ຍີນດີຕ້ອນຮັບເຂົ້າສູ່ເວັບໄຊພະ​ແນກ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງ​ເຊກອງ

ຫຼາຍພາກສ່ວນປະກອບສ່ວນທຶນ ງານເປີດປີທ່ອງທ່ຽວລາວ 2018 ທີ່ແຂວງເຊກອງ

0050

#ຂ່າວ ທິດສາຄອນ ວົງມະນີ

ໂດຍປະຕິບັດຕາມຂໍ້ຕົກລົງຂອງ ທ່ານເຈົ້າແຂວງໆເຊກອງສະບັບເລກທີ 292/ຈຂຊກ ລົງວັນທີ 1 ທັນວາ 2017 ວ່າດ້ວຍແຕ່ຕັ້ງຄະນະກໍາມະການລະດົມທຶນ, ໄປລະດົມທຶນຢູ່ຕ່າງແຂວງ ໃນລະຫວ່າງວັນທີ 5-7 ທັນວາ 2017 ນີ້ ທ່ານ ເຫຼັກໄຫຼ ສີວິໄລ ຮອງເຈົ້າແຂວງໆເຊກອງ, ພ້ອມຄະນະໄດ້ເຄື່ອນໄຫວລະດົມທຶນນໍາບັນດາບໍລິ ສັດ,ວິສາຫະກິດຕ່າງໆໆ ຢູ່ທີ່ນະຄອນຫຼວງວຽງຈັນ ເພື່ອກະກຽມຮັບໃຊ້ເຂົ້າໃນກກິດຈະກຳ ແລະ ງານຕ່າງໆຂອງ ແຂວງເຊກອງ,ໂດຍສະເພາະງານເປີດປີທ່ອງທ່ຽວລາວ 2018 ທີ່ແຂວງເຊກກອງ ແລະ ງານສຳຄັນຕ່າງໆຂອງແຂວງ.

0000

        ການເຄື່ອນໄຫວໃນຄັ້ງນີ້,ບັນດາຄະນະກຳມະການທີ່ຖືກແຕ່ງຕັ້ງໄດ້ເອົາໃຈໃສ່ເຄື່ອນໄຫວລະດົມທຶນຢ່າງຕັ້ງໜ້າ ແລະ ບັນດາບໍລິສັດ,ວິສາຫະກິດຕ່າງໆກໍ່ໄດ້ປະກອບສ່ວນທຶນຮອນຂອງຕົນຕາມຄວາມອາດສາມາດ, ສັງລວມແລ້ວສາ ມາດລະດົມທຶນໄດ້ທັງໝົດ 500ກວ່າລ້ານກີບ, ໃນນີ້ ບໍລິສັດທອງສະຫວັນກໍ່ສ້າງສ້ອມແປງຂົວທາງປະກອບສ່ວນ ຈຳນວນ 100 ລ້ານກີບ, ບໍລິສັດວຽງຈັນອໍໂຕເມຊັນ ແອນ ໂຊລູຊັນເອັນຈີເນຍຣິງ ຈຳກັດປະກອບສ່ວນ50 ລ້ານກີບ, ບໍລິສັດ ເທບສີເມືອງ ປະກອບສ່ວນ25 ລ້ານ, ບໍລິສັດTHB ກຣຸບ ປະກອບສ່ວນ100 ລ້ານກີບ, ບໍລິສັດ ດີເອັມດີ ພັດທະນາ ປະກອບສ່ວນ20 ລ້ານກີບ, ບໍລິສັດ ເນເຊີແນວ ຄອນຊາວຕິ້ງ ຈຳກັດຜູ້ດຽວ ປະກອບສ່ວນ10 ລ້ານກີບ, ບໍລິສັດ ເຄເອັສ໌ຊີ ສໍາຫຼວດອອກແບບ ແລະ ກໍ່ສ້າງຈຳກັດຜູ້ດຽວ ປະກອບສ່ວນ15 ລ້ານກີບ, ບໍລິສັດ ທີເຄ ກຣຸບ ປະກອບສ່ວນ50 ລ້ານກີບ, ບໍລິສັດ ທີ່ປຶກສາດ້ານການລົງທຶນ ແລະ ກໍ່ສ້າງເຂື່ອນໄຟຟ້າ ຈຳກັດຜູ້ດຽວ ປະກອບສ່ວນ80 ລ້ານກີບ, ບໍລິສັດ ລາວວິສາວະກຳດ້ານພະລັງງານຈຳກັດ ປະກອບສ່ວນລ້ານກີບ ແລະ ກຸ່ມບໍລິສັດ ດວງຈະເລີນພັດທະນາກໍ່ສ້າງຈຳກັດ ປະກອບສ່ວນຈຳນວນ 100 ລ້ານກີບ.00000

        ທ່ານ ເຫຼັກໄຫຼ ສີວິໄລ ຮອງເຈົ້າແຂວງໆເຊກອງ ໄດ້ຕີລາຄາວ່າ ການປະກອບສ່ວນດ້ານທຶນຮອນຂອງບັນບໍລິ ສັດຕ່າງໆໃນນຄັ້ງນີ້ແມ່ນມີຄວາມສຳຄັນເປັນຢ່າງຍິ່ງເປັນການປະກອບສ່ວນດ້ານທຶນຮອນທີ່ສຳຄັນເຂົ້າໃນວຽກງານຕ່າງໆຂອງແຂວງ ທັງເປັນການກະຕຸກຊຸກຍູ້ບັນດາກິດຈະກຳຕ່າງໆໃນງານເປີດປີທ່ອງລາວ 2018 ທີ່ແຂວງເຊກອງ ແລະ ງານສຳຄັນ ຕ່າງໆຂອງແຂວງ ໃຫ້ໄດ້ຮັບການຈັດຕັ້ງປະຕິບັດຢ່າງມີຜົນສຳເລັດ, ມາຮອດປະຈຸບັນໄດ້ມີຫຼາຍບໍລິສັດ, ຫຼາຍວິສາ ຫະກິດ ທັງພາຍໃນແຂວງ ແລະ ຕ່າງແຂວງ ຕ່າງກໍ່ໄດ້ຕື່ນຕົວປະກອບສ່ວນທາງດ້ານທຶນຮອນຢ່າງຕັ້ງໜ້າເຂົ້າໃນງານ ປີທ່ອງທ່ຽວລາວ 2018 ທີ່ແຂວງເຊກອງ ດ້ວຍບັນຍາກາດຟົດຟື້ນ, ຄະນະກຳມະການລະດົມທຶນຂັ້ນແຂວງຍັງໃຫ້ ຮູ້ຕື່ມວ່າ ໃນຕໍ່ໜ້ານີ້ແມ່ນຈະໄດ້ເອົາໃຈໃສ່ລະດົມທຶນນຳບໍລິສັດຕ່າງໆໃຫ້ໄດ້ຫຼາຍກວ່າເກົ່າ ແລະ ໃຫ້ບັນລຸຕາມຄາດ ໝາຍທີ່ວາງໄວ້.

ສ້າງຂື້ນໃນ ປີ 2017. ສະຫງວນລິຂະສິດໂດຍ: ພະແນກຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງເຊກອງ, ຕັ້ງຢູ່ບ້ານ ໂນນ​ມີ​ໄຊ, ເມືອງ ລະມາມ, ແຂວງ ເຊກອງ, ໂທຣ:(+856)038 211024, ແຟກ:(+856)038 211024, ມືຖື: 020 55121635
Powered by Joomla 1.7 Templates