ຍີນດີຕ້ອນຮັບເຂົ້າສູ່ເວັບໄຊພະ​ແນກ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງ​ເຊກອງ

ໂຄງການກໍ່ສ້າງ ສະຖານີວິທະຍຸ-ໂທລະພາບ ແຂວງເຊກອງ ຄືບໜ້າ 11,56 %

0064

#ຂ່າວ-ພາບ: ນາລີວັນ

          ທ່ານ ສີນວນ ໄຫຼມຸນຕີ ຮອງ​ຫົວໜ້າ​ຫ້ອງການ​ບໍລິຫານ ພະ​ແນ​ກ ຖວທ ຕາງໜ້າຄະນະ​ກໍາມະການ ​ໃນ​ນາມ​ເຈົ້າຂອງ ໂຄງການກໍ່ສ້າງອາຄານສະຖານີວິທະຍຸ-ໂທລະພາບ ແຂວງເຊກອງ ໄດ້ລາຍງານຄວາມຄືບໜ້າການຈັດຕັ້ງປະຕິບັດຂອງໂຄງການກໍ່ສ້າງ ອາຄານສະຖານນີວິທະຍຸ-ໂທລະພາບ ແຂວງເຊກອງ ໃນວັນທີ 21 ທັນວາ 2017 ຜ່ານມາວ່າ: ອາຄານສະຖານນີວິທະຍຸ-ໂທລະພາບ ແຂວງເຊກອງ ເປັນອາຄານ 3 ຊັ້ນ ຕັ້ງຢູ່ບ້ານໂນນມີໄຊ ເມືອງລະມາມ ແຂວງເຊກອງ ເຊິ່ງເປັນ​ໂຄງການ​ບູລິມະສິດໜຶ່ງຂອງແຂວງເຊ ກອງ ກໍຄືພະແນກຖະແຫຼງຂ່າວ, ວັດທະນະທໍາ ແລະທ່ອງທ່ຽວແຂວງ ເປັນອາຄານ​ເພື່ອ​ຮັບ​ໃຊ້​ໃຫ້​ແກ່​ການຈັດ​ຕັ້ງ​ປະຕິບັດ​ວຽກ​ງານ​ສື່​ມວນ​ຊົນຂອງ​ແຂວງ.

0065

ໂຄງການກໍ່ສ້າງອາຄານດັ່ງກ່າວນີ້ແມ່ນໄດ້ເລີ່ມລົງມືຈັດຕັ້ງປະຕິບັດມາແຕ່ເດືອນ 03 ປີ 2017 ເປັນຕົ້ນມາ ເຊິ່ງມີ​ສັນຍາ​ການ​ກໍ່ສ້າງໄລຍະ 03 ປີ ແຕ່ປີ 2017-2020 ໃຫ້ສໍາເລັດ 100%, ໃນມູນຄ່າການກໍ່ສ້າງທັງໝົດ 19,068,890,121 ຕື້ກີບ ໂດຍ ແມ່ນກຸ່ມບໍລິສັດຄໍາມີໄຊກໍ່ສ້າງ ແລະ ສ້ອມແປງເຄຫາສະຖານ ຈໍາກັດຜູ້ດຽວ ເປັນຜູ້ຮັບເໝົາກໍ່ສ້າງ ແລະ ລົງທຶນກ່ອນ 100%.

ທ່ານ ສີນວນ ກ່າວຕື່ມອີກວ່າ: ໃນໄລຍະ 9 ເດືອນຂອງ​ການ​ລົງມື​ຈັດ​ຕັ້ງ​ປະຕິບັດ​ໂຄງການ​ກໍ່ສ້າງ​ດັ່ງກ່າວ ປະ​ເມີນ​ຜົນ​ມີຄວາມ ຄືບໜ້າປະມານ 11,56% ມູນຄ່າ 2,205,212,970 ຕື້ກີບ ຂອງຈໍານວນມູນຄ່າທັງໝົດຕາມສັນຍາ ໃນນີ້, ໜ້າວຽກທີ່ບັນລຸແມ່ນ ວຽກຖົມດິນ, ວຽກຕັ້ງເສົາຕໍມໍ, ວຽກຍົກຍ້າຍຫ້ອງນໍ້າອອກຈາກພື້ນທີ່ກໍ່ສ້າງ, ວຽກເທຄານ, ວຽກຕີແບບເສົາ,​ໂດຍ​ລວມຕາມການ​ປະ​ເມີນ​ຂອງ​ຄະນະ​ກໍາມະການ ​ເຫັນ​ວ່າການຈັດຕັ້ງປະຕິບັດໜ້າທີ່ວຽກງານຍັງມີລັກສະນະຊັກຊ້າ, ບໍລິສັດຮັບເໝົາກໍ່ສ້າງບໍ່ໄດ້ປະຕິບັດ ຕາມ ແຜນດໍາເນີນງານ ຕາມຄໍາແນະນໍາຂອງວິຊາການຕິດຕາມ​ກວດກາ ຈິ່ງເຮັດໃຫ້ບາງວຽກຍັງມີລັກສະນະຊັກຊ້າ​ແກ່ຍາວ, ອີກ​ດ້ານ​ໜື່ງ​ແມ່ນເນື່ອງຈາກວ່າສະພາບດິນຟ້າອາກາດໃນຊ່ວງລົງມືຈັດຕັ້ງປະຕິບັດມີຝົນຕົກຫຼາຍເຮັດໃຫ້ການຈັດຕັ້ງປະຕິບັດໜ້າວຽກບາງວຽກ ມີ​ຄວາມ​ຊັກຊ້າບໍ່ໄປຕາມແຜນກິດຈະກໍາທີ່ວາງໄວ້.

ສ້າງຂື້ນໃນ ປີ 2017. ສະຫງວນລິຂະສິດໂດຍ: ພະແນກຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງເຊກອງ, ຕັ້ງຢູ່ບ້ານ ໂນນ​ມີ​ໄຊ, ເມືອງ ລະມາມ, ແຂວງ ເຊກອງ, ໂທຣ:(+856)038 211024, ແຟກ:(+856)038 211024, ມືຖື: 020 55121635
Powered by Joomla 1.7 Templates