສະມາຊິກສະພາແຫ່ງຊາດປະຈໍາເຂດເລືອກຕັ້ງທີ 16 ແຂວງເຊ ກອງຈະສືບເຄື່ອນໄຫວວຽກງານຕາມພາລະບົດບາດ, ສິດ ແລະໜ້າທີ່ຂອງຕົນໃຫ້ມີປະສິດທິຜົນສູງຂຶ້ນກວ່າເກົ່າເປັນຕົ້ນສູ້ຊົນລົງພົບປະ ປະຊາຊົນບັນດາເຜົ່າໃຫ້ເປັນປົກກະຕິ ໂດຍສຸມໃສ່ເຂດຫ່າງໄກສອກຫຼີກ ແລະເຂົ້າເຖິງກຸ່ມເປົ້າໝາຍ, ເພີ່ມທະວີຄວາມຮັບຜິດຊອບ, ເປັນເຈົ້າການໃນການຄົ້ນຄວ້າພິຈາລະນາ ແລະຮັບຮອງບັນຫາສຳຄັນຕ່າງໆຂອງຊາດໃຫ້ສອດຄ່ອງກັບລັດຖະທຳມະນູນ ແລະກົດໝາຍ, ເອົາໃຈໃສ່ຕິດຕາມກວດກາຢ່າງມີຈຸດສຸມ, ຖືກບັນ ຫາພົ້ນເດັ່ນເຄັ່ງຮ້ອນໃນສັງຄົມ ແລະສູ້ຊົນແກ້ໄຂຜົນຂອງການຕິດຕາມກວດກາຢ່າງ ມີປະສິດທິຜົນ.

ສ້າງຂື້ນໃນ ປີ 2017. ສະຫງວນລິຂະສິດໂດຍ: ພະແນກຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງເຊກອງ, ຕັ້ງຢູ່ບ້ານ ໂນນ​ມີ​ໄຊ, ເມືອງ ລະມາມ, ແຂວງ ເຊກອງ, ໂທຣ:(+856)038 211024, ແຟກ:(+856)038 211024, ມືຖື: 020 55121635
Powered by Joomla 1.7 Templates