ຍີນດີຕ້ອນຮັບເຂົ້າສູ່ເວັບໄຊພະ​ແນກ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງ​ເຊກອງ

ລະມາມ ຄະນະພັກຮາກຖານບ້ານໂພນສຳເລັດບັ້ນດຳເນີນຊີວິດການເມືອງປັບປຸງປົວແປງພັກ

0060

#ຂ່າວ-ພາບ:ດາວສະຫວັນ ໄຊລາສອນ

ຕອນບ່າຍຂອງວັນທີ 15 ທັນວາ 2017 ຜ່ານມາ, ຄະນະພັກຮາກຖານບ້ານໂພນໄດ້ສຳເລັດກອງປະຊຸມບັ້ນດຳເນີນຊີວິດ ການເມຶອງປັບປຸງປົວແປວພັກ ທົ່ວໜ່ວຍພັກ ພາຍຫຼັງດຳເນີນເປັນເວລາ 3 ວັນ ເຊິ່ງເລີ່ມຕັ້ງແຕ່ວັນທີ 13 ທັນວາຜ່ານມາ ໂດຍໃຫ້ ກຽດເຂົ້າຮ່ວມຂອງສະຫາຍ ໄຊຍະຫວັດ ກ້ອນຄຳໝັ້ນ ຄະນະປະຈຳພັກ ເມືອງລະມາມ,ມີບັນດາຄະນະໜ່ວຍ 4 ໜ່ວຍພັກທີ່ຂຶ້ນກັບ ພ້ອມດ້ວຍສະມາຊິກພັກສຳຮອງ,ສົມບູນເຂົ້າຮ່ວມຢ່າງພ້ອມພຽງ.

0061

   ສະຫາຍ ນ.ວົງໃສ ຈູມທູມມະລາ ກຳມະການພັກເມືອງ ເລຂາຄະນະພັກຮາກຖານບ້ານ-ນາຍບ້ານໆໂພນກໍ່ໄດ້ລາຍງານ ຜົນສຳເລັດບັ້ນດຳເນີນຊີວິດການເມືອງ ປັບປຸງປົວແປງພັກ ຂອງຄະນະພັກຮາກຖານບ້ານໂພນ ເຊິ່ງສະມາຊິກພັກພະນັກງານແມ່ນ ໄດ້ເອົາໃຈໃສ່ເຊື່ອມຊຶມ,ຮັບຮູ້ ແລະເຂົ້າໃຈເອກະສານເດັດດຽວປັບປຸງປົວແປງພັກໃຫ້ມີຄວາມປອດໃສ,ເຂັ້ມແຂງ,ໜັກແໜ້ນ ແລະ ບົດສະຫຼຸບຕີລາຄາການຊີ້ນຳໆພາ ຂອງຄະນະພັກຮາກຖານໃນການຈັດຕັ້ງປະຕິບັດ ມະຕິກອງປະຊຸມໃຫຍ່ຄັ້ງທີ II ຂອງຄະນະພັກ ຮາກຖານບ້ານ 3 ປີຜ່ານມາ, ແກ້ໄຂດ້ານອ່ອນ, ຂໍ້ຄົງຄ້າງ, ສິ່ງທ້າທາຍໃນໄລຍະຜ່ານມາ ເພື່ອເສີມຂະຫຍາຍຈຸດດີພ້ອມກັນຊອກຫາ ວິທີແກ້ໄຂຈຸດອ່ອນ ແລະ ຂໍ້ຄົງຄ້າງ ເພື່ອພ້ອມກັບແກ້ໄຂປະກົດການຫຍໍ້ທໍ້ຕ່າງໆທີ່ອາດຈະເກີດຂຶ້ນພາຍໃນພັກໃຫ້ຫຼຸດໜ້ອຍຖອຍລົງ ເທື່ອລະກ້າວ.ຈາກນັ້ນບັນດາສະມາຊິກພັກໄດ້ພ້ອມກັນປະກອບຄຳເຫັນ, ຕຳນິສົ່ງຂ່າວເຊິ່ງກັນແລະກັນດ້ວຍຄວາມຈິງໃຈເພື່ອຕີລາຄາ ດ້ານດີ-ດ້ານອ່ອນ,ບົດຮຽນທີ່ຖອດຖອນໄດ້ໃນສະເພາະໜ້າແລະຍາວນານ, ພ້ອມທັງທາບທາມລົງຄະແນນສຽງຄວາມໄວ້ວາງໃຈພາຍ ໃນພັກ. ຜ່ານການດຳເນີນປັບປຸງປົວແປງພັກຂອງຄະນະພັກຮາກຖານບ້ານໂພນແມ່ນດຳເນີນໄປດ້ວຍບັນຍາກາກດຟົດຟື້ນ, ມີຄວາມ ເປັນເອກະພາບສູງ, ສາມາດບັນລຸຕາມຈຸດປະສົງ ແລະ ເປົ້າໝາຍທີ່ວາງໄວ້, ເຊິ່ງເປັນໝາກຜົນລວມແຫ່ງການສ້າງຄວາມສາມັກຄີເປັນ ເອກະພາບຂອງບັນດາຄະນະພັກ, ສະມາຊິກພັກ, ທຸກສະຫາຍໄດ້ເສີມຂະກຍາຍລະບອບປະຊາທິປະໄຕຢ່າງກ້ວາງຂວາງ ແລະ ມີນໍ້າໃຈ ຮັບຜິດຊອບສູງຕໍ່ໜ້າທີ່ວຽກງານ, ພ້ອມນັ້ນກໍ່ໄດ້ວາງທິດທາງແຜນການໃນຕໍ່ໜ້າໂດຍຈະສືບຕໍ່ໃນການຊີ້ນຳໆພາສະມາຊິກພັກ, ພະນັກ ງານ-ຄູອາຈານທັງໝົດຢູ່ພາຍໃນບ້ານສູ້ຊົນຈັດຕັ້ງປະຕິບັດບັນດາແນວທາງນະໂຍບາຍຂອງພັກ ລະບຽບກົດໝາຍຂອງລັດ, ແຜນພັດ ທະນາເສດຖະກິດ-ສັງຄົມໃຫ້ປະກົດຜົນເປັນຈິງເທື່ອລະກ້າວ.0062

   ໂອກາດນີ້, ສະຫາຍ ໄຊຍະຫວັດ ກ້ອນຄຳໝັ້ນ ຮອງເລຂາພັກເມືອງກໍ່ໄດ້ໂອ້ລົມຕໍ່ບັ້ນດຳເນີນຊີວິດການເມືອງປັບປຸງ ປົວແປງພັກຄັ້ງນີ້ ຊຶ່ງກ່ອນອື່ນທ່ານກໍ່ໄດ້ສະແດງຄວາມຍ້ອງຍໍຊົມເຊີຍຕໍ່ຜົນສຳເລັດຂອງບັ້ນດຳເນີນຊີວິດການເມືອງປັບປຸງປົວແປງພັກ ຄັ້ງນີ້ເຊີ່ງສະແດງອອກໃຫ້ເຫັນບັນດາສະຫາຍສາມະຊິກພັກແມ່ນມີຄວາມຮັບຜິດຊອບສູງສາມາດບັນລຸຕາມຈຸດປະສົງ ແລະ ລະດັບ ຄາດໝາຍທີ່ວາງໄວ້,ພ້ອມນີ້ກໍ່ໄດ້ຮຽກຮ້ອງໃຫ້ບັນດາຄະນະພັກ,ສະມາຊິກພັກທຸກສະຫາຍຈົ່ງພ້ອມກັນເອົາໃຈໃສ່ບຸກບືນ ຈັດຕັ້ງປະຕິ ບັດໜ້າທີ່ວຽກງານທີ່ຕົນເອງຮັບຜິດຊອບໃຫ້ມີຜົນສຳເລັດເປັນຢ່າງດີ.

ສ້າງຂື້ນໃນ ປີ 2017. ສະຫງວນລິຂະສິດໂດຍ: ພະແນກຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງເຊກອງ, ຕັ້ງຢູ່ບ້ານ ໂນນ​ມີ​ໄຊ, ເມືອງ ລະມາມ, ແຂວງ ເຊກອງ, ໂທຣ:(+856)038 211024, ແຟກ:(+856)038 211024, ມືຖື: 020 55121635
Powered by Joomla 1.7 Templates