ຍີນດີຕ້ອນຮັບເຂົ້າສູ່ເວັບໄຊພະ​ແນກ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງ​ເຊກອງ

ຮອງປະທານສະພາແຫ່ງຊາດ ເຄື່ອນໄຫວຊຸກຍູ້ວຽກງນຢູ່ແຂວງເຊກອງ

226

ພາບ-ຂ່າວ:ພຸດທະສອນ

     ທ່ານ ສົມພັນ ແພງຄໍາມີ ຮອງປະທານສະພາແຫ່ງຊາດ ພ້ອມດ້ວຍຄະນະ ໄດ້ລົງເຄື່ອນໄຫວຊຸກຍູ້ວຽກງານ ຢູ່ແຂວງເຊກອງ ໃນວັນທີ 9 ທັນວາ 2017 ນີ້ ຢູ່ທີ່ຫ້ອງປະຊຸມຊັ້ນ 3 ຫ້ອງວ່າການປົກຄອງແຂວງ ໂດຍການ ເຂົ້າຮ່ວມຂອງທ່ານ ຄຳເຜີຍບຸດດາວຽງ ເລຂາພັກແຂວງ-ເຈົ້າແຂວງເຊກອງ, ມີທ່ານ ພອນເພັດ ຄິວລະວົງ ປະ ທານຄະນະສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 16, ປະທານສະພາປະຊາຊົນແຂວງເຊກອງ ພ້ອມດ້ວຍຄະນະ ເຂົ້າຮ່ວມຮັບຟັງ.

224

  ທ່ານ ພອນເພັດ ຄິວລະວົງ ປະທານຄະນະສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 16, ປະທານສະພາ ປະຊາຊົນແຂວງເຊກອງ ໄດ້ລາຍງານແຜນການກະກຽມກອງປະຊຸມປະຈໍາປີຂອງຄະນະສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 16 ແຂວງ ເຊກອງ ແລະ ກອງປະຊຸມສະໄໝສາມັນເທື່ອທີ 4 ຂອງສະພາປະຊາຊົນແຂວງ ຊຸດທີ I ໂດຍຫຍໍ້ ຊຶ່ງກຳນົດເວລາດຳເນີນກອງປະຊຸມປະຈໍາປີ ຄະນະສະມາຊິກສະພາແຫ່ງຊາດປະຈໍາເຂດເລືອກຕັ້ງ ທີ 16 ແມ່ນຈະໄດ້ໄຂຂຶ້ນໃນວັນທີ 25 ທັນວາ 2017 ແລະ ກອງປະຊຸມສະໄໝສາມັນເທື່ອທີ 4 ຂອງສະພາປະຊາ ຊົນແຂວງ ຊຸດທີ I ແມ່ນວັນທີ 26-29 ທັນວາ 2017 ທີ່ໃກ້ຈະມາເຖິງນີ້.225

   ໃນໂອກາດທີ່ໄດ້ເຄື່ອນໄຫວເຮັດວຽກຂອງ ທ່ານ ສົມພັນ ແພງຄຳມີ ຮອງປະທານສະພາແຫ່ງຊາດໃນຄັ້ງນີ້ ທ່ານຍັງໄດ້ຜ່ານຄໍາແນະນໍາຂອງຄະນະປະຈໍາສະພາແຫ່ງຊາດສະບບເລກທີ 011/ຄປຈ, ລົງວັນທີ 19/7/2017 ວ່າ ດ້ວຍພິຈາລະນາຮັບຮອງເອົານິຕິກຳທີ່ສຳຄັນຂອງທ້ອງຖິ່ນ; ມະຕິຂອງກອງປະຊຸມສະພາແຫ່ງຊາດ ສະບັບເລກທີ 075/ສພຊ, ລົງວັນທີ 17/11/2017 ວ່າດ້ວຍການຮັບຮອງເອົາບົດລາຍງານຂອງລັດຖະບານ ກ່ຽວກັບການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມ 6 ເດືອນຕົ້ນປີ 2017 ແລະແຜນການປະຈໍາປີ 2018 ແລະ ມະຕິຂອງກອງປະຊຸມສະພາແຫ່ງຊາດ ສະບັບເລກທີ 076/ສພຊ, ລົງວັນທີ 17/11/2017 ວ່າດ້ວຍການຮັບຮອງເອົາບົດລາຍງານຂອງລັດຖະບານ ກ່ຽວກັບການຈັດຕັ້ງປະຕິບັດແຜນງົບປະມານແຫ່ງລັດ 6 ເດືອນຕົ້ນປີ 2017, ຄາດຄະເນໝົດປີ 2017 ແລະ ແຜນການປະຈໍາປີ 2018, ນອກນີ້ທັງສອງຝ່າຍໄດ້ປະກອບຄຳຄິດຄຳເຫັນແລກປ່ຽນບົດຮຽນເຊິ່ງກັນແລະກັນຕື່ມອີກ.

   ພ້ອມນີ້ທ່ານ ສົມພັນ ແພງຄຳມີ ໄດ້ເນັ້ນຫຼາຍບັນຫາຕໍ່ບັນດາສະມາຊິກສະພາແຫ່ງຊາດ ເຂດເລືອກຕັ້ງທີ16 ກໍ່ຄືສະສະມາຊິກສະພາປະຊາຊົນຂັ້ນແຂວງ ໃຫ້ສືບຕໍ່ເອົາໃຈໃສ່ຢ່າງຕັ້ງໜ້າ ເພື່ອຮັບປະກັນການກະກຽມກອງປະຊຸມດັ່ງກ່າວໃຫ້ບັນລຸຜົນສຳເລັດຕາມຈຸດປະສົງ ແລະຄາດໝາຍທີ່ວາງໄວ້, ທັງນີ້ ເພື່ອເສີມຂະຫຍາຍຄວາມຮັບຜິດຊອບໜ້າທີ່ການເມືອງຂອງສະມາຊິກສະພາ ໃນການຄົ້ນຄວ້າ ແລະ ພິຈາລະນາບັນຫາສຳຄັນຂອງທ້ອງຖິ່ນ ແລະ ເພື່ອເຮັດໃຫ້ເນື້ອໃນຕ່າງໆທີ່ກອງປະຊຸມໄດ້ຮັບຮອງເອົາ ແລະ ນໍາໄປຈັດຕັ້ງປະຕິບັດເຂົ້າສູ່ຊີວິດຂອງປະຊາຊົນບັນດາເຜົ່າຢ່າງເປັນຮູບປະທຳ ຢ່າງເລິກເຊິ່ງ ແລະກ້ວາງຂວາງ.

ສ້າງຂື້ນໃນ ປີ 2017. ສະຫງວນລິຂະສິດໂດຍ: ພະແນກຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງເຊກອງ, ຕັ້ງຢູ່ບ້ານ ໂນນ​ມີ​ໄຊ, ເມືອງ ລະມາມ, ແຂວງ ເຊກອງ, ໂທຣ:(+856)038 211024, ແຟກ:(+856)038 211024, ມືຖື: 020 55121635
Powered by Joomla 1.7 Templates