ຍີນດີຕ້ອນຮັບເຂົ້າສູ່ເວັບໄຊພະ​ແນກ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງ​ເຊກອງ

ຍົກລະດັບຄຸນນະພາບການບໍລິການການທ່ອງທ່ຽວແກ່ຜູ້ປະກອບການທຸລະກິດໂຮງແຮມ ເຮືອນພັກ ແລະຮ້ານອາຫານ

0063

# ຂ່າວ-ພາບ: ນາລີວັນ

ຕອນເຊົ້າວັນທີ 18 ທັນວາ 2017 ນີ້ ສະຖາບັນສື່ມວນຊົນ, ວັດທະນະທໍາ ແລະທ່ອງທ່ຽວ ຮ່ວມກັບ ພະແນກຖະແຫຼງຂ່າວ, ວັດທະນະທຳ ແລະທ່ອງທ່ຽວ ແຂວງ ເຊກອງ ໄດ້ຈັດຝຶກຊຸດຝຶກອົບຮົມ ຍົກລະດັບ ຄຸນນະພາບການບໍລິການ, ການທ່ອງທ່ຽວ ແລະ ທັກສະການເອົາໃຈໃສ່ລູກຄ້າ ແກ່ຜູ້ປະກອບການທຸລະກິດໂຮງແຮມ, ເຮືອນພັກ ແລະຮ້ານອາຫານ ທີ່ເມືອງທ່າແຕງ ແຂວງເຊກອງ

ໂດຍການເປັນປະທານຂອງທ່ານ ສຸບັນ ເດສົມພອງ ຮອງຫົວໜ້າພະແນກຖະແຫຼງຂ່າວ, ວັດທະນະທຳ ແລະທ່ອງທ່ຽວແຂວງເຊກອງ, ທ່ານ ນາງ ດາລານີ ພົມມະວົງສາ ຮອງຫົວໜ້າສະຖາບັນສື່ມວນຊົນ, ວັດທະນະທໍາ ແລະທ່ອງທ່ຽວ, ເປັນກຽດເຂົ້າຮ່ວມຂອງທ່ານ ພູວົງ ກອງຊັບ ກໍາມະການພັກເມືອງ ຫົວໜ້າຫ້ອງການຖະແຫຼງຂ່າວ, ວັດທະນະທໍາ ແລະທ່ອງທ່ຽວເມືອງທ່າແຕງ, ມີນັກວິທິຍາ ກອນ ແລະສຳມະນາກອນຈາກພາກລັດ ແລະພາກທຸລະກິດອ້ອມຂ້າງເມືອງເຂົ້າຮ່ວມຢ່າງພ້ອມພຽງ.

ທ່ານ ນາງ ດາລານີ ພົມມະວົງສາ ຮອງຫົວໜ້າສະຖາບັນສື່ມວນຊົນ, ວັດທະນະທໍາແລະທ່ອງທ່ຽວ ມີຄຳເຫັນ ຕໍ່ຊຸດຝຶກອົບຮົມຄັ້ງນີ້ວ່າ: ໄລຍະຜ່ານມາພວກເຮົາໄດ້ມາຈັດຝຶກອົບຮົມຢູ່ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງ ຫຼາຍຄັ້ງ ແລະມີຫຼາຍຫົວຂໍ້ ໂດຍເນັ້ນໃສ່ບັນດາຜູ້ໃຫ້ການບໍລິການໂຮງແຮມ, ເຮືອນພັກ, ຮ້ານອາ ຫານ ແລະຜູ້ນຳທ່ຽວ.

      ການຈັດຝຶກອົບຮົມຄັ້ງນີ້ ຍັງເປັນການຍົກລະດັບຄວາມຮູ້ ແລະແນ່ໃສ່ຍົກຂີດຄວາມສາມາດໃຫ້ແກ່ທຸລະກິດ ດັ່ງກ່າວ ໄດ້ຮັບຮູ້ເຂົ້າໃຈ ຕໍ່ກັບການບໍລິການຢູ່ສະຖານທີ່ແຫຼ່ງທ່ອງທ່ຽວຕ່າງໆຢ່າງມີປະສິດທິພາບໂດຍສະເພາະ ແມ່ນ ການບໍລິການທີ່ດີ, ການຮັບແຂກທີ່ດີ, ການເປັນແມ່ບ້ານທີ່ດີ ກໍຄືການເປັນເຈົ້າພາບທີດີໃນການຕ້ອນຮັບແຂກ ພາຍໃນ ແລະຕ່າງປະເທດ ທີ່ເຂົ້າມາທ່ອງທ່ຽວ, ເພື່ອຮັບປະກັນຄຸນນະພາບໃນດ້ານການບໍລິການ ແນໃສ່ດຶງດູດເອົານັກທ່ອງ ທ່ຽວໃຫ້ເຂົ້າມາທ່ອງທ່ຽວລາວເວົ້າລວມ, ເວົ້າສະເພາະແຂວງເຊກອງ ກໍຄື ເມືອງ ທ່າແຕງໃຫ້ນັບມື້ນັບຫຼາຍຂື້ນ, ເພາະວ່າຄວາມປະທັບໃຈຂອງລູກຄ້າແມ່ນເປັນໝາກຫົວໃຈຂອງການບໍລິການຂອງບັນດາໂຮງແຮມ, ເຮືອນພັກ ແລະ ຮ້ານອາຫານເພື່ອ ດຶງດຸດບັນດານັກທ່ອງທ່ຽວໃຫ້ຢາກມາທ່ອງທ່ຽວແຂວງເຊກອງ ກໍ່ຄືເມືອງທ່າແຕງອີກເລື້ອຍໆໃນ ຕໍ່ໜ້າ.

ພ້ອມນີ້ ທ່ານຍັງໄດ້ຮຽກຮ້ອງໃຫ້ນັກສຳມະນາກອນ ພ້ອມກັນເອົາໃຈໃສ່ຄົ້ນຄວ້າ, ປະກອບຄຳຄິດ-ຄຳເຫັນ ເພື່ອເຮັດໃຫ້ຊຸດຝຶກອົບຮົມຄັ້ງນີ້ມີຜົນສຳເລັດ ແລະນຳເອົາບົດຮຽນທີ່ຝຶກອົບຮົມໃນຄັ້ງນີ້ນຳໄປໜູນໃຊ້ເຂົ້າໃນວຽກງານ ທີ່ຕົນເອງຮັບຜິດໃຫ້ເກີດຜົນປະໂຫຍດສູງສຸດ. ຊຸດອົບຮົມຄັ້ງນີ້ ຈະດໍາເນີນເປັນເວລາ 3 ວັນ ແຕ່ວັນທີ 18-20 ທັນວາ 2017 ຈິ່ງຈະສໍາເລັດ.

ສ້າງຂື້ນໃນ ປີ 2017. ສະຫງວນລິຂະສິດໂດຍ: ພະແນກຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງເຊກອງ, ຕັ້ງຢູ່ບ້ານ ໂນນ​ມີ​ໄຊ, ເມືອງ ລະມາມ, ແຂວງ ເຊກອງ, ໂທຣ:(+856)038 211024, ແຟກ:(+856)038 211024, ມືຖື: 020 55121635
Powered by Joomla 1.7 Templates