ຍີນດີຕ້ອນຮັບເຂົ້າສູ່ເວັບໄຊພະ​ແນກ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງ​ເຊກອງ

ຊ່ວງເຮືອເມືອງລະມາມປີນີ້ ເພຍໃໝ່ໄດ້ຊະນະເລີດ, ເຮືອສູດເປັນຂອງຫ້ອງວ່າການ

0048

#( ຂ່າວ-ພາບ : ສັນຍາ ແກ້ວໄຊຍະວົງ ) ພາບ: 222

ບຸນປະເພນີແຂ່ງຂັນຊ່ວງເຮືອເມືອງລະມາມແຂວງເຊກອງປະຈໍາປີ 2017 ໄດ້ຈັດຂຶ້ນໃນວັນທີ 3 ທັນວາຜ່ານມາ ທ່ານໍ້າເຊ ກອງບ້ານເພຍໃໝ່ບັນຍາກາດ ໂດຍລວມຄຶກຄຶ້ນພໍສົມຄວນບໍ່ວ່າຈະເປັນການແຂ່ງຂັນເຮືອຊ່ວງ ກໍຄືການຄ້າ-ຂາຍຕ່າງໆ.

0049

        ສະເພາະການແຂ່ງຂັນຟົດຟື້ນບໍ່ໜ້ອຍໄປກວ່າປີຜ່ານໆມາ ຊຶ່ງມີປະຊາຊົນເຂົ້າຮ່ວມຊົມຮ່ວມເຊຍໃຫ້ກຳລັງໃຈສີພາຍ ຢ່າງຫຼວງຫຼາຍ, ພ້ອມສົ່ງສຽງໂຮຮ້ອງ,ສຽງຂັບ-ສຽງລຳ ແລະ ສຽງເຊີ້ງສະຫຼັບສັບກັນຢ່າງເບີກບານມ່ວນຊື່ນຕະຫຼອດໄລຍະການ ແຂ່ງຂັນ, ຂະນະທີ່ສີພາຍເອງທັງຊາຍທັງຍິງຕ່າງກໍສູ້ກັນຢ່າງສຸດສີມືຈົນວິນາທີສຸດທ້າຍ ຈຶ່ງໄດ້ມາທິມຊະນະເລີດເຮືອຊ່ວງປະເພນີ ຊາຍ 19-22 ສີພາຍປີ 2017 ໄດ້ແກ່ບ້ານເພຍໃໝ່, ອັນດັບທີ 2 ໄດ້ແກ່ບ້ານໃໝ່ຫົວເມືອງ ແລະ ອັນດັບທີ 3 ບ້ານໂມ.

        ສ່ວນທິມຊະນະເລີດປະເພນີຍິງຕົກເປັນຂອງບ້ານໂມ, ອັນດັບທີ 2 ບ້ານປາກໂທນ, ໃນຂະນະທີ່ເຮືອສູດໃຫຍ່ 35-40 ສະພາຍປີ 2017 ນີ້ ເຮືອຫ້ອງວ່າການປົກຄອງແຂວງສາມາດຍາດໄດ້ອັນດັບທີ 1 ແລະ ອັນດັບທີ 2 ພະແນກກະສິກໍາ ແລະ ປ່າໄມ້ແຂວງ. ສຳລັບເຮືອເຄິ່ງສູດ-ເຄິ່ງປະເພນີ 19-22 ສີພາຍປະເພດຊາຍ ອັນດັບທີ 1 ແມ່ນບໍລິສັດສອນກໍ່ສ້າງ, ທີ 2 ປກສ ແຂວງ, ທີ 3 ເມືອງດາກຈຶງ ແລະ ປະເພດຍິງອັນດັບທີ 1 ປກສ ແຂວງ ແລະ ອັນດັບທີ 2 ບ້ານໃໝ່ຫົວເມືອງ.

        ໃຫ້ກຽດເຂົ້າຮ່ວມໃນການແຂ່ງຂັນຊ່ວງເຮືອປີນີ້ ໂດຍແມ່ນທ່ານ ຄຳເຜີຍ ບຸດດາວຽງ ເຈົ້າແຂວງໆເຊກອງ, ທ່ານ ພອນເພັດ ຄິວລະວົງ ປະທານສະພາປະຊາຊົນແຂວງ, ທ່ານ ແພງສີ ສີລາວີ ເຈົ້າເມືອງໆລະມາມ, ມີບັນດາທ່ານການນຳພັກ-ລັດຂັ້ນແຂວງ, ບັນດາເມືອງອ້ອມຂ້າງແຂວງ, ແຂກຖືກເຊີນ ແລະ ຄະນະຮັບຜິດຊອບເຂົ້າຮ່ວມ.

        ງານບຸນຊ່ວງເຮືອເມືອງລະມາມແຂວງເຊກອງ ແມ່ນໄດ້ຈັດຂຶ້ນທຸກໆປີໃນເດືອນທັນວາ (12) ໂດຍຈຸດປະສົງ ເພື່ອເປັນ ການສ້າງຂະບວນການສະເຫຼີມສະຫຼອງວັນຊາດທີ 2 ທັນວາ ແລະ ເພື່ອເປັນການອະນຸລັກ, ຮັກສາຮີດຄອງປະເພນີອັນດີງາມ ຂອງຊາດ, ຂອງເຜົ່າເວົ້າລວມ ກໍຄືຂອງແຂວງເຊກອງໄວ້ຮອດເຊັ່ນລູກ-ເຊັ່ນຫຼານ ເພື່ອສ້າງຄວາມມ່ວນຊື່ນໃຫ້ແກ່ຊາວ ແຂວງເຊກອງ ກໍຄືປະຊາຊົນລາວ ແລະ ຕ່າງປະເທດທີ່ມາທ່ອງທ່ຽວໃຫ້ຮູ້ເຖິງວັດທະນະທຳອັນດີງາມ ແລະ ຈຸດປະສົງອີກຢ່າງ ກໍເພື່ອສ້າງກິດຈະກໍາໃຫ້ແກ່ຂະບວນການເປີດປີທ່ອງທ່ຽວລາວປີ 2018.

ສ້າງຂື້ນໃນ ປີ 2017. ສະຫງວນລິຂະສິດໂດຍ: ພະແນກຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງເຊກອງ, ຕັ້ງຢູ່ບ້ານ ໂນນ​ມີ​ໄຊ, ເມືອງ ລະມາມ, ແຂວງ ເຊກອງ, ໂທຣ:(+856)038 211024, ແຟກ:(+856)038 211024, ມືຖື: 020 55121635
Powered by Joomla 1.7 Templates