ຍີນດີຕ້ອນຮັບເຂົ້າສູ່ເວັບໄຊພະ​ແນກ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງ​ເຊກອງ

ຖວທ ເຊກອງ ເຊື່ອມຊຶມບັນດາເອກະສານສໍາຄັນຫຼາຍຢ່າງ

0053

#ຂ່າວ-ພາບ: ນາລີວັນ

ຕອນເຊົ້າວັນທີ 13 ທັນວາ 2017 ນີ້ ຢູ່ທີ່ຫ້ອງປະຊຸມພະແນກຖະແຫຼງຂ່າວ, ວັດທະນະທໍາ ແລະທ່ອງທ່ຽວ (ຖວທ) ແຂວງເຊກອງ ໄດ້ມີພິທີເຊື່ອມຊຶມບັນດາເອກະສານສໍາຄັນຕ່າງໆຂອງພັກ-ຂອງຊາດເປັນຕົ້ນ: ເຊື່ອມຊຶມ ມະຕິກອງປະຊຸມຄົບຄະນະບໍລິ ຫານງານສູນກາງພັກ ຄັ້ງທີ 5 ສະໄໝທີ X, ເຊື່ອມຊຶມເອກະສານການສົ່ງເສີມ ວິສາຫະກິດຂະໜາດນ້ອຍ ແລະກາງ, ວັນສະຖາປານາ ສປປ ລາວ ຄົບຮອບ 42 ປີ (2 ທັນວາ 1975-2 ທັນວາ 2017) ແລະວັນຄ້າຍວັນເກີດປະທານໄກສອນ ພົມວິຫານ ຄົບຮອບ 97 ປີ (13 ທັັນວາ 1920-13 ທັນວາ 2017) ເຊິ່ງໃຫ້ຫກຽດເລົ່າຄືນໂດຍ ທ່ານ ບຸນທົງ ຖິ່ນດອນໂຂງ ຮອງຫົວໜ້າພະແນກ ຖວທ ແຂວງເຊກອງ, ເຂົ້າຮ່ວມ ຮັບຟັງມີບັນດາຄະນະພັກ-ຄະນະພະແນກ, ສະມາຊິກພັກ, ພະນັກງານ-ລັດຖະກອນພາຍໃນພະແນກເຂົ້າຮ່ວມ.

0054

ການເຊື່ອມຊຶມມະຕິຄັ້ງນີ້, ທ່ານ ຮອງຫົວໜ້າພະແນກ ຖວທ ແຂວງ ເຊກອງ ໄດ້ຍົກໃຫ້ເຫັນເຖິງຈຸດສຳຄັນ ຂອງມະຕິກອງປະ ຊຸມຄົບຄະນະຄັ້ງທີ 5 ຂອງຄະນະບໍລິຫານງານສູນກາງພັກ ສະໄໝທີີ X, ມະຕິ 26/ຄລສພ ວ່າ ດ້ວຍການເພີ່ມທະວີວຽກງານ ຄຸ້ມຄອງ ແລະພັດທະນາທີ່ດິນໃນໄລຍະໃໝ່, ເນື້ອໃນເອກະສານການສົ່ງເສີມວິສາຫະ ກິດຂະໜາດນ້ອຍ ແລະກາງ. ກອງປະຊຸມຄົບຄະນະຂອງ ຄະນະບໍລິຫານງານສູນພັກ ຄັ້ງທີ 5 ສະໄໝທີ X ໄດ້ຕີລາ ຄາຜົນຂອງການຜັນຂະຫຍາຍ ແລະຈັດຕັ້ງປະຕິບັດມະຕິກອງປະຊຸມສູນກາງຄົບຄະນະຄັ້ງທີ 4 ຂອງຄະນະບໍລິຫານ ງານສູນກາງພັກສະໄໝທີ X ໃນການຈັດຕັ້ງປະຕິບັດແຕ່ລະຂົງເຂດວຽກງານ; ທິດທາງລວມ ແລະ ໜ້າທີ່ຈຸດສຸມໃນ ຕໍ່້ໜ້າ. ນອກນີ້, ຍັງໄດ້ເຊື່ອມຊຶມກ່ຽວກັບຄວາມໝາຍສຳຄັນຂອງວັນຊາດ ທີ 2 ທັນວາ ເຫັນວ່າຜົນສຳເລັດ ໃນການ ປົກປັກຮັກສາ ແລະສ້າງສາພັດທະນາປະເທດຊາດຕະຫຼອດໄລຍະ 42 ປີຜ່ານມາ ປະຊາຊົນລາວບັນດາເຜົ່າ ໄດ້ເປັນ ເຈົ້າຂອງປະເທດຊາດຢ່າງແທ້ຈິງ, ລັດເຮົາໄດ້ມີລັດຖະທຳມະນູນ ແລະກົດໝາຍ ເພື່ອປົກຄອງ ແລະຄ້ຳປະກັນສິດ - ພັນທະຂອງພົນລະເມືອງລາວ, ພາຍໃຕ້ການນຳພາອັນຖືກຕ້ອງຂອງພັກ ແລະດ້ວຍການເສີມຂະຫຍາຍກຳລັງແຮງສັງ ລວມຂອງຊາດ, ຂອງຍຸກສະໄໝເຮັດໃຫ້ການຈັດຕັ້ງປະຕິບັດມະຕິກອງປະຊຸມໃຫຍ່ຂອງພັກໃນແຕ່ລະສະໄໝ ແລະ ການປະຕິບັດແຜນພັດທະນາເສດຖະກິດ - ສັງຄົມແຫ່ງຊາດແຕ່ລະຄັ້ງບັນລຸຄາດໝາຍ ເຊິ່ງໄດ້ສ້າງຄວາມເຊື່ອໝັ້ນ ໃຫ້ ແກ່ປະຊາຊົນບັນດາເຜົ່າ ແລະເພື່ອນມິດສາກົນ, ທັງສ້າງພື້ນຖານອັນໜັກແໜ້ນ ໃຫ້ແກ່ພາລະກິດການປົກປັກ ຮັກສາ ແລະ ສ້າງສາພັດທະນາປະເທດຊາດ, ຮັບປະກັນຄວາມມີສະຖຽນລະພາບ ທາງດ້ານການເມືອງ ຢ່າງໜັກ ແໜ້ນ, ສັງ ຄົມມີຄວາມສະຫງົບສຸກ ແລະເປັນລະບຽບຮຽບຮ້ອຍໂດຍພື້ນຖານ, ວັດທະນະທຳ-ສັງຄົມ ໄດ້ຮັບການ ເສີມຂະ ຫຍາຍຢ່າງຕັ້ງໜ້າ, ຊີວິດການເປັນຢູ່ທາງດ້ານວັດຖຸ ແລະ ຈິດໃຈຂອງປະຊາຊົນລາວ ໄດ້ຮັບການປົວແປງດີ ຂຶ້ນເປັນ ລຳດັບ, ບົດບາດອິດທິພົນຂອງປະເທດເຮົາຕໍ່ພາກພື້ນ ແລະ ສາກົນນັບມື້ພົ້ນເດັ່ນຂຶ້ນ, ການພັດທະນາເສດ ຖະກິດ - ສັງຄົມໄດ້ມີຜົນສຳເລັດອັນສຳຄັນ ແລະມີບາດກ້າວຂະຫຍາຍຕົວຕໍ່ເນື່ອງ, ໝັ້ນທ່ຽງ, ຍອດຜະລິດຕະພັນ ພາຍໃນ ຫຼື GDP ເພີ່ມຂຶ້ນໃນແຕ່ລະປີ. ພ້ອມດຽວກັນນີ້ ທ່ານຍັງໄດ້ຍົກໃຫ້ເຫັນປະຫວັດຄວາມເປັນມາ, ຜົນງານ ການເຄື່ອນໄຫວ ແລະ ການຊີ້ນຳໆພາປະຊາຊົນລາວ ເຂົ້າໃນການຕໍ່ສູ້ຕ້ານພວກລ່າເມືອງຂຶ້ນ ອັນໄດ້ເຮັດໃຫ້ປະເທດ ຊາດໄດ້ຮັບການປົດປ່ອຍ.0055

ການເຊື່່ອມຊຶມມະຕິດັ່ງກ່າວ ກໍເພື່ອເຮັດໃຫ້ຄະນະພັກ, ສະມາຊິກພັກ, ພະນັກງານ-ລັດຖະກອນພາຍ ໃນພະແນກ ຖວທ ແຂວງເຊກອງ ມີຄວາມຮັບຮູ້ເຂົ້າໃຈ, ກໍາແໜ້ນເລິກເຊິ່ງ ແລະເປັນເອກະພາບສູງຕໍ່ບັນດາ ເນື້ອໃນສຳຄັນຂອງມະຕິກອງປະຊຸມຄະນະບໍລິຫານງານສູນກາງພັກຄົບຄະນະ ຄັ້ງທີ 5 ສະໄໝທີ X ເພື່ອຫັນ ມະຕິດັ່ງກ່າວ ເປັນທິດທາງ, ວຽກງານ ແລະເປັນແຜນປະຕິບັດງານລະອຽດຂອງ ອົງຄະນະພັກແຕ່ລະຂັ້ນ, ຍົກ ສູງຄວາມເປັນເຈົ້າການ ແລະຄວາມສາມາດໃນການນຳພາທົ່ວພັກ, ທົ່ວກໍາລັງປະກອບອາ ວຸດ ແລະທົ່ວປວງຊົນ ຈັດຕັັ້ງປະຕິບັດໃຫ້ມີຜົນສໍາເລັດຢ່າງຈົບງາມ; ເພື່ອສຶກສາອົບຮົມ, ຍົກສູງຫຼັກໝັ້ນການເມືອງຂອງພະນັກງານ, ສະມາ ຊິກພັກ ແລະປະຊາຊົນບັນດເຜົ່າ ໃຫ້ມີຄວາມເດັດດ່ຽວໜຽວແໜ້ນ, ບໍ່ຫວັ່ນໄຫວຄອນແຄນຕໍ່ສະພາບການຕ່າງໆ ແລະສືບຕໍ່ຜັນຂະຫຍາຍໝາກຜົນເບື້ອງຕົ້ນ ຂອງການດໍາເນີນຊີວິດການເມືອງປົວແປງທົ່ວພັກ ປີ 2017 ໂດຍຕິດ ພັນກັບການປັບປຸງ, ບູລະນະກົງຈັກການຈັດຕັ້ງຕ່າງໆ, ປັບປຸງລະບອບນຳພາ, ແບບແຜນວິທີເຮັດວຽກ ແລະແບບ ແຜນດຳລົງຊີວິດ, ແກ້ໄຂປະກົດການຫຍໍ້ທໍ້ໃນການຈັດຕັ້ງ ກໍຄືໃນຖັນແຖວສະມາຊິກພັກ ແລະພະນັກງານ.

ສ້າງຂື້ນໃນ ປີ 2017. ສະຫງວນລິຂະສິດໂດຍ: ພະແນກຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງເຊກອງ, ຕັ້ງຢູ່ບ້ານ ໂນນ​ມີ​ໄຊ, ເມືອງ ລະມາມ, ແຂວງ ເຊກອງ, ໂທຣ:(+856)038 211024, ແຟກ:(+856)038 211024, ມືຖື: 020 55121635
Powered by Joomla 1.7 Templates